بنات ابي اخذ رأيكم في شئ مهم عندي جدا ..

احنا ارضنا مساحتها بالنسبة لإحتاجاتنا كبيرة .. مساحتها 500 م ..
عشان جذي سويناها طابق واحد .. بس اللحين ناس وااايد تلومنا .. !!
يقولون لي :
ليش ما تبنين نص الارض طابقين والنص الثاني تخليه شقق للعيال ؟؟ ويكونون مفصولين عنكم ..

انا ردي :
ابي طابق واحد اريح لي عن الطابقين وخصوصا ان عائلتنا صغيرة وما عندي خدامه (ما اشتههيهم ) وفوق هذا ما تفرق وااايد في المساحات مثل مثل لو سوينا طابق او سوينا طابقين بس الفرق ان الدرج بفتحه وطالعه نازله ونازله وطالعه وانا اكره الدرج ما احبه ( متعقده من العمارات )

بس عرضت مخططي على وحده خبيرة بالهندسة .. وقالت لي ان المخطط مرتب بس فيه ممر طويل ؟؟
وكأنه شركة مكاتب يمين ومكاتب يسار ؟؟

بس هو البيت كله مفتوح وما يبان الممر ؟؟ ما عدا ممر جناح غرف النوم ومرتفع بدرجتين ؟

شورو علي تراني متضايقة حيل وحتى مو حابه اشوف المخطط مع ان كل من شافه اعجب فيه لكن اول مرة احد ينتقده بس احس يمكن كلامها صحيح ؟؟ اشرايكم ؟؟

سا عدوني:( :( .....>>> ترى مسويته بالاحمر عمدا يزعم حالة خطيرة ..:eek:

اوراد قصدك مفهوم بس مالقيتي طلبك في اسواق الخير؟؟؟ هناك اشكال والوان وسبق ودليتك على محل اسمه شركة السلام العالميه ...ما روحتيله؟
عموما هناك معظمهم يبيعوا الشكل اللي في بالك
...............................................................................
ياهلا ومرحبا ببكولا شرفتينا

بالنسبه للرخام دايما المعروض غير شكل ويخم

عموما اللون اللي مو عاجبك في الرخام لا تحاولي تظهريه بالفرش
هل اللون وردي والا عودي .... لاني ماسبق وشفت عروق وردي وهل الخربزي مائل للبني يعني طوبي والا خربزي صريح وايش هو اللون الغالب <<<<ايش في بالك اخلصي

لو عروق الخربزي اكثر خلي البويه خربزي فااااتح او بيج والكنب اشوف لو زيتي حلو معاه او بني على طوبي
و الكنبات الكبيرة سادة والارم تشير (( النفر)) مشجرة تجمع البيج والزيتي والطوبي.. ووزعي كوشيات متنوعه بهذه الالوان على الكنبات
ونشوف رأي الحلوين
اما عن المخزن انا اشوفه جداااا ضروري .......شكله مطبخك مفتوح عشان كده خايفه من الريحة
لو عندك مساحة ممكن تستغليها بالبيت كمخزن ممكن تعملي هذا مطبخ للقلي
اما بخصوص الغرفه اللي بالسطح والله اشوفها صعععععبه بالنسبه لي طلعة ونزله ...حتى صعب ان العيال يلعبوا فيها لوحدهم بعيد عن نظري ...

ماعندك اي غرفه فاضيه في دور النوم تخصصيها للعب الاولاد

طيب انت جربي ولو ناسبك الوضع استمري

بوصف لكم البيت ..

اول ما تدخلين في جهة اليمين الكراجات واليسار الحديقة المدخل بالنص ..

تدخلين البيت .. على يدك اليمين حمام والمغاسل وبعدها صالة المعيشة مفتوحه تقريبا على نافذة نص قوس على غرفة الطعام+ المطبخ بس المطبخ على داخل ما يبين ومعه المطبخ اللي للطباخ ..2*2 ..
يدك اليسار صالة الضيوف مفتوحه طبعا على صالة المعيشة وجنبها غرفة ممكن تكون مجلس صغير او اخليها للعيال لقعدتهم .. وعند الغرفة تجيك غرفة الدرج مغلقة وتؤدي للسطح ..

في الوسط في باب اشويه كبير مرتفع بدرجتين يؤدي لجناح غرف النوم ؟.. غرفة نوم رئيسية +غرفة ملابس +حمام .. غرفة نوم اولا واخرى بنات وكل وحده مع حمامها ..

المهم .. الممر اللي قالت عنه الاخت صاير يفصل بين الجهتين بس ما يبين ممر لان صالااتي مفتوحه على بعض وما عندي شئ مغلق .. فهل تعتقدون انه حيبان مثل ما قالت ان التوزيع صاير على جهتين مثل شركه ؟؟ اهي اهي اهي

السؤال وين مجلس الرجال ؟؟؟ لان زوجي ضيوفه في مجلس ابوه لانه كبير وعندهم العزايم شغاله على اخره وغير الخدم اللي عندهم .. اما انا مو وجه عزايم يعني اذا وده بزيارة لاحد من اصدقاءه لمنزلنا عندنا الغرفة ممكن مجلس صغير او اذا عنده احد انا اطلع من البيت لما يخلصون .. بس هالشئ نادر جدا يمكن مرة في السنة ..

طيب شنو رأيكم بتصميم البيت ؟؟

عيوني لا تكدري خاطرك الممرات هذه مو قاعده فيها انتي ممر يعني ثواني وانتي بره الممر

عموما ممكن بين مسافه ومسافه تعلقي مرايات توسع الممر و لوحات ناعمة مودرن ببرواز رفييييع زي اللي بايكيا وبيصير الممر ممتع وراح تحبيه موووووت
واللي بيضيعك بيلقاك بالممر

رتووش الله يسعدك رسمتي البسمه على وجهي >> كسبتي فيني صدقه هههههه
انتظر رأيك عن وصف البيت .. وراي البقية بعد يهمني جدا .. ترى اذا بغيت اغيره بيفغصني زوجي والمهندس شكله بينتحر ولا بيستقيل ههههه