ورودالدار

مشكوره ياحبيبتي بصراحه بلاط حوشكم فضيع ماشاء الله

تبارك الله ,انا يعجبني اللي فيه تمويج مثل الصوره

على شأن الغبار

بس من وين جبتي بلاطكم ولك مودتي ياقلبي .

قمراء

تسلمين ياعمري انا تقريبا نفس اللون ابغى اجيب

بس بخاطري يكون مقاسات مثلا مستطيل مع مربعات صغار وكبار

وعساك عالقوه .

عيونك الحلوة يالغلا والبلاط من البدق ... وحلوة فكرتك للبلاط

غلا الروح يا غلاوي هههههههههههههه ضحكتيني لا والله احب المزح انا ...ان شاء الله اجرب اغسلهم بايدي ...بس والله اغسلهم بالغساله ولا صار فيهم شي ..بس عشان عيونج بجرب وبشوف الفرق .ول كم حبيبتي ..انا بالخدمه لوتبون صور اي شي ترى عندي فايل محترم .
الا قوليلي وين وصلتوا في البنا ...؟؟

حلوه ..مو مشكله ...سارونا وينها موجوده ولا مسافره ؟؟؟اسمعكم تقولون وايد اللي تركوا الديوانيه ..

السلام عليكم ..
شخباركم بناااااات ..

بدأ العد التنازلي لإجازتي .. يا سلاااااااام :icon28:
ويوم السبت ان شاء الله بسافر .. :42:

قمرا ..
اليوم الديوانية منورة بأهلها .. وينج يا شيخه .. توني اقول اذا حضرت الملائكة ..... خخخ ما بكمله اخاف :angry: خخخخ ..
الحمد لله .. ان شاء الله الفرحه دوووووم مو يووووم ..
وعن الامدرس انا ما اامن .. يكون عندهم في البيت لوحدهم ؟؟ اخاااف بصراحه عن الاشياء اللي نسمعها تحرشات ولا ؟؟ استغفر الله حتى لو انسان متدين اخااااف ما اقدر اخليهم لوحدهم معاه ؟ ليش ما تدورين له مركز احسن على الاقل ينبسط بالروحه وبالجيه وفوق هذا يتعرف على اولاد جدد وما يمل من قعدة البيت احس الاطفال اذا جت الاجازة يبون بس اللعب والطلعات والروحات والجيات ويقفل مخهم عن تلقي المعلومات ؟ عشان جذي انصحك ما تخلين النشاط اللي يسوونه يكون ممل بالنسبة لهم .. يعني لو بيتعلمون قرأن يروحون مركز يلتقون فيه بقية الاولاد ويتشجعون اكثر ؟..ويا حبذا تنوعين يعني مرة بالاسبوع قرأن مرة رسم مرة رياضه مرة سباحه الخ .. حتى يكون عندهم تشويق وما يتمللون .. خصوصا ان الجو الحمد لله والشكر ما يساعد ابد لو تطلعين حزة الظهر تنشوين من الحر ..

اما بالنسبة للانترنت ليش ما تفتحين الصفحه وتقفلين النت لما تخلصين منها تكتبين الرد في الوورد وتنسخينه وتلصقينه في النت بعد ما تشغلينه وبكذا ما يصير بطئ ؟ مع ان الحل يملل بس شسوين في حياتك ؟ :09: واحنا شنسوي بدونك ؟ :icon33: ما تدرين عن رتووش شئ ؟ :angry2:
ويلا جاوبي على سؤالي اللي سألته ورود وام عموري شكلهم مطنشينه ما فهموه ؟ :angry2: السؤال هو >> واسمعي عدل يا ورود الدار

لما تخلصون مرحلة العظم .. ويقوم البيت وتبدأون بالتشطيبات اللي اقصد فيها من الجبس والابواب والالارضيات والحمامات والكهرباء والماء ووووووالخ ..

هاذي المرحلة كم تأخذ عادة ؟؟ لاني مثل ما قلت لكم ابي احسب متى بننقل للبيت الجديد وايكون اول ما ننقل له اولد .. خخخخخخخخخ تبرز الدوا قبل الفلعه ؟؟ هههه
حلوة ...
فكرت فيها بس اول شئ اخاف تكلفنا كثير وانا ماابي شئ يكلفنا في الواجهة ابيها بسيطة جدا .. اشرايك بالحفر .. ؟

وفاء ..
الله ييسر لكم افراحكم وتدوم ان شاء الله طول العمر .. احنا بعد ان شاء الله راح يكون عندنا حفلة خطوبة خالي ومتحيره في ثيابي ما شريت لي شئ ؟ :09: وصفي لي موديلك خخخ عشان نأخذ عنه فكرة .. وش هي موضة فساتين الافراح اللحين ؟ لاني ما قدرت افر ولا الفلف في السوق من سويت العملية خلها تخف اشويه ويبدأ المشوار المهلك ؟
وريومه بعد كان متقدم لها واحد بس ما صار نصيب ؟ ياربي تتوفق ويجيها نصيبها :arb:

طبشورة ..
اشوه انك ما زعلتي :) ومشكورة على عرض خدماتك ولو عندك صور في الواجهات حلوة خليها لنا نستفيد منها ..
واحنا الان في حفر ودفان الارض .. وعلى فكرة بنات طلعت الارض زراعية مو جبلية يعني لما حفروها ما طلع صخر طلع رمل زراعي كأنها سماد ؟ يعني مو مثل باقي الااضي اللي شفناها يطلعون الرمل يكون لونه رصاصي ؟ لا هذا بني ؟ هالشئ زين ولا ؟
ام عموري ما طليتي علينا اليوم ؟

السلام عليكم ورحمة الله وبركاته

هلا والله قمرا فرحت جدا برجعتك كنت قلقانة جدا جدا عليكي

عقبال رتوش ما ترجع كمان والله يسهل لكم يااارب ولا تشيلي هم ترا كلها تتيسر نحن زيكم كان موقفنا المادة بس سبحان الله مع الدعاء تيسرت وصاروا الناس طبعا اللي يعزونا من نفسهم يعرضون علينا يسلفونا ونحن ما نصدق :) ما نمانع ابدا بس نشترط عليهم لا حديطالبنا قبل سنتين والله كنا شايلين هم البنوك وقروضهم وحرمتها ومترددين كثير والحمد ربنا سهلها بأولاد الحلال الله يييسر ويسهل على جميع المسلمين يارررررب

ورود الدار : والله نفس حالتك اجمع العفش على خفيف جدا ولسه السباكة ما خلصت بس بدينا في الكهرباء وحلوة فكرة باب الشغالة بس للأسف خلاص اشترينا المقابض ولو قلت لزوجي بيقول خلاص اصلا انا قلت ماهي غرفة شغالة لأنه ما حتكون في شغالة هذه اسمها غرفة العاب اطفال :) لازم يصرفني :)

غلا الروح : التشطيبات ووقتها يعتمد على ثلاث اشياء 1- الفلوس 2- العمال والجهة اللي بتشطب والتزامها 3- نشاطك وهمتك في توفيرديزاين الشيء والمطلوب ( بلاط او ادوات وغيره )

يعني نحن بدأنا الجبس تقريبا قبل 10 شهور والين ما ننتقل حيصير 11 او 12 بس نحن توقفنا في الوسط كم شهر يعني اعتقد لو سريعين جدا والعمالة مساعدة ونشيطة ممكن في ستة شهور
اقولك نصيحة لا تخلي الحمل الا بعد ما تخلصين تشطيب كله لأنه مشاويره كثيرة جدا جدا لدرجة انه لو انتي مانتي حامل ماتجي بيتك الا انتي مهلوكة فما بالك لو واحدة حامل حتتعبي كثير اشوف احسن تأجليها لين ما تخلصين والرأي الأول والأخير لك

ملكة الليل : والله انا ماودي اترككم ابدا بس المشكلة المنطقة اللي فيها بيتنا مافيها تلفون وما اقدر ادخل النت عشان كده وقلت موبايلي وشريحته طلعت مكلفة وكمان لازم لاب توب وزوجي 24 ساعة يشتغل على اللاب توب يعني مستحيل يعطيني وان شاء الله على شهر 12 يقولون يمددون لنا خطوط دي اس ال ( بعيدة بالمرة )

وفاء : عرفتها خلاص الواحة في واحدة اعرفها ساكنة فيها قريب عملت فيلا حلوة ومميزة في واجهتها بس ما كنت عارفة ان اسم المخطط الواحة نحن نقول قبل المشروع وخلاص :)

وردة جدة : انا في الجنوب يعني ما حفيدك باسماء المراكز بس اعرف مدارس الأندلس عندهم مركز حلو للبنات


طبشورة بيضاء - استرخاء - سارة - حلوة بدون ماكياج وجميع الأخوات الف سلام