السلام عليكم
هلا بسيدات العمار

من زمان عنكم
الدي اس ال تعطل والاتصال العادي بطييئءءء
اليوم اخذ ولدي الشهادة والحمد لله النتيجة عال العال
:)
ابتسموووا من قلللب اليوم اخراربعاء في الدراسة
:icon28:

سر الالم
الباب السحاب اللي بالجدار مو دايما على المزاج
حنا كان موجود في المخطط ويوم جا المقاول يحطه قال ما يصلح في عمود في الجدار ما نقدر نخليله فتحة للباب
وش سوينا ؟ خلينا السحاب على برى الشكوى لله .. يعني ما كل ما يتمنى المرء يدركه

ام عموري
مبروووك يا محررة عالم حواء
عقبال ما نبارك لك بالسكن في البيت الجديد ان شاء الله

استرخااء
وينك بروح الشرقية وانتي لسة مالك بينة !!!!!!


طبشورة
الغسيل والكوي في مكان واحد وياخذ ريحة الغسيل ولا ياخذ ريحة الطبخ مثلا
للي يحطون مراوح الشفط الخاصة بالمطبخ بالسطح وبجانبها الغسيل
فلكي ان تتخيلي الريحة

حلوة
ايش يسوون بالملابس ؟؟ يخلطونها مع ملابسهم يعني؟
طيب شرايكم بكاميرات المراقبة !!

كانت معي
حلوة كلماتك لاعدمناك

شااعرة
الف مبروك الانتهاء من الاختبارات عقبال النتيجة الزينة
تروحين وترجعين بالسلامة
استودعتك الله الذي لا تضيع ودائعه

سلامي الحااار اللي توه طالع من الفرن لكل خواتي الغايبات والحاضرات والمنضمات جديدا للديوانية ..

استودعتكم الله
انا ماشية الشرقية عشر ايام اسبوعين بهالحدود
توصون على شي ؟؟
فمان الله

:26:

ام عموري ..وسر الالم وهيونه ..تشكراااااااااااااااااااات ..على فكره انا كل فتره اطل عليكم واحط سؤال ولا اثنين والله ما تقصرون دايما احصل المفيد عندكم ..
طبعا باخذ منكم ولا بعطيكم لانكم سابقيني بس ان شاء الله لكم دعوه من القلب ..

السلام عليكم وش اخباركم
مبرررررررروووووووووووووووك ام عموري يامحرره ياحركات وعقبال السكن بالبيت


الاخت نادين الف سلامة على زوجك


الاخت حالمه سامحيني والله ماني فاهمه شي بالصبغ




الاخت سرسر سر الالم بالنسبه للباب اختي كانت مسويه بيتها تقريبا 3 غرف كلها باب سحاب الي يفتح على برى ماهو داخل الجدار لا وكان الصراحه لها صوت قوي اذا انفتحت راغم انها بسهوله تنفتح بس صوتها عالي ولها قفل لانها كانت على غرف رئيسيه مثلا بين عرفتها وغرفة العيال الصغار كان فيه باب
وهي اخذت نوعيه غاليه وتكلفت فيها بس عيبها الصوت عاد هي قالت انغشينا فيها
فانت انتبهي للصوت اسالي اول ياليت اكون افدتك

يا بنات والله والله جتني الصيحه يوم شفت بعض البنات يودعون علشان بيسافرون والله اننا مثل الخوات وبعد هالجمعه الحلوه الي قربتنا من بعض حتى يوم اروح اتفرج بالبيت اتذكر بعض الي قولته
يالله والله حزينه لفراقكم عاد انا لا سفر ولاشي بجلس انتظركم


قمرررررررررررررررررررراا وينك ورتوش واسترخاءءءءءءءءءءءءءوالله قلقنا عليكم

السلام عليكم ..
مساكم الله بالخير والسرور ..
شخباركم اليوم ؟
ليش جذي بنات ؟؟؟؟؟؟؟ انا زعلانه يوم رجعت انتو رحتو؟؟
الموضوع مقطوط في الصفحه المليون :( قعدت ساعه ادور عليه >> وحده ما تبالغ !

ايه صح باركو لي اليوم حفرو ارضنا والمقاول الله يهديه ويسخره لنا بعد كان موجود وياهم عشان يعلمهم حدود الارض .. ويوم حفروها لقوها جبلية .. :icon28: يعني شنو ما فهمت ؟ خخخ >> عيل ليش فرحانه ؟

ام عموري ..
فشلتيني ؟؟ :09: ادري ما استحي استاهل خخخخ بس لا والله ريومه بعد عمري ما استغني عنها ..بس تعرفين لازم اتحركش فيها مع انها ما تدري بشئ ولا تتابعنا خخخخخ >> ما تقدر عليها الا من وراها !

حلوة ..
ابي اعطيك بوووووووووووووووووسه وش كبرها يا قمر .. عطيتيني فكرة حلوة ما كانت جايه على بالي .. تدرين كنت متوهقه وين اخلي غرفة الغسيل كنت ابي اسويها فوق الطابق الثالث بس ناس وااايد قالو لي ما يصلح عند الشغالة ما ندري شسوي في الثياب يعني تتلبس فيهم ولا اي شئ ؟ خوفوني .. المهم من كلامك جتني فكرة اني اسويها تحت الدرج .. عندي مساحه تقريبا متر ونص * مترين ونص .. كنت بعملها مخزن ثاني بسسسسس سين سؤال هل تصلح هالمساحه حق غرفة الغسيل اعمل فيها مغسلة للغسيل اليدوي واخلي الغسالة فيها بس ما اظن تكفي للكوي ولا ؟

الاجنحه المتكسرة ..
هلا وغلا شخبارك ؟ وشخبار بيتكم ؟
بصراحه مكتب المدينة للهندسة اعتبرهم سيئين في المعاملة جدا جدا .. يعني تخيلي المهندس نروح له عشان يسوي لنا سكش اقول له على التعديلات اللي ابيها واكتبها له في ورقة وبعدييييييييين لما يطلع الاسكش بعد شهر القاه مثل ما اهو ما تغير فيه شئ ؟؟ المغزى هم ما يبون يتعبون روحهم في شئ ابببببببدا يبون يعملون لك اسكش واحد او اثنين وخلاص الباقي عليج وعلى المقاول تتفاهمين وياه ؟ وفوق هذا المهندس تبعهم من فاز في الانتخابات البلدية وااايد صاير مشغول وما يتحصل ولا تقدرين تقعدين وياه دقيقة وحده على بعضها الا ويجيه اتصال ؟ ويوم اتصلنا له عشان التعديلات الجديدة ما عطانا ويه ويتكلم ويانا من طرف خشمه عاد انا قلت لزوجي ما بدهااااش خلاص انغيره لا محاله والحمد لله غيرناه بالاشراف بعد .. هونا عنه ! اذا ما عليج امر طرشي لي تلفون المهندس اللي قلتي لي عنه .. وانتي بعد اذا تبين شئ تراني حاضرة من عيوني . ما في الا انا وانتي من البحرين والخوات ما يقصرون لكن ما يدرون عن محلاتنا ولا يعرفونها ..

الحالمه ..
علج السعاده .. قولي امين ؟ اللحين انا اشدراني بجبس غرفة الحريم ها كل تطنز كل تطنز علي:angry: انا ما كنت اتابع وياكم مضبوط الا هاليومين .. خلاص خلاص زعلانه ؟ كفاياني تعليقات من اللي حولي ؟ الا كم نظرك اللحين واللي يأشر لي من بعيد واللي يتمحلق في عيني يسأل ما تغير لونها ؟ :icon33: خلاص ما عاد اقولج وش رأيي >> خلاص كفاااايانا صياح
المهم ما علينا طلعت لج الصور وعرفتي وش اقصد ؟؟ يعني داخل الدائرة اللي صاير غااااائر من جوووه هذا صبغيه غامق اللي مثل الدائرة فقط لا غير . والنقش سويه كريمي او فضي او ذهبي .. وبعدين الباقي كريمي او لؤلؤي وت ايفر .. واما الحزام اما تسوي تحته غامق او فوقه والنص الثاني مثلا بيج اشويه غامق مثل المطفي .. والحزام افتح من البيج ويكون مثل لون السقف كريمي او لؤلؤي ..
تخيلتي معاااي المنظر اشلون بيكون ؟بعيد لك بإختصار
الدائرة الوسطية غامقة والنقوش اللي فيها ذهبية او كريمية .. واللي حول الدائرة الباقي من السقف كريمي .. الجدار الحزام كريمي .. ونص الجدار بيج والنص الثاني عودي .. خلاص عرفتي وش اقصد ؟
>> تعبت >> ويه يدلع :42:

ايه نصيحه قبل لا اروح ..
اللي قاعدين يخططون لبيت العمر ... نصيحه لوجه الله لا تروحون لمهندس غالي بحجة ان عنده ابداع وافكار تختلف عن غيره لان كللللللللللللهم وااااااااااااحد .. يبون الفلوس يستلمونها ولا عليهم منج عاجبك ولا مو عاجبك .. بالطقاق .؟ عشان جذي الافضل تختارون المهندس اللي يناسب ميزانيتكم .. وبعدين تخلون وقت اقل شئ سنة للتخطيط عشان ما تتأخرون !

ساروووووووونه اشتقنا لج .. :26:

نشووووووووووووووومه ..
تروحين وترجعين بالسلامه .. راح توحشينا واااااايد وااااااااايد .
شاعرة ..
تروحين وتردين بالسلامه ومبروووووك انتهاء الامتحانات وبشرينا بنتيجة اولادك ان شاء الله يتخرجون بتفوق .. اخوي امس كانت حفلته كرمهم الشيخ خليفة وخلوهم في التلفزيون والله اني صحت لما شفته في التلفزيون اشلون عليل شعور الام ؟؟ الله يفرح قلبج بتفوقهم وبنجاحهم .. بس ما تخيلتك عندك بالثانوي ما شاء الله عليك .. الله يخليهم لج ..
ملكة الليل ..
يا بعد عمري تصدقين حاسه بشعورك لما الكل يسافر وانتي تقابلين الطوف في البيت مللللل ما بعده ملللللل .. انا بس في بداية الاجازة بسافر بعدين بنطق بالبيت ولا بروح مكان ؟ خصوصا ان الجو ما يساعد ابدا ؟ مع ان كل الاهل مسافرين ومطولين يعني ما لنا الا القعده في البيت والمجمعات وال ال وال الملللللللل ..
والله لا يفرقنا ولا يفرق جمعتنا ..

>> كأني رجعت لي حالتي الاولية الهذرة الزايده ؟؟ وما كأني قاعده اتكلم بروحي ما حد هني ؟:09: