سر الألم ..

هلا و الله ...

شوفي أنا من زمان رايحة له .. غرفه حلوة .. و أهم شي معروفة في الجودة .. بس هي مو مثل أشكل الغرف إلي عند العمر .. الصيني إلي يجيك من إلى ..

المنزل تجيك الغرفة السرير مع 2 كومدينه مع التسريحة و بس .. و إذا تبين دولاب تلفزيون - مكتب ..كل شي سعره لحال ..
و تصميمها يعني بعضها هادي و بعضها فخم ..


شوفي العمر يجيب تشكيلات غرف نوم فخمة و كبيرة و معها دولاب و ادراج و أحياناً أريكة .. و عنده شغلات حلوة ..

بس تراني من فترة شايفته ..
روحي له و شوفي شغله ..


طيب هذا المعرض وين يقام ؟؟

السلام عليكم ورحمة الله وبركاته

ديوانية عامرة ماشاء الله كل الحبايب هنا قمرا واسترخاء وورودالدار وسرالم وام احلى بدر

بالنسبة للأجهزة الكهربائية ذكرت الأخت الدبدوبة الدلوعة اظن الغسالة دورين وانها مجربتها ممكن تعطينا فكرة عنها وهل هي فل اتوماتك وكيف طريقة عملها سهلة وتنظف مزبوط لأني بصراحة تورطت ورطة جامدة وكله بصراحة من كلام الأخوات اللي قي قسم التجارب المنزلية قاموا يمدحون في غسالة ال جي الأتوماتيكية وانها ممتازة ووثقت في كلامهم واشتريتها لأنه غسالتي القديمة حرقتها بنتي لما شبكتها في 220 وكان ظروري اشتري جديدة وسعرها مش رخيص يعني 2300 ريال وفي الأخير طلعت غسلها جدا تعبان ولا كأنك غسلت ابدا وملابس العيال خاصة زي ماهي بوساختها تطلع وارجع اكرر ومافي فايدة والله حسافة الفلوس اللي اندفعت فيها وسلفتي اشترت ويرلبول وتقول نفس الحكاية عنها ياريت اللي عندها خبرة في الغسالات تفيدنا وانا كتبت هنا لأني واثقة فيكم وأعرفكم بصراحة احس قسم التجارب صار ملئ بمندوبات مدسوسات مش ناس يبغون الفايدة للناس

مشكورات

قمرا ,,

بالنسبة لصور شهد العسل : اضغطي عالصورة و تطلع لك كبيرة ..


أم عموري ..

أنا باقولك تجربتي في الغسالة : أنا عندي دورين غسالة و نشافة ..
و ماركة : whirlpool
thin twin
heavy duty
large capacity

صار لها عندي الآن أربع سنوات و نصف .. و ماشاء الله ممتازة في الغسل و التنظيف و التنشيف ..

و كان عندي غسالة LG و فعلاً كان غسلها مو مرة أنا قلت إمكن بسبب صابون الغسيل و غيرته إلى آريال و تحسن غسيله شوي ..

بس فعلاً جودة تنظيفها مو مرة ..

مشكورة ام احلى بدر على الفائدة طيب النشافة هذه زي ما يقولوا تريحك من الكوي ولا تنشيف عادي وصح انها تسحب كهرباء كثير لحسن موناقصين الفواتير في الفلل مضاعفة

وبكم هذه الغسالة ياريت تفيديني

طيب ال جي ايش سويتي فيها بيعتيها ولا كيف حاسة حرام مالي الا اخر رمضان اشتريتها واكيد لو احد يشتريها بيأخذها بتراب الفلوس

هلا أم عموري ..

بصراحة النشافة مرة حلوة ماشاء الله .. يعني تطلعين الملابس منها تكون حااارة و إذا على طول نفضت الملابس و مددتيها و صفطتيها فعلاً تصير كويسة مرة ..يعني بتريحك عن الكوي شوي ..
و على الأقل يكون وقت الكوي أقل لأنها ماتكون معفسة مرة ..
أنا بصراحة لما ما كانت عندي شغالة كثير ملابس ما كنت أكويها لما أطلعها من النشافة أنفضها و أصفطها كويس و بس ..

بس الأثواب أكويها بسرعة و أرتاح و خلصنا ..

أما على الكهرباء فهي تسحب كهربااااء كثييييييير يعني الظاهر هي 330 فولت ..
يعني تحددين أيام الغسيل ..

بس النشافة تريحك بالذات لما تكونين مرة مستعجلة و تبين تلبسين هالملابس .. لأنها تنشف 100 بال100 ..

و في وحدة عندها نفس الغسالة قالت لي إن النشافة أحياناً تكمش لها بعض الملابس لما تكون من التل أو الشيفون ..
بس الحمد لله أنا ماحصل معاي انكماش ..

سعرها إن شاء الله أسأل لك ..

و بالنسبة للفواتير ..صادقة عشان كذا الواحد لازم يكون حريص شوي ..يعني الأنوار تسكر إذا مافي أحد .. المكيفات بعد تسكر إذا مافي أحد ..
الجو الآن مثلاً بارد و تقدرين تكتفين بفتح الشباك ..
يعني بعض الأشياء الواحد يحاول يتحكم فيها إذا يقدر و ماراح تضره ..

و بالنسبة لغسالة LG للحين موجودة و مانا عارفين شنسوي فيها ..
و على قولتك البيع بتروح نصف القيمة ..
طيب إيش مسحوق الغسيل إلي تستخدميه ؟؟

و موفقة حبيبتي ..