كوكو نت ..
الله يجازيك كل خير ويوفقك ان شاء الله لو رحنا الخبر اروح اشوفه .. في مجمع قالو لي عنه حلو اسمه مجمع جمعه ومجمع الراشد ؟؟ اشرايك فيهم واسعارهم كيف تتراوح بين وبين كم ؟؟ انا لحد الان ما حددت ميزانية على اللي يعجبني ؟

استرخاء ..
هلا يا ام السواليف الحلوة الله يسعد ايامك .. هههههههههههههههههههههه ضحكتيني واااايد
الله يسلمك عملية عيوني جدا حساسه واحسها خطيرة اشويه لانها مو مثل الليزك لا اسمها ايبي ليزك يعني ما فيها تشريط ولا تقطيع في القرنية وعيوني تكون سليمة لكن والله اني شفت العمى وغير جذي انج تظلين 3 ايام تطلقين هههههههههههههه قصدي تتألمين ولا حتى تقدرين تنامين ؟؟ هذا غير وهم يسوون لج العملية يرفعون لج عيونك ويقعدون يحوسون فيها ويقلبون فيها يمين شمال وانتي تطالعين فيهم هههههههههه بس انا ما احب اتكلم كثير عن العملية عشان لا اخوف الناس اللي تسألني بس هي وااايد افضل من الليزك لان مثل ما قلت لج سطحية وتظل عيونك طبيعية ولا كأنك مسويتها بس يبغي لها لمدة 3 شهور تقريبا عناية خاصة وانا سافرت وزادت علي بس اللحين الحمد لله .. احسن .. وبنشوف عقب هال3 شهور يمكن نصير زرقاء الرفاع ههههههه ولا زرقاء المحرق ولا زرقاء المنامه ههههه

الفستان اسود ساده وفيه شك خفيف على الصدر وعلى الحوض مثل الحزام ومن ثم الشيفون نازل ذيل طويل .. موديله اوربي مو عربي ..؟ يعني ناعم وما فيه الوان وحركات وتقليعات بس شكلي بأخذ برأيكم وبخليه .. وبضيف له اكسسورات فخمه ومع الميك اب والتسريحه بتطلع فخامته ..

والسفر الله يعوضنا ان شاء الله بسفرة حلوة نستانس فيها ولا نمرض لاني عن جد ما اتحمل جو السفر لازم امرض فيه خصوصا لو جو غير جو الخليج >>> ويه مو متعود عالبرد توحشه الشمس والغبره ؟!ههههههههههههههه

رنوو ..
هلا فيج اختي السيراميك وااايد حلو بس انا اللي طلع لي نوع واحد ما شفت بقية الانواع واللحين موضة السيراميك الحمامات تجيك بوردرات مرة ضعيفة مرة عريضة مرة متوسطة وشي بالطول وشي بالعرض واللي عارضته رااايق وناعم عجبني بس انتي بعد لا تستعجلين اذا مو مقتنعه فيه 100 % لانه صعب بعدين تكسرينه وتغيرينه فتأني في الاختيار وشوفي اكثر من خيار ولما ترجعين لنفس الاختيار هتعرفين ان هذا الشئ اللي عاجبك وفي شئ ذكروه الاخوات اظن ام عموري الله يذكرها بالخير وهي انج تصلين صلاة الاستخارة وبعدها تختارين ولما تختارين تشعرين براحه اكثر .. لذلك انصحك بالتروي .. والله ييسر لك

غلا الروح :: مافهمت قصدك ( بوردرات عريضه مرة متوسطة ) ..
بس رجعنا دقينا على اللي اشترينا من عنده الكيشاني و غيرنا في شكل البلاط وخليناه بالطول ..
بس الظاهر في تغيير في حق حمامات الضيوف .. و اليوم بنروح نغيرو إن شالله ...
و بالنسبه للصور حتى انا اول مانزلتها طلعت صوره وحده بعدين قفلت الموضوع ورجعت حصلتها كلها موجوده ... و الحمدالله على كل حال ..

السلام عليكم

هلا بنات

رنوو
الاختيار الثالث احلى من الاول اذا كنتي مترددة بينهم

غلا الروح
حلو الفستان من وصفك مو شين .. سيري خذيه لا يروح وترجعين تدورين

وفااء
عجبتني سالفة تخرج اول دفعة من الديوانية هههههههه رهيبة
مدري متى اتخرج ؟ الظاهر كلكم بتتخرجون وبتكملون دراسات عليا وانا بهالديوانية اكتب ردود واناجي زماني ..

سارة
شدعوة يبه عطنا ويه يا الطيب .. انتي اللي دايما تبثين الروح وتخلينا نتناقش ونسأل اسئلة ..

ودي اسأل اللي خلصوا بيتهم على خير ورود الدار وام عموري .. كم صار لكم من بديتوا << متفائلة احد بيرد علي

واللي يشطبون سر الالم وقمرا ..؟ استرخاء قالت سنة ونص
السؤال ليه قولولي ليه ؟ قلتوا ليه .. عشان اعرف كم باقي لنا نعك بهالبيت

تو يوم بغيت ادخل واشوف صور تشطيبات جبس وجدران .. تذكرت القصر اللي نقدر نحصل عليه يوميا من ذهب وفضة وارضية لؤلؤ وياقوت .. عند الصلات اثنا عشرة ركعة رواتب

:26: :26:

يلا فمان الله نشوفكم ان شاء الله

السلام عليكم باذن الله راح انظم لكم في الديوانيه اذا كان ممكن (( يعني بعد اذنكم ))
احنا مازلنا في البدايه وتونا نقول بسم الله وبدينا بالحفر
صراحه الديوانيه مررررررررررررررررررررررره رائعه وخساره اني اكتشفتها متاخره ماادري وين كانت متخبيه ((وحده عميانه من المخطط لنا سنه كامله وتوه يخلص ويتم اعتماده من زوجي ))
راح ارجع اقراء الردود من اول صفحه بس لفت نظري رد استرخاء عن مخرج 9 واقولها الله يسعدك صراحه كنت حاطه عيني عليه وما توقعت انه سيئ فشكرا مقدما يله اقابلكم بعد ماقراء 643 صفحه ان شاء الله ((وحده كسلانه وعنده دور ثاني بتذاكر الكتاب من الاول علشان افهم السالفه

الاخت Elegant style

ماشاء الله لاقوة الابالله مبين ان بيتك حلو ن كلام الاخوات لكن للأسف الشديد صورك ما تطلع لي ممكن اذا ما عليك امر تنزلينها لي مرة ثانية بلييييييييييز تحمست من كلام البنات عنها ..

وفاء ..
هلا وفووووووووي نجمة الحفل .. يقولون طلعتي تهبلين واحلى وحده >>> قاعده تقرأ الواجب خخخ
بس ما انتبهت لموديل فستانك كيف صممتيه ؟؟ واشلون موديله وقماشه ؟ لان انا اللحين قاعده ادور لقيت موديل حلو شفتي القماش الستان المكسر ؟.. اشوف السوق مليان منه ؟ لكن انا ودي اسوي لي بس عند الخصر والصدر ما ابي كل الفستان مكسر يصلح للحامل ؟؟ ما ادري هل موضته ظلت لو راحت الستان الناعم اللي يلمع .. ما ادري شنو تسمونه ؟؟ ياريت لو عندك صور لموديلات ترسلينها لي بليييييييز ..

يلا تصبحون على خير ..