أتمنى أن تعرضوا حبيباتي وعزيزاتي صور بيوتكم في الديوانية بدل على الخاص للافادة
وجازكن الله خيرا وبارك الله فيكن أخواتي

مرحبا شابات
الابواب يلي قصدتهم ابواب الغرف والحمامات ومدخل البيت شو بيكون الافضل الاستيل او الالمنيوم او الخشب

جمعة مباركة للجميع ..

قمرا ..
مو مشكلة الواجب سامحوني فيه بس بدون تنقيص علامات .. ليش ما سويتي المغاسل مبنية وفصلتي الخشب عند منجرة مو احسن .. وانتي بعدين بالاضاءة والاكسسوارت تطلعي فخامتها .. واشوف اللحين اكثر شئ المغاسل اللي بارزة فوق قاعدة كأنها مدري شتسمونها احنا نسميها طاسه خخخخ .. او بياله وتجيك زجاج ملون او سيراميك ابيض او شفافة ساده بألوان مختلفة او منقشه .. بس وااايد حلوين عجبوني في المحلات .. واذا عندك صور طرشيها لي عالخاص ابي اشوف خخخ >>> وحده حشورة !

اليقنت ستايل ..
مبرووووك على السيراميك .. احس الحمامات اصعب مهمة .. لان ما تقدرين بعدين تغيرين ولا تكسرين فيهم شئ فالحذر واجب ..

بنااااااااات ..
باركو لنا وقعنا العقد مع المقاول وان شاء الله يوم السبت بيبدأ البنيان في البيت ... الله يتمم لنا على خير احسه حلم وما قادرة استوعبه ..
بس بقول لكم عن شغلة مهمة للي توهم ما بدأ .. الحفر والدفان لابد يكون قبل فترة من البنيان يعني تحفرون الارض وتدفنونها وتخلونها فترة تنرص الارض عدل بعدها ترشوها بالماء ولو طاح عليها المطر خير وبركة .. عشان يكون البناء اقوى ولا يتشقق .. احنا قررنا نرشها بماء من محل التحلية واليوم يمكن يرشونها او باجر ..

شذا ..
الابواب الداخلية ..........خشب .

الابواب الخارجية .........حديد او المنيوم .

ابواب الحمامات ........ المنيوم واذا حبيتي حمام الضيوف تخليه خشب مو مشكلة لان ما بتصيده رطوبة وااايد لان ما فيه شور او استحمام بس تواليت مرحاض ..ومغسلة .. وحتى السيراميك مو لازم كل الحمام تقدرين نصه بويه ونصه سيراميك ..

بنات اشرايكم في توقيعي .........؟؟ حلو صح ..