غلا الروح
يقولون عندكم بوابات خارجيه تاخذ العقل وارخص من اللي عندنا؟؟؟؟افيدينا..

هلا اختي تفانين وتلاوين ..
ما فهمت قصدك ؟؟ شنو تقصدين بالبوابات ؟ يعني ابواب البيت الحديد ؟

الحالمه ..
بعد غالي يعني بيتكم اقل منا في المساحه كيف يطلع اغلى منا في السعر 80 الف دينار صح حسبتي ولا تقصدين 8 الاف ؟؟ اما سعر 54 الف فهاذي كانت تسعيرة بيتنا للخريطة الاولى ..

استرخاء
نصيحه لا تأخذين اكسسورات الحمام من اماكن المحلات اللي تبيع الادوات الصحية .. لانها عن جد غالية وبسيطه في ديزاينها يعني مثلا انا يوم اروح اشوف محلات البلاط اشوف اسعار المرايا وجدتها غالية باضعاف لاني مرة شريت مرايه من محل عادي تبع اكسسورات المنزل ب 2 دينار وشفتها في محل يبيع اطقم الحمامات ب 10 دينار ونفس الشكل ونفس الجوده .. فأنا افضل اكسسورات الحمام الواحد يتأنى فيها لان كل مرة تطلع موديلات جديدة فتأجليها مع السكن

تصبحون على خير

السلام عليكم ورحمة الله وبركاته

انا جديدة على التجمع هذا بس اعجبني والافكار اللي فيه
وعشان انا وزوجي تونا بانين فيلا ياربي لك الحمد مابغت تجي
فياليت تقبلوني معاكم واني ما اثقل عليكم في الاسئله
لان احنا تونا نصب سقف الدور الثاني

والله يعين على التكلفه

السلام عليكم
هلا بكم بنات
والله أشتقت لكم كلكم
أخيررررررررررررررررا أخترت الحمامات وأنتوا بكرامه
وأنشاء الله ماغير رايي
أخذتها من مكارم النخبه
وبكره بختار السرميك بأذن الله والرخام
"
"
بس ياريت تدلوني على محلات باركيه زينه و محلات موزييك حجر
وأسعارها حلوه
"
"
عقبالكم بنات تختارون وتفتكون
"
"
الحمد لله أستعنت بمهندسة ديكور اسمها ساره المطلق
هي من الشرقيه بس جايه الرياض لمدة أسبوع
"
"
الله يجزاها خير
ريحتني كثير في أختيار الحمامات
"
"
حطتلي قطع غاليه ديكوريه
اللي ابيها ومشتهيتها
على قطع سعرها معقول وصناعتها أيطاليه
"
"
يعني اللي ابيه وودي فيه صار بسعر مناسب
وسوتلي التصميم بالكومبيوتر
عشان المبلط يعرف أماكن القطع
"
بس المشكله انها راجعه يوم السبت
وأخاف ما أخلص من الأختيار معاها
"
"
هل تعرفون مهندسه في الرياض وسعرها زين؟؟؟؟؟؟؟؟؟؟؟؟؟؟؟؟؟؟؟؟
وجزاكم الله خير
"
"
معليه أسألتي كثيره
بس مالي الا أنتوا بعد الله
"
"
واللي سألوني عن الصور
أنشاء الله في أقرب فرصه راح انزلها
تحياتي للجميع

السلام عليكم ورحمة الله وبركاته

كيفكم اخواتي

مشكورات جدا لنصائحكم كلكم وفعلا التنظيف ما اعمله كله انا مقسمته اقسام ويمكن كمان ثلاث اواربعة مرات ونخلص بس ياخوفي بعدها يجون اللي يركبون الأبواب يحسون الدنيا
على فكرة تأجل الإنتقال للأسبوع القادم بإذن الله عشان اكون معاكم وقت اطول :)

حالمة واسترخاء ونشمية وغلا الروح الله يجزاكم خير على مشاعركم وياريتكم عندي كان اعطيت كل واحدة فيكم مكنسة وممسحة ومنفضة وهات تنظيف :) على قولة واحدة عزيزة بتطلع لنا عضلات :)
المشكلة في الأهل يقولون نجي نساعدكم وانا اسكت لأنه استحي اقول تعالوا لهم وخلاص ما عاد يجون ولا يقولون شيء احس الكلمة عندهم بس يقولونها كذا من غير عزم حقيقي للمساعدة واليوم جبت شغالة ثانية برضه عشان نتساعد

استرخاء الأطقم الصحية بصراحة درت كثير عشانها طبعا الأيطالي افضل شيء واسمه روكا وفيه اسماء ثانية كثيرة بس الأسعار غالية جدا وبعدين عندك اميركان استاندرد وايديال استاندرد موجودة عند الغامدي وفيه نوع ذكرته سكر مكر الله يذكرها بالخير ناسية اسمه برضه امريكي عند الدوسري وبعدين الصيني الدرجة الأولى وبعدين الصيني والهندي

انا عن نفسي كنت ابغى الوسط بس ما في غير الأمريكي منه وانا مقاطعة لهم فأخذت من اليوبي صيني درجة اولى وتقريبا اسعاره مثل الأمريكي وشايفته ممتاز وشكله ذوق اسم الماركة ميكاوا تقريبا الكراسي بين 700 و800 والمغاسل بين 400 و600 عدا مغسلتين كانت بين 800و1000
والخلاطات برضه اخذتها صيني ماركة سيلفر من بيت الإباء هم وكلاء لهذه الماركة واسعارها جدا معقولة واشكالها شيك وذوق ومميزة لو نأخذ الأيطالي تضرب الميزانية بجد خلاط الدش الأيطالي فوق الألف ريال هذا لو تبغي اشكال حلوة ومميزة لو تأخذي الأيطالي او الأماني جروهي اسعاره معقولة بس اشكالها قديمة وتقليدية جدا نفس اللي كانت في البيوت من عشرين او ثلاثين سنه سابقة

اعذروني اخواتي اللي طالبات صور لأني جدا مشغولة ومافي حيل لحاجة واكيد الأخوات بيساعدونكم

سلام

منو لسه ما نامت احم مو جايني نووووووووووووم
الله يعينك يا ام عموري وتتهني يافلبي انا بعد ها الاسبوع صبغه وخلص بعدها بس المغاسل علشان اروح انا وشغالتي نكرف نبي ندخل قبل ارمضان الله كريم