وش رايكم بالمقدمة

والديكورالي على الجدار

السلام عليكم ..

اليوم انا كنت فاتحه النت وانا متكدره وما لي مزااااااااااااج ابدا لاني سويت حادث بالسيارة والحمد لله انا طلعت منها سليمه ما فيني شئ بس السيارة خسارة راحت من قدام وتكسر البمبر والله يا بنات ما ادري شفيها سيارتي من شريتها وانا مو متهنيه فيها اللحين هي جديدة توها سنة وحده ومع ذلك كل مرة يصير لها شئ ؟؟؟ تخيلو ان السيارة اللي دعمت وياها بيك اب يعني ما تسوى حتى ربع ثمن سيارتي ومع ذلك ما صار لها شئ الا الشئ الخفيف .. ؟ ما ادري احس السيارات الجديدة مو مثل اول صناعتها ؟؟ اللحين يقولون لج يابانية ولا اوربية بس التجميع ما ادري في وين واهما ما عليج منهم صارت صناعتهم ضعيفة ؟؟ يالللللله في الحديد ولا في العبيد اهم شئ سلامتي ! مع ان المصاريف قاعده تزيد وتتضاعف دبل موسم اعراس وحفلات تخرج وتجهيز للسنة القادمه بلاوووووووي متلتله بس الله كريم ما ينسى عباده !!
اسمحو لي مللتكم بهذرتي بس والله من الحرة وضيقة الخلق ؟؟!!

المهم .. الخبر الحلو ان اختنا الحلوة الامورة ... رتووش بخير وبصحه وعافية والله اني كنت افكر فيج كل ما افتح الديوانية واتسأل عن السبب اللي خلاج تقطعينا من دون حس ولا خبر ؟ بس يالله اهم شئ مثل ما قلت انج بخير وبصحه وعافية وان شاء الله تروحين وترجعين بالسلامه وسفره سعيدة ..

سرسر ..
شكرا على هالمعلومة الجديدة توني ادري عاد ما يصير يوم التبويض الا في السفر ؟؟؟؟؟ !! ياالله اللي يكتبه ربي يصير وانا اللحين ما بستخدم موانع ولاشئ واللي الله كاتبه لي خير وصلاح يصير لاني ما ابي يصير عندي بعدين مشاكل في الحمل لاسمح الله .. ولا يصير فرق كبير بين ولدي واخوه ولا اخته ..

كانت معي .. شكرا على النصيحه وكلامك عين العقل .. بس انا ما احب اقط عيالي على اهلي كفايه انهم يروحون الصبح وانا في الدوام بعد بعد الدوام عيل ما اشوفهم الا وقت النوم والوجبه ؟؟ عشان جذي انا قلقه من هالشئ لان لو خلصت بنيان وانتقلت للبيت وااايد احسن احمل على راحتي ولو ولدت بكون موجوده مع ولدي بقية اليوم غير الهم والمشاوير للبنيان اللي ما برجع منها الا اللليل ؟؟


جهود .. هلا بأهل البحرين
اختي ما ادري انتي على حسب ميزانتيك ؟ اللي انتي حاطتها للأرضيات بس ليش 6000 واااايد .. هل بتسوين البيت كله بورسلان ولا بس الصالات ؟؟
ليش ما تسوين بس الصالات بورسلان ايطالي ولا اسباني وبقية البيت تسوينه من رأس الخيمة ولا تسوينه بورسلان مطفي ولا حجري حلو حق غرف الطعام والمطبخ واما غرف النوم ما ادري احس احسن شئ لها الكاربيت خصوصا لغرف الاطفال ...
وبعدين اذا خليتي نوعية رخيصه بتخربلج ؟؟ روحي سيراميك الشهاب والمير اللي على شارع نويدرات سترة وااايد عندهم ارضيات بورسلان حلوووووة وااايد ؟؟ وما ادري اذا شفتي محل محمود ومحمد اللي على شارع سترة الداخلي اللي كأنك بتروحين سترة عند خزانات البترول بس تأخذين الدوار وتمشين سيده بتلقينه على يدج اليسار انا لقيته بالصدفه هالمحل وانا مضيعه دخلته بصراحه رهيييييب ومسوي تخفيض على اسعاره لقيت عنده بورسلان ب 7 دينار بس كبااار وطلع علينا حسبها لنا تقريبا الصاله 6*6 =36 *7=252 دينار بس الصاله ومقاسها 6*6 يعني انا اقولج اهم ش ئالاستقبال والصالات تأخذين غالي والقطعه تكون كبيرة اكبر حجم اما المقاس اللي قلتيه احسها مو حلو بيطلع لك على الصالات كأنه ارضية درج ؟؟ فإنتي خذي لك لفه على المحلات اللي قلت لج عنها وشسمه المحل اللي قلتي ان فيه بورسلان ايطالي وغالي سعره ؟؟؟ وفي وين مقره ؟؟
واي سؤال يا اختي تراني في الخدمه باللي اقدر عليه وتراني لحد الان ما بنينا البيت مجرد حفر عشان جذي ما عندي معلومات كافيه عن المحلات لان تو الناس علينا نلف وندور لها ؟ بس ما يردج الا الكيبورد احاول اني اعطيك المعلومات والمحلات اللي اعرفها ..

هلا جهود .. ما شاء الله بنات البحرين الله يزيدهم >>> فرحانه فيج ..

حبيبتي .. انا اشوف ان الصالات مثل ما قلت لج تأخذين الغالي اللي قص ليزر .. والغرف وبقية البيت خذي من رأس الخيمه وانا مرة سمعت عنه انه وااايد زين ونوعيته تمام ومرة بعد قريت عنه في منتدى المهندس لو تسوين بحث عنه بتلقين عنه معلومات زينه .. وشفتهم يمدحونه بس انا ارد اعيد واقولج خذي للصالات شئ غالي وراقي لان غرف النوم لو حبيتي تفرشينها بعدين اصلا خسارة تحطي لها غالي غير ان اثاث غرف النوم اكثر من الصالات وتقريبا السجاد بيكون اكثر بعد يعني بيتغطى كله لكن عكس الصالات تكون مو متغطيه .. وما راح تغيرين الكاشي الا بعد سنييييييييييين ..

واما عن مجيد ومحمد لا انا محصله عندهم بورسلان اسباني ما ادري ايطالي فرعهم اللي في سترة انتي اتصلي عليهم وخل يعطونك عنوانهم عدل لاني اخاف اقولج وين واضيعك ما اعرف اوصف كلش ؟؟ بس انتي روحي له المحل وهو بيراويج .. واسمه البورسلان بيج ستون ؟؟ وفي منه معرق وفي منه الساده اللي فيه مثل نقط صغييييرة جدا ما تبان .. لكن انا عني عجبني وعلى ما تذكره انه قص ليزر؟ وتقريبا بضاعتهم مثل بضاعه حاجي علي حاجي لانهم نفس الوكيل ونفس المحل بس الاختلاف في الاسماء ومجيد ومحمد اللي في سترة ارخص .. بحكم ان المحل في منطقة سترة ومو على شارع عام .. وهو بنفسه اللبناني اللي يبيع فيه قالي انهم ارخص لهالسبب فإنتي روحيه نصيحه ..

بس سين سؤال : وش الفرق بيت قص الليزر وقص عااادي ؟؟

انا لقيت لك الموضوع اللي عن محل رأس الخيمة ..

وهذا الكلام اقتباس من الموضوع لاني خفت اعطيك الرابط تكوني مو مسجله في الموقع ولا يطلع لك شئ قلت احطه لك اللحين عشان تشوفيه مباشرة .. والله يوفقك يالغالية ..


أخي الكريم
بورسلان راس الخيمه ( الدرجه الأولى طبعا ) ما عليه كلام
بل ويمتاز عن بعض المصانع الاوروبيه بالوانه ومقاسته التي لا تجدها الا عند بضع مصانع بالعالم ( 180 سم × 120 سم )
أما السيراميك .. فلا يمتاز عنهم .. وأنا شخصيا لا أستخدمه
ابو هشام
زين ماخترت
وما عليك من المبلط
هو يمكن متفق معك بسعر قليل والبورسلان شغلة اكثر تعب من السيراميك لانه وزنة اكثر ومقاساتة اكبر وغير كذا يركب بدون فواصل وهذا مرهق بالنسبة للمبلط ،،،
بهذه المنااسبة انصحك باستخدام الاسمنت الابيض للبورسلان لانه يحفظة من تغير اللون ،
وثانيا يكون االمقص اللي مع المبلط مقص حديد ،
وثالثا الافضل لك تخلي المبلط يسوي لك عينة من شغلة على البورسلان قبل ما تتوهق معه لان مو اي احد يسوية ،،،

بالتوفيق ........

احلى وردة انا عاملة في بيتي بورسلان صيني من بيت الأباء في جدة وماشاء الله روعة انتي حاولي تأخذي الأنواع الفل بودي واللي تكون اسعارها فوق 25 ريال للمتر وعندك انواع من البورسلان الصيني موجود في العرض مع الأيطالي من جودته ونخب اول شوفيه روعة وانا اخذت منه

واذا تبغي بورسلان ارخص من الأيطالي والأسباني كمان عندك الميرو بجنب الأباء عنده بورسلان رأس الخيمة ( اماراتي ) روعة لا يعلى عليه زي الأيطالي بالزبط
>>>>> على فكرة هذا الكلام مقتبس من ام عموري خخخخ
وطبعا هناك بلاط اماراتي من راس الخيمه ومن سيراميك الخليج

بلاط راس الخيمه تشكيلاته والوانه ومقاساته كثيره ومتعدده .. وهو ما أنصحك به

والامر لك بما تقتنعين به

أعرف بعض المصانع الإيطاليه التي لا يمكن أن تقوم بتصنيع بلاطها ببلد آخر .. من خلال تعاملي معهم

Graniti Fiandre

وهذا موقعهم
وهذا موقعهم

http://www.granitifiandre.com/fiandr....html?lang=ENG






Ariostea

وهذا موقعهم

http://www.ariostea-hightech.com/





لا أعلم أسماء وكلائهم بجده .. ولكن أعلم الشركه الثانيه لها معرض كبير مكسي بناؤه بالكامل بالبورسلان من انتاج نفس الشركه

أما الأولى .. فهي رولكس البورسلان .. بدون منازع .. سواء من حيث التصميم أو المتانه أو السعر أيضا

ان شاء الله اكون افدتك .. ورجائي ان تدعي لي ان الله ييسر امري ويوفقني في عملي لاني ابي انقل لمدرسة بنات ومتصعبه الامور كثير .. واكيد لما تدعين لاخت لك الملائكة ترد عليج وتقول ( ولك مثله ) واااااااااااااااي سؤال انا حاضره

تدرين شوقتيني اشوف بورسلان راس الخيمه ؟

في وين حصلتيه ؟