السلام عليكم ورحمة الله وبركاته ..
صار لي فترة ادش هالموضوع واحاول اخلص قراية كل الصفحات بس مب قادرة
المهم احنا قربنا نخلص بنيات البيت عظم
والله يعيننا على التشطيب

السلام عليكم >> ويه فيه نومه .. يبي رقاد :hahaha: ؟؟؟ وتوه راجع من الدوام :09:
رتووش ..
اسمه بوتشينو ..صح ؟؟ تدرين ليش أسألك لاني مسويه دفتر وقاعده اكتب فيه كل الملعومات اللي قلتوها عشان ارجع لها بسهولة وقت التشطيب ؟.. ان شاء الله اركب رخام للصالات بس طريقتك في التنظيف مثل طريقتي ..
بسمة فرح ..
والله انا اللي طلعت غشيمه علبالي تقصدين الزوليه .. بس اذا ما يطلع فيه حشرات وبعوض وااايد زين هالعشب يبي لي اروح اسأل عنه ؟.
ملكة الليل ..
تراني ليحين مشمأزه من الحشرات اللي قلتي عنها والله لاعت جبدي وشكلي بهون عن الحشيش خييييير شر ؟؟ يمممممممممممه ولا اكس اكس اكس لارج ؟؟!!!!!!!!!!!!
ام سعود ..

ما شاء الله داخله بقوووووة والمواقع رووعه لقيت فيهم اشياء حلوة ميرسي .. واذا عندك مواقع اخرى لا تبخلين علينا ..:22: بس كلامك صحيح 100% لان المفروض الواحد يشوف افكار وبضاعة المحلات الغالية لانج تلقين عندهم اخر الموديلات والديزاينات .. يعني انا صديقتي تقول لي ما احب اروح هالاماكن لاني انقهر لانها فوق ميزانيتنا .. انا نصحتها روحي خذي لفة وشوفي بضاعتهم .. وترى الفرجه ببلاش .. وبعد قلت لها اذا عجبك مثلا حركة في البلاط مثل البوردارات اللي بين البلاطات اشتريها بس هي ؟؟ عرفتوها ؟؟ الصغيرة اللي تنحط بين البلاطات الكبيرة .. اشتريها واخذي البلاطات الكبيرة من المحلات الارخص .. بس اختاري لون يتناسب معها .. وفعلا سوت جذي وطلع حمامها بصراحه روووعه وكل من شافه سألها عنه وعن سعره .. :22:
reemooona
حياج الله ويانا اختي يسعدنا انضمامك لديوانية الحلوين والقمرات والأمورات ..
ثلج ..
صادقة اختي اسعار السعوديه وااااااااايد رخيصة بالنسبة لنا حتى الأرضيات احنا ما تلقين شئ حلو ويفتح النفس اذا ما كان سعره فوق ال50 ريال ولا بعد هذا اللي يمشي الحال .. الله ينعم عليهم ان شاء الله ويحفظ لهم ولنا بلادنا ..
ام عموري ..
يعني مو بس انا افكر هالتفكير .. والله لما اشوف ولدي اشلون يكسر ويتضارب مع الاثاث .. يعورني قلبي مو على هذا الاثاث !! الا على البيت الجديد اشلون بتصرف وياه ؟؟ تخيلي حتى شاشة الكمبيوتر مسويها سبوورة ؟؟ ما ادري شنو الحل يمكن اذا حبسناهم في غرفة يتوبون ؟؟>> وحده مجرمه :30: :22: بالنسبة للرواتب ما اعتقد في رابط لهذاالشئ لان احنا البحرين الرواتب مو مرتفعه مع ذلك الاسعار نااااااااااار في كل شئ ؟؟ اعتقد لان السعودية بحكم موقعها الجغرافي ومكانتها الاقتصادية فالعرض عندها كبير والتنافس بين الشركات قوي عشان جذي تلقون اسعار بعض المواد رخيصة عندنا ؟؟ اما احنا الدول اللي اصغر من السعودية مثل البحرين وقطر والامارات .. الخ .. طبعا موقعها الاقتصادي بيكون اقل من السعودية ..>>> هذا تحليل اقتصادي بحت .. قامت فيه ( العضوة غلاالروح )احم احم هههههه ..
ايه صح ذكرتني ام العصافير .. تراني بسوي مثلج بنقع في البيت ليما اتحول فيه وشكلهم العمال والمقاول والمهندس بيرفعون علي قضية حجر .. ما يخلوني اطب موقع البناء .. تدرين ليش ؟؟ لاني من اللحين وانا اذا شفت بيت جديد وعجبني ديزاينه قعدت اتابع شغل العمال اللي فيه يعني وانا ماره بالسيارة اتابع اخر التطورات :42: تقولين مخليني مشرفه عليهم :09:

ام العصافير ..
ترى ما ادري ليش اشوف ذوقك مثل ذوقي .. من خلال موضوع على ما اظن العضوة اسمها ام سعود كتبتي فيه تعليق عن مخطط بيتكم ولقيت انه مشابه لمخطط بيتي .. خخخخخخ :30:

رتوووش:
الله يعطيك العافيه ريحتي قلبي الله يفرح قلبك ومشكوره على التعزيه الله يحفظ لك كل غالي ولا يروعك في حبيب ولا غالي
وش دراك عن (ياربي وش كثر اعاني )انها ماتت ؟ ووين نعيها ماقريته ؟
الله يغفر لها ويرحمها ويتسامح عنها
............................................
ام سعود:
ياهلا وسهلا فيك
..............................
omamoory
مرحبا اختي والله انا ماعندي مانع انزل لك الصور من الجوال بس كيف ؟؟
والله يجزاك خير دايم ماتقصرين تثلجين الصدر بكلامك الطيب
واما الترويبه انااقصد الجدران والارضيات لسى ماصلحناها
....................................
ثلج
يسعدني تواجدك معنا الله يحييك واما اسعار البناء لا والله ناااااار وكل مالها في ارتفاع مستمر حتى الاراضي اسعارها نااار في ارتفاع
الله يفرجها علينا وعليكم ويرزقنا من حيث لا نحتسب
..................................
بنت أمها وأبوها :
كنا ناوين نصلح ارضية الغرف باركيه بس هوننا والسبب رحنا لساكو وسمناها صارت اغلى من السيراميك ويبي لها عنايه خاصه يعني فكري الف مره قبل تحطونها
بنات وين السيراميك اللي يشبه للباركيه ماشفته في الرياض؟
........................................
أم العصافير:
الله يسهلها علينا وعليكم وتعمرون بيتكم بيسر وسهوله ومن احسن مايكون
......................................
reemooona
وعليكم السلام ورحمة الله وبركاته
المهم هل عجبك الموضوع واستفدتي منه ؟
عموما الله يعينكم على التشطيب تراه دوخة راس بس ممتع

إيه بسألكم
اللي مصلحين او عندهم فكره عن القبب الزجاج
احنا ناوين نصلح قبتنا من الزجاج المعشق بس يوم رحنا لصاحب القبب حسب علينا القبه الوحده بـ 4000 ريال واحنا عندنا ثنتين يعني شوفوا كيف هو المبلغ
واما الزجاج العادي اللي مرسوم عليه هذا ارخص بس يقول ان اللون يروح بعد سنتين من الشمس
ياليت اللي عندها خلفيه تفيدني تكفون

السلام عليكم و رحمة الله و بركاته

مساء الخير... ديوانية عامرة بأخوات قمة في الذوق و التعاون (ماشاءالله اللهم بارك فيهن)

بصراحة استفدت من كثير من المعلومات التي طرحت..

أشكر جميع الأخوات المشاركات و اللاتي استفدت منهن و استفادت كثير من الأخوات..

و أخص بالشكر:

(قمرا) صاحبة الديوانية

(أم عمر)

(رتوووش)

(غلا الروح)

و اللاتي كان لهن أكبر الأثر في استمرار الديوانية من بدايتها و حتى الآن.

قبل يومين اكتشفت الديوانية، حاولت أن أقرأ جميع الردود قبل لا أكتب أي شيء حتى أكون على بينة

لكن..

تعبت ما استطعت أتجاوز الرد (300) .. قلت خير و بركة حولي للأخير...

و ها أنا ذا أسجل حضور و متابعة و أي مساعدة أنا بالخدمة ما استطعت.

.............................................

على فكرة أنا لسة ما بنيت >>> أجل وش لقفك!!

لأني في طور التجميع، أقصد تجميع الأفكار و الصور، و طبعا لين نسدد أقساط الأرض ..

.......

آه نسيت أقول لكم أن أهلي انتهوا من البنيان قبل سنتين و استفدت كثير من تجربتهم سواء الأخطاء أو

الإجابيات.


لي عودة بمشيئة الله....