أعتقد يصلح للصالات فقط في الغرف ماأعتقد يطلع حلو وبنشوف آراء البنات:26:

السلام عليكم ورحمة الله وبركاته
العسل الحلو
ماشاء الله تبارك الله حوشكم حلو ويشرح الصدر ودي اسألك عن الحديقه من الي نسقها لكم وبكم ؟؟
وبلاط حوشكم وش نوعيته ؟؟
والله يبارك لكم في بيتكم
غلا الروح
الف الف سلامه عليك والحمدلله على السلامه والسياره تتعوض لكن الارواح ماتتعوض الله يحفظك من كل شر ماقلتي لنا وش نوعية سيارتك ؟؟
دلبي
الله يحييك ويانا بالنسبه لسؤالك انا اميل للفواتح بدون حزام في الدور الاول واما الدور الثاني فخذي راحتك بالالوان وبيتي مثلك صغير والالوان الغامقه تحت بتصغر المكان
/////////////////////////////////////
مستشاراتي ابي رايكم :
عندي الجبس الي فوق فيه مرابيع عرفتوها الي كنها خشب في السقف كنت ناويه ادهنها خشبي بس بعدين شفنا بيت معتقها وش رايكم اعتقها ولا ادهنها خشبي؟؟؟؟؟؟؟؟؟؟
//////////////////////////////////////
الحالمه بالرشاقه
مشكوره ياعمري الله يجزاك خير
بس ممكن ابغى الرابط لموضوع بيت امك ممكن؟؟؟؟؟
والرخام العماني قريت هنا البنات مايمدحونه والله اعلم
ام عموري
الله يجزاك خير بس مافهمت كيف يركبونها من دون الاطاراتش تقصدين بالاطارات ؟؟
زميل زوجي ركبها بعد الدهان وندم لان مثل ماتفضلتي سدوا الفراغات بعدين وطلع شكلها مو حلو
وناشونال بكم ؟؟ لان سألنا عن بيركر الالمانيه وطلعت الحبه بـ86 ريال يعني بالمره غاليه
والله يعطيك العافيه دايم ماتقصرين يالغاليه
عفوا .. عفوا ..جهود..
وش الي فهمتيه ؟؟؟ كلامي كان واضح الله يجزاك خير ماذكرت مذهب ولا شيء وعموما انا اكرر اسفي اذا كان كلامي زعلك
فيافي نجد
بالنسبه لنا كل بيتنا خليناه سبلت مو المخفي لا المعلق في الجدار افضل بالتبريد والصيانه واما المركزي مثل ماقلتي غالي ونفسي اعرف مين جرب دايكن وبكم ؟؟
ورود الدار
الله يجزاك خير ماتقصرين بس ماقلتي لي بكم الحبه ؟
وانتظر الصور الله يعطيك العافيه

السلام عليكم ..

حبيت ارد لكم عالسريع لاني اشويه مستعيله ..

واليوم بدت اجازتي وااااااااااااااااو وخلصنا من الدوام وبهالمناسبة رحنا تغذينا بره كللللنا زميلات العمل .. والمطعم اللي رحنا له والله نسيت اسمه خخخخ بس ديكوره رهيب اقولكم شئ ما ادري ليش صرت اركز عالارضيات وعالحمامات وعالابوبا وعالنوافذ وعلى كل شئ ؟؟ يا ربي احولت عيوني اليوم في المطعم وانا ادقق في هالتفاصيل هل انا الوحيده اللي جذي لو انتو بعد مثلي ؟؟ احس تشخيص هالحاله من البنيان والعمار اكيد ؟؟؟؟؟؟؟؟

قمرا ..
توقعتك تسألين هالسؤال ههههه ما ادري ليش .. بس انا ما صار لي كم سنة ومأخذه الليسن وما حبيت اخذ لي سيارة من العيار الثقيل واعدمها لاني خفت على عمري يجيني شئ لو جاها اقل خدش فأخذت لي كامري 2006 .. >>> اللحين اللي ما يعرفني بيعرفني من نوع سيارتي هههه .. !!ايه صح قبل لا انسى .. اتوقع لون الخشبي احلى من التعتيق لان بيكون زحمة وااايد فوق في السقف .. وانا شفت بعض الصور في النت وحتى خالتي خلته لون ساده السقف كللللله ام عموري ..:
انا ما ابي اترك عيالي عند امي على الاقل ولدي اللحين كبير لو بغيت اوديه وياي مو مشكلة وفوق هذا لو وديته بروحه غير عن وياه اخوه ولا اخته ؟؟؟ عشان جذي متخوفه واحس اني ما بتحمل بنيان وحمل ووولادة وطفل صغير .. لكني الحين في حيرة ؟؟ والله يكتب اللي فيه الخير .
جهود ..
الارضية حسيتها طويلة وااااااااااااااااااايد وما احس حلوة تطلع في الصالات وخصوصا اذا المساحه كبيرة .. لان المربعات اشوفها احلى بكثير .. وهاذي احسها تصلح حق الدرج لانها وااايد طويلة .. اشوف اللحين الكل يمدح رأس الخيمة ياريت لو تعلميني وين يبيعونه ؟؟ ابي اشوفه لان ما اشوف احد ذمه لحد الان ..
الحالمه ..
الله يبارك في عمرك وانا اليوم ابتدت اجازتي >>>>>> ويه حلجه متشقق من الونااااااااااااااااسه ..
ما يندرى عن نتايج ولد شاعرة المليون ؟؟ ما ادري هل طلعت نتايج الثانوي عندكم لو لا ؟
بنات انا بسافر ان شاء الله يوم السبت باجر بمر عليكم طله قصيرة وانا طالعه لان تعرفون التجهيز للسفر متعب كيف ؟

بس انا ابي منكم _اللي يقدر يفيدني طبعا _( اتفاقية لمسلك الماي احنا نسميه باف فيتر .. والكهربائي ) وشنو اهم البنود اللي لازم تنضاف للعقد ؟

انا نزلت موضوع في المهندس استشيرهم في اتفاقية تسليك المياه وقلت يا بنت اكيد خواتج ما بيقصرون وفيهم الخير والبركة واقدع من مية راجل .. شوفوها وقولولي رأيكم ؟



حبيت اني اضع بين ايديكم .. اتفاقية تسليك مياه .. وارجوووووووكم تساعدونا فيها .. ولا تخيبون ظني فيكم لاني وعدت زوجي اني اعرضها عليكم وانتم تفيدوني فيها بحكم اني انا وزوجي ما لنا خبره في هاذي الامور وفوق هذا زوجي مو فااااضي بتاتا ؟.دراسة ومحل وعمل وامور البيت ..

المهم هاذي الاتفاقية واليوم جايب مسلك الماء الاتفاقية وياها شيك بعد يبي الفلوس اللحين بس انا قلت حق زوجي المفروض ما ندفع له ولا فلس وخصوصا ان الارض ليلحين يدفنونها وحتى المقاول ما كتبنا وياه العقد ..

اتفاقية تسليك مياه
بتاريخ 9-6- 2007 تم الاتفاق بين كل من الطرف الاول والطرف الثاني بتسليك 3 حمامات ومطبخ في منطقة ...

سعر المقاولة .. 1100 دينار بحريني ..

نص الاتفاقية ..
1. ان يقوم الطرف الاول بتسليك 3حمامات + 1 مطبخ
2. تسليك انابيب صرف الامطار .
3. تسليك نقاط أنابيب A|C

لعمل :
1. يبدأ الطرف الاول العمل بتاريخ 1-7-2007م
2. يقوم الطرف الاول بتسليك جميع المذكورة اعلاه .

طريقة الدفع :
1. يدفع الطرف الثاني مقدم مبلغ 550 دينار بحريني .
2. يدفع الطرف الثاني القسط الثاني بعد الانتهاء من تسليك الصرف الصحي للحمامات وتسليك نقاط الحمامات وتسليك مجاري الامطار وتسليك أنابيب A|C
400 دينار بحريني .
3. يدفع القسط الثالث بعد الانتهاء من العمل وقدره 150 دينار بحريني ..

حررت الاتفاقية بتاريخ 26-6-2007
وهاذي ملاحظاتي على العقد وابغيكم تقولون لي رأيكم فيه ؟

انا اشوف انه ما حدد اذا الاتفاقية بمواد ولا بس شغل يده مع ان احنا اتفقنا وياه على شغل يده مع مواد ..
وغير جذي مو محدد متى ينتهي من الاعمال ومتى يبدأ كل عمل وكل مرحلة .

غير ان اهو ما حسب حمام الشغالة اللي في الطابق الثالث .. ولا حسب غرفة الغسيل لان فيها تسليك للغساله وحوض غسيل بعد .. ؟ وعندنا بعد حمام زيادة نسى يحسبه ؟

انتظر رأيكم على احر من الجمر .. :(

السلام عليكم
انا خلصصصصصصصص السرميك خلص والبلط والحممات بس باقي الديكور والصبغه
بس قهر حمام العيال والظيوف تصورو علي كبره مو حاط بانيو يعني مافي بانيو تحت المرش لان المكان الي حاط فيهم مكان المرش ما ياخذ بانيو صغير وش اسوي والله قهر مو حلو كذا احلي البانيو معقول نكسر بعد ما خلص ركب كل شي؟