مراحب ياحبايب......كيفكم ياحلوين........ا****اخطاء ..لاتقعي بها***بداية من اليوم ان شاء الله..سوف نكتب بصوره يوميه عن اخطاء يجب تلافيها
ام عموري , قمرا ,ورود الدار,نشميه والجميييييييييييييييييييييييع همتكم معانا
نبدأ بالمخطط....المساحات على الخريطه تختلف عن الواقع...مساحة الحمام الرئيسي اذا ناويه شاور وجاكوزي لازم يكون اكبر من 3 في 3 ........نكمل غدا
حمامك ..........حلو يا رنو.....نفسي احط اسود او رمادي لكن يقولون لازم يكون فيه unity يعني ما يكون المجلس لونه كريم مثلا...والحمام رمادي ......وش رايك

السلام عليكم ورحمة الله وبركاته

اهلا اخواتي كيفكم

والله تعبانة بجد من التنظيف والنقل كل يوم شغل وتنظيف من العصر الين 12 او احدة في الليل ولسه ما خلصنا تعبانة كثير في تنظيف بلاط الأرضيات والجدران والنوافذ من بقايا البناء والجبس واسمنت تصدقوا اليوم مثلا كله بس اللي نظفناه ومعايا شغالة مطبخ وحمام واحد وانا ابغى كل شيء ملمع ونظيف يبرق وحاسة نفسيتي تعبانة الشغل موراضي يخلص وزوجي يقولي انتي اللي جبتيه لنفسك قلت اجيب شركة تنظيف قلتي لا انا حنظف مع الشغالة لأنهم اكيد ما حينظفون على كيفي خذي على راسك :( مادري متى يخلص اللوم شكل النفسيات مع العمار خلاص تخرب بجد
دعواتكم اخواتي لي
ارجع مهلوكة بس مشتاقة لكم ولسوالفكم

ام شادن وشذى
اهلا وسهلا بيك معانا في الديوانية ما يحتاج تستأذني البيت بيتك واكيد قراءة الصفحات بتفيدك كثير

وفاء حلوة حكاية اول دفعة تخرج عقبالك تكوني في الدفعة الثانية وشكر لتذكيرك لي بقراءة سورة البقرة والله نفسي اقعد مرة واقرأها كاملة بنفسي مش مسجل بس من يوم ما ادخل البيت اكرف الين ما اخرج اخر الليل الله يشغلنا في طاعته يااااارب

الراجية عفوالله : جزاك الله خيرا والله اني هذا اللي ابغاها دعواتكم لي والله يجمعنا في جنات النعيم يارب

نشمية الروح تفائلوا بالخير تجدوه لينا زي وورود الدار ثلاث سنين

رنو البلاط هذا من الإباء صح ؟ من قسم الأيطالي الأول شايفته على الطبيعة روعة بجد بس انتي خلي البوردرات بالطول اشيك واللي في الصورة الثانية للحمام الرئيسي حسيته مش حلو كثير بس الثالث حلو وحيناسبك انت كبنوتة ولو امك تأخذ الأول لحمامهم يطلع احلى هذا رأي وفي الأول والأخير الرأي لكم

غلا الروح : الله يعينك بس من وصفك للفستان باين حلو وشيك فخليه ولا تتصرفي فيه بالعكس خلي عندك ثقة بذوقك واتمسكي بيه :) يا أم الذوق

قمرا ورتوش وسرالم وسارة ليه الغياب هذا كله

سلام واعذروني اذا نسيت احد ما رديت عليه والله كل قطعة في جسمي تعورني ودماغي مو مجمع شيء ابدا

ام عموري .. الله يعينـك النقل مره صعب الله يعيننا كلنا ,,

الحمدالله خلاص اشتريناه و بكرا بيوصلوها ع البيت .. يعني خلاص ..
وماشالله تبارك الله ذاكرتكـ قويه إيوا صح الأول في القسم الإيطالي ..

طيب ام عموري بما إنك المستشاره هنا ماشالله و عارفه إنك مشغوله .. بس استحمليني كنت بسألكـ .. بالنسبه للأرضيات إيش رايكـ من فين أخدها و إيش إللي طالع دحين لغرف النوم يعني بلاطات كبيره صغيره عشان ما ابغا اتورط زي الكيشاني بعد ما اخترنا الشكل بالعرض جيتو كلكم قلتو خليه بالطول .. ورجعنا غيرنا .. و إيش أحسن أخد باركيه خشب .. و لا سيراميك على شكل باركيه .. ( لصالة المعيشه ) . والله يعطيكي العافيه ..

رنو شكلك كتبتي ردك انت وتفانين وانا اكتب ردي

عموما البلاط حلو بس الأضاءة في هذا المكان ما تحسي خطر لأنه مكان متعرض للماء بكثرة هم في المحلات عرض مش استعمال انتوممكن تعملو فكرة البروز من غير اضاءة اشوفها انسب
بالعكس المغاسل البيضاء جدا ذوق حلوة انا عن نفسي ما احب في الأطقم الصحية غير الأبيض والملون اكره شوفته حتى
بالنسبة لأرضيات غرف النوم حلو فيه السراميك او البورسلان المطفي بس مش المعتق انتبهي ( لأنه صعب تنظيفه ) انا اشوف ارضيات سيراميك الجوهرة حلوة بس من غير الأحزمة شفتي محلهم اللي في المكرونة مكتوب عليه عبدالله بن ابراهيم واذا انتو تحبون البورسلان الإباء عنده بورسلان ايطالي حلوجدا ممكن تختاري منه الألوان القمحية والبيج الغامق المصفر ابتعدي عن البيج الفاتح جدا في البورسلان لأنه على طول علامات مطبعة من اقل خطوه فيه

تفانين وتلاوين : حلوة فكرة اخطاء البناء فعلا مساحات الحمامات وتوزيع الأطقم لازم يكون من البداية بطريقة سليمة ومدروسة نسيت اقولكم نحن الأسبوع اللي فات كسرنا حمام الضيوف نصه عشان لما حطينا المغسلة صارت تضرب في الكرسي واضطرينا نكسر ونغير والبلاط ما لقينا منه غير نخب ثاني يعني فيه شوية اختلاف بس مو ملاحظ الا للي عارف زينا وعشان كده اوصيكم انكم دائما خذوا البلاط من محلات تكون هي الموردة للبلاط فتوفره ليكم بسهولة عكس المحلات الثانية زي ما قالت استرخاء تبيع وما تقدر توفر ليكي في حالة النقصان يعني نحن اشترينا من الميرو وهم شركة موردة لسيراميك راس الخيمة فعلى طول لقينا عندهم ما تعبنا صح نخب ثاني بس لو محل كان طولت الحكاية الين ما يتصلوا ويسألوا ويردوا ويجيبوا يعني مشوار وممكن المورد ما يعطيه لأنه يحتفظ بيه لزبائنه فهمتوا
معليش طولت الحكاية بس عشان انبهكم للحكاية هذه

سلام ثاني مرة :)

تفانين صحيح كلامك بس حمام الضيوف الله يكرمك رح يكون جنب مجلس الرجال و مجلس الرجال رح يكون لونو غامق ..

ام عموري .. صح الإضاءه خطره في مكان زي كدا .. >> نشوفلها صرفه
.. .. و الله يطمنكـ يعني ما نشيل هم المغاسل البيضا ..