كوبونات الراقية تسجيل الدخول

em mohamed
em mohamed •
قمرا
الله يسهل لك وتحصلين خدامه تريحك ويبعدكم ربى عن الفتن
نصايح قلم كلها حكم ودرر ما شاء الله

أنا من مده بسيطه حصلت خدامه فلبينيه بس ما تنام عندى تجى من الصبح للساعه 5 المساء
بس مشكلتها بطيئه جداً جداً
يعنى طول الوقت وهى تشتغل ما ترتاح الا وقت اللنش بس ما تخلص شغلها
انا وريتها كيف احب الشغل وطريقتى فى التنظيف بس كسرت رقبتى ببطئها شيئ مو طبيعى ..
فكرت امشيها بس زوجى قال لى اصبرى عليها لانها مو متعوده على تنظيف بيوت العرب (تخبرون الاجانب تنظيفهم سطحى وخصوصا حماماتهم الله يكرمكم يمسحونها مسح مو مثلنا لازم بالكلوركس والصابون يكون فقاقيع ..)
وأن شاء الله مع الوقت تتحسن وتشد حيلها وتسرع فى الشغل
وأحسن شيئ انها ما تنام وحتى وقت وجودها بالبيت ما بيكون فيه حد حتى الاولاد بيرجعوا على الساعه 4 من المدارس
امس قعدت تكوى الملابس اكثر من ساعتين ولما خلصت جيت اشوف شغلها لقيتها مو حاطه مويه بالمكوى يعنى الملابس كأنها مو مكويه قبل كنت احط مويه بنفسى قدامها بس امس افتكرتها خلاص عرفت طريقة تشغيل المكواه
المهم لما حكيت لها ان الملابس محتاجه اعاده وقلت لها ما شفتيها بعيونك انها مو مفروده قعدت تضحك :06:
وقالت مو مشكله بعاودهم ...
بس انا ضبطت اعصابى وقلت لها اول ما تجى بكرا اكويهم من جديد ...
والله يعين لغاية ما تتعلم وتصير سريعه وشاطره
والصدق انى مو ناويه افرط فيها لانها جديده بالبلد لها 3 شهور بكندا وجايه من قريه صغيره بالفلبين وهذا شيئ فى صالحى ....

سفريات
كيف يكون ارتفاع شبابيك الدور الثانى بس متر عن الارض ؟
يعنى كم ارتفاع حائط الدور الاول ؟
@سفريات@
@سفريات@ •
em mohamed em mohamed :
قمرا الله يسهل لك وتحصلين خدامه تريحك ويبعدكم ربى عن الفتن نصايح قلم كلها حكم ودرر ما شاء الله أنا من مده بسيطه حصلت خدامه فلبينيه بس ما تنام عندى تجى من الصبح للساعه 5 المساء بس مشكلتها بطيئه جداً جداً يعنى طول الوقت وهى تشتغل ما ترتاح الا وقت اللنش بس ما تخلص شغلها انا وريتها كيف احب الشغل وطريقتى فى التنظيف بس كسرت رقبتى ببطئها شيئ مو طبيعى .. فكرت امشيها بس زوجى قال لى اصبرى عليها لانها مو متعوده على تنظيف بيوت العرب (تخبرون الاجانب تنظيفهم سطحى وخصوصا حماماتهم الله يكرمكم يمسحونها مسح مو مثلنا لازم بالكلوركس والصابون يكون فقاقيع ..) وأن شاء الله مع الوقت تتحسن وتشد حيلها وتسرع فى الشغل وأحسن شيئ انها ما تنام وحتى وقت وجودها بالبيت ما بيكون فيه حد حتى الاولاد بيرجعوا على الساعه 4 من المدارس امس قعدت تكوى الملابس اكثر من ساعتين ولما خلصت جيت اشوف شغلها لقيتها مو حاطه مويه بالمكوى يعنى الملابس كأنها مو مكويه قبل كنت احط مويه بنفسى قدامها بس امس افتكرتها خلاص عرفت طريقة تشغيل المكواه المهم لما حكيت لها ان الملابس محتاجه اعاده وقلت لها ما شفتيها بعيونك انها مو مفروده قعدت تضحك :06: وقالت مو مشكله بعاودهم ... بس انا ضبطت اعصابى وقلت لها اول ما تجى بكرا اكويهم من جديد ... والله يعين لغاية ما تتعلم وتصير سريعه وشاطره والصدق انى مو ناويه افرط فيها لانها جديده بالبلد لها 3 شهور بكندا وجايه من قريه صغيره بالفلبين وهذا شيئ فى صالحى .... سفريات كيف يكون ارتفاع شبابيك الدور الثانى بس متر عن الارض ؟ يعنى كم ارتفاع حائط الدور الاول ؟
قمرا الله يسهل لك وتحصلين خدامه تريحك ويبعدكم ربى عن الفتن نصايح قلم كلها حكم ودرر ما شاء...
هلا أم محمد

الله يعين على هالشغالات إن جابهم الواحد إنفقعت مرارته منهم وإن ماجابهم إرتفع ضغطه :06:

وبالنسبه لإرتفاع شبابيك الدور الثاني متر من أرضية الدور الثاني مو من الدور الأول
وأنا بيكون عندي بإذن الله إرتفاع الدور الأول 3,20 بعد الجبس
غلاالروح
غلاالروح •
مساء الخير على الحلوات ...

الرد لج يا قمرا..وبقولج قصتي مع الخدامه وبعطيك من نصايحي يمكن تستفيدي منها ..

لان مشكلتك مع زوجك والشغاله تحصل كثير في البيوت واولهم انا وزوجي .. بس تدرين انا نبهتني ممرضة تشتغل وياي في المدرسة لان اغلب مشاكلها مع زوجها وعيالها بسبب الشغالة صارت تجيب لها النكد والهم في بيتها والسبب تدخل زوجها .. وقالت لي انتبهي ليجبتي الشغالة تخلي زوجك يحتك فيها ولا يطلب منها اي طلب ولا يتدخل في امورها .. يعني من استلام راتبها الى اكلها وشربها ولبسها وطريقة عملها ومشاكلها وبلاويها اللي ما تخلص .. ما تدخلين زوجك فيها وانتي بعد عودي شغالتك اذا بغت شئ لو شنو تبغي ولو وين ما كنتي ما تروح لزوجك تكلمه وتطلب منه عوديها على هالشئ وعودي زوجك بالمرة على هالنظام وصدقيني بترتاحين ..

انا زوجي قبل لا اجيبها تفاهمت وياه طبعا هو علباله ان الامر هين ووعدني ما يتدخل فيها وفي امورها .. وقلت له شرط جزائي اذا تدخل فيها خلاص ما ابيها يوديها المكتب وما تبات عندي ولا ليلة .. هذا لو تدخل فيها لو في اي كلمة ..

المهم جبناها والاخ على وعده كلها كم يوم وطلعنا بالسيارة وعارفة ان يدهم خشنة ما فيهم نعوومه عاد انا مقفلة باب السيارة عشان العيال ما يقدرون يفتحونه يعني الباب ما ينفتح الا من بره .. وانا قلت لها لا تفتحين الباب ما ينفتح واهي مصرة بغت تكسر القفل وهي تضغط عليه وانا اقولها وقفي لا تضغطين واهي مصرة تفتحه ؟؟ عصبت عليها اشويه ويوم فتحته لها من بره وتبغي تصكه الا تضرب الباب بأقوى ما عندها .. عصبت عليها بعد اشووويه يعني قلت لها بالعدال ليش الدفاشة .. مرة ثانية طلعنا بالسيارة سوت جذي وكررت الموقف مرة ثالثة بعد كررته وقلت ما عليه تتعود .. مرة رابعه .. ومشيتها لها عاد المرة الخامسه سوت نفس الشئ .. عاد انا هني ارتفع عندي الضغط وخصوصا انها سيارتي وانا ما ارضى عليها اموووت عليها واحبها >>>كأنها من عيالها ..!! ولو وحده من خواتي سوت جذي جان من اول يوم زفيتها بس هاذي تحملتها لمتى .. الهم عقب ما هاوشت الشغالة وزفيتها من حرتي عالسيارة حبيبة قلبي .. خخخخ قام زوجي هاوشني قدامها ويقولي ليش تستحرقين عليها عشان سيارة وبعدين يمكن هي مو متعوده على السيارات ومني ومناك يعني بالمختصر زفني قدامها عاد انا ما تحملت ركبت شقتي وهونت عن الطلعه .. وبرطمت له كم يوم وخليته يجي يتسامح مني .. وفهمته اني هاوشتها مو بس عشان السيارة بس عشان تعرف تتعامل مع الاشياء بحذر .. وعرف خطأه .. لكن ما فهم كلامي عدل الا لما شاف تصرفاتها الاحقة .. يعني المكواة صار لها سنيييييييييييين عندنا ما اختربت ولا صار لها شئ تكوي عال العال .. خربتها وقصت وايرها ... الغساله ذاك اليوم قلت لها حطي شرشف السرير واذا خلصت حطي الشرشف الثاني بعدين الثالث مو كلهم مرة وحده .. رحت الحمام الا الغسالة تهتز وترقص وسط الحمام من الثقل اللي فيها وما فتحتها الا ما تم شئ الا وحطته فيها ؟ 3 شراشف سرير مع قطعهم وفوط وملابس ابني وفوط تنظيف ؟؟؟؟؟؟؟؟؟؟؟؟؟ كلهم دفعه وحده خلط بلط .. وهذا غير شور الحمام ومكسر المغسلة كسرتهم .. وعندي صينية تقديم كسرتها ودلة .. وطقم كاسات ضيوف ما بقى منهم الا واحد .. والمكنسة كسرت منها قطعه .. ياااااااااااااه شنو اعد ولا اعد وهي ما كملت شهر واحد ؟؟؟؟؟؟ تخيلي ؟؟والله شاهد علي ما اكذب عليها
عاد يوم زوجي شاف بلاويها وعرف ان كلامي صحيح وان اللي سويته لها انما هو تنبيه لها مو تحقير من شأنها ولا انا متكبره عليها ولا مستضعفتنها .. لا انما هذا تحذير لها ..
لذلك اللحين هو شايل يده منها ما يدخل روحه فيها .. يعني اذا بغا شئ يطلبه منها لكن ما يعطيها وجه ولا يكلمها .. لكن بعد ما اقدر عليه لانه يزعم بشوش ويحب ينكت ويتبسم مني ولا مناك بس انا مشدده عليها واعطيها نظرات تفهمني وما تطيح الميانة بينها وبينه يعني ما لها اي علاقة فيه ابببببببببدا ولو هو قاعده في الغرفة واشوفها تدخل على طول اقولها قومي طلعي لا تقعدين هني وبابا موجود ما استحي من هالشئ مو غيرة منها لا ابدا لكن حرام اصلا ..

يااااااه قلت قصة حياتي بس نصيحه اخيرة ..
خلي علاقتك رسمة معها ولا تسألينها عن امها وابوها وقصة حياتها وتضحكين وياها على طول يعني الابتسامه حلوة بس ما تطيح الميانة بينكم وترسمين لها حدود وقوانين ما تتعداها .. يعني مثل قوانين المدرسة والطلاب يحبونك ويحترمونك لكن في نفس الوقت مكانتك ما تتغير .. وعامليها على انها موظفة مو فرد من العائلة .. وخليها تمشي على نظامك مو تمشين انتي على نظامها ..وحسسيها ان لها قيمتها يعني اكلها حالها حالكم واولادك ما يضربونها ولا يمدون يدهم عليها واذا بغت تنام تحاسبي لها ما تزعجينها .. يعني احترام لها .. ولو بغيتي تفتشيها فتشيها قدامها مو من وراها عشان تعرف ان هالشئ لابد منه مدام انها عايشة في بيتك تمشي على قوانينك .. ولا تخليها تخالط خدم وااايد ولا تطلع وتدخل بره البيت الزباله خلي زوجك يرميها .. احسن من تتعرف على احد من الشارع .. وجوال لا تعطينها واذا بغت لا ترضين عندها تلفون البيت تتصل فيه لاهلها لو حبت ..
وبالكلمة الطيبة والابتسامة الحسنة والهدية والمعاملة والاخلاق الطيبة والاحترام المتبادل تكسبينها لصفك بإذن الله ..
قلم_و_دفتر
قلم_و_دفتر •
ما شاء الله غلا ........والله اني أ حبك.... على صغر سنك بس واضح انك تستشيرين وتستفيدين ..........بس ضحكتني الغساله اللي ترقص ..........

قمرا انا كلهم اندنوسيات ..........واحد من اخواني نفس الشي .....الثاني اندنوسيات وحبشيه كانت ممتازه بس جات اختها لاختي وكانت غير عنها تماما وسبحان الله شردت هي واختها .....شوفي هي شخصيات بغض النظر عن الجنسيات ......

الشغل اذا تبغينها تظبطه اعتبري ان ما عندك شغاله اول شهر ايدك بايدها من اول اليوم الا اخره بعدين بترتاحين .....
جرح ورا جرح
جرح ورا جرح •
قمرا
باذن الله لو رحت للقفاري بقول لكم وش شفت عندهم

وبالنسبة لسوالفكم عن الخدم ضيقت صدري ..تذكرت المعاناة رغم اني تعبت بتنظيف البيت ومسؤولياته لكن اتحمل كل ما فكرت اني بجيب شغالة!!
تعب جسمي ولا تعب قلبي..