السلام عليكم ورحمة الله وبركاته
اعذروني على الانقطاع بسبب عطل الجهازولا اعرف متى سيصلح لأتواصل معكم
الرجاء من قمراء او رتوش او ام عموري ترسل لي على الخاص صورة البوفيه العلوي لمطبخي
واسفه فلم اقرأ الصفحات السابقة
والسلام

مرحبا بنات
الله يعافيكم ممكن صور لواجهة بيت تكون بروفايل ولا موشرط تكون واجهة
لاني ودي اشوف البروفايل ضروري الله يعافيكم
بحث في قوقل موالقيت شي
تكفون لاتطنشوني

وووووووووووووينكم بنااات ..؟؟؟
يوم رجعت ما القى احد فيكم ؟؟

على العموم انا بطلب منكم طلب ويا ريت لو اي وحدة تحبني تساعدني وانا بدعي لها من كل قلبي ...

انا دااااااااااااايخه السبع دوووخات اللحين ومزنوقه اللحين على موديل لفستان سهرة .. لان الفستان حق اخو زوجي وابيه يكون احلى فستان في السهرة .. هذا غير ان اختي وعمي بعد خطوبتهم في هذا الصيف يعني حوسه ما بعدها حوسه .. ورجعت اللحين والكل شايف له موديل وقماش وخياط وانا لحد اللحين ما جهزت شئ لهالثلاث حفلات ؟؟

وانا سمعت ان وفاء وشاعرة عندهم حفلات ايه بعد ام عموري .. ولاني لحد اللحين ما قرأت الصفحات اللي راحت وما ادري شنو عملتو لحفلاتكم .. ابيكم تساعدوني بموديل راااااقي وروعه ..


وبنات الخبر والدمام ياريت لو تعطوني اسماء محلات عندكم اقدر اروح اشتري منها تكفوووووون ساعدوني تعبت من البحث ..سرسر اكيد تقدرين تفيديني .. >>>> ويه يصيح

السلام عليكم ورحمة الله وبركاته

كيفكم اخواتي

الديوانية منورة اليوم ما شاء الله ورود الدار وغلا الروح رجعوا
ورود الدار : الف مبروك عزيزتي والله فرحت ليك كثير بيت مبارك وان شاء الله تعمرونه بطاعة وايمان وصحة وعافية يارب

غلا الروح : حمد لله على رجوعك والله ليكي وحشة وشكل العطلة عندك مزحومة ماشاء الله تعرفي انا كل المناسبات اللي فاتت ما خيطت لها فساتين مشيتها باللي عندي والحين بعد ما اخلص من النقل لازم ادور موديلات لي ولبنتي عشان فرح ولد اخي في العيد بإذن الله وطبعا ما اقدر امشي هذه بقديم مستحيل يعني لو شفتي حاجة حلوة دليني ( جيتك يا عبدالمعين تعيني لقيتك يا عبدالمعين تنعان ) :)

روانجد : فعلا عمال الأثاث يعدموا كل شيء اليوم كسروا لينا ابليك في الدرج وهم يدخلون اثاث غرفةو النوم زعلت والله وقبلها كذا شيء ينكسر وعاد لو الأبواب اتخدشت ببكي عليها بعد التعب والتهزيء هذا كله :)

وفاء : شكله مافي ابواب الا بعد النقل ولا فكرتك حلوة اننا نركبها وبعدين ندهنها طيب كيف يرشوها وهي مركبة ما تنعدم البويه حق الجدران

حالمة بالرشاقة : الله يجزاك خير على مشاعرك الأخوية فعلا احس بينكم اني بين اخواتي واكثر بالعكس انتو فاهميني احسكم اكثر ترى صح نأخذها على دماغنا بس مش تبا لهم :) الله يخليهم لينا ويطول في اعمارهم

صغر الفرح : الله يقومك بالسلامة وترجعي لهم البناء والعمار بإذن الله وتعمري بيتك مع زوجك و اولادك والبنوتة الصغيرة بصحة وعافية وطاعة وايمان

نشمية الروح : جزاك الله خير على دعواتك وتذكيرك وعقبالكم كلكم يارب والله نفسي ابارك لكل واحدة فيكم
ليلاس الحلوة : ماشاء الله صغر الفرح جابت ليك صورة البروفايل وهلا بيكي معانا

اهلي توووهم نازلين الحمد لله ما صار لهم اسبوووع وانا في امريييكا ما حضرت النزززززززله

الحمد لله على كل حال الله يهنييييهم

بس مساكين المطبخ للحين ما ركبوه و الغداء كللل يوم في بيت عمي اللي جنبهم على طول

والله يعيييين