ام داره :

السلام عليكم موضوعكم جميل وجا في وقته بالنسبة لعمارتنا احنا بنبدأ بالجبس والارضيات والله اني محتارة في الاختيار حتى البحث في النت ما افضاله لأن عيالي مشغليني وان شاء الله نكون على تواصل ونبارك لبعض بالسكن الجديد

السلام عليكم موضوعكم جميل وجا في وقته بالنسبة لعمارتنا احنا بنبدأ بالجبس والارضيات والله اني...

غلاالروح :

قهورة .. يالله كنت انتظر رأيك واشوه عجبوك الصور وترى من كل صورة تقدرين تأخذين فكرة ويالله جاية الويك اند شدي همتك وبسألج اش سويتي في جبس الحمام والغرفة ؟؟ وما طرشتي لي الرقم ؟؟ وردة .. >> قصدي ورقة وردية كل من اجنحه خخخخخخ الرضا والشرق ممكن تشرحين موقعهم بالضبط لاني ما قط مرة رحت لهم .. رأس الخيمة سمعت عن بورسلانه يقولون من افضل الانواع حتى انه ينافس الايطالي والاسباني وان شاء الله اروح اشوف محلهم .. واما سيراميك الحمام فهذا احنا الرخيص نتخوف مننننه على طول حتى لو هو زيين خخخ .. بس في فكرة قالوها البنات تقدرين تركبين مثلا السيراميك الساده بسعر اقل من محل عادي والتشكيلات والبوردرات من محل غالي عشان يصير في توازن في الميزانية .. ومن وين سويتي جبس بيتكم ؟ انا سمعت عن الرياض جاليري ورغدان والبدو اشرايك فيهم رحتي لهم ؟ الاجنحه المتكسرة .. اسئلة كثيرة .. ان شاء الله ما انسى شئ بس انتي ذكريني اذا نسيت ... وش اسمه المحل اللي في سترة وفي وين موقعه على الشارع ؟؟ >>اللي يتعطينه الرسمة ويسويها . الخدامه .. انا مو حاطه امل عليه اصلا لاني عارفه ان دوامه ما يشجع وما يجي الا تعبااان وعاذرته .. بس انا خايفة اذا بغينا نسكن تكون امكانياتنا ما تسمح للخدامه وخصوصا انها تستهلك وااايد .. لذلك يمكن اصبر روحي لكم شهر لما اقوم على رجلي ومثل ما قلتي الطفل الواحد غير عن ال2 وعن ال3 .. والله يخليهم ويحفظهم لك .. بالنسبة لولدي انا كنت اوديه عند امي وبعدين وديته الفصل اللي طاف روضة بس حسيت ان سنه صغييير وما يقدر يتحمل خصوصا انه يبي ينام الصبح لذلك يمكن السنة الجاية اخليه عند امي .. اما عن شغل البيت .. في يومي وفي اسبوعي وفي شهري وفي سنوي .. والسنوي دااااائما يكون في اجازة الصيف اقلب الشقة فوق تحت .. والشهري نهاية كل شهر والاسبوعي نهاية كل اسبوع واليومي كل يوم .. وطبعا لما تقسمي شغلك وتخلي كل شئ مرتب وبدون فوضى بتلقين انج عارفة تدبرين امورك .. لان يوم سويت العملية كنت تعبانة وما اشوف شئ يوم اللي صحيت فيه لقيت الشقة مقلوبة فوق تحت ههههه اهم شئ النظام والترتيب وكل شئ ترجعينه مكانه في نفس الوقت .. واتسوينه في نفس الوقت عشان لا يتراكم .. واكثر شئ يلخبطني هو ابني الله يحفظه لازم اراكض وراه طول اليوم لذلك ابتديت اعلمه اشويه ايساعدني يشيل العابه يلمهم ما يكسر الاغراض والتحف ما يوسخ ويرمي الاوساخ الزيله يعني هو يعاند معظم الاحيان وبالصيحه والنجره وياه يفهم بس مستحملته هههه لما يبتدي يستوعب ويفهم اكثر .. انا مدرسة تربية فنية احلى ماااادة خخخخ .. بالنسبة للنوافذ انا لحد الان ما فكرت شنو بسوي فيهم لان ما ابي اكلف على الواجهة وااايد خلها بسيطة واتكلف داخل البيت احسن .. بس صديقتي سوت درايش بيتهم الاطارت اللي حولها خشب المنيوم روووعه طالع واحنا واجهتنا تراثية بس عصرية ما ابغيها تراثية معقدة فوانيس وفنرات وتعتيق احسهم تو مش وراحت موضتهم وخصوصا ان كل بيت في كل فريج اللحين مسوين هالحركات ..يعني العين ملت من هالحركات .. الدرج .. هذا اللي محيرني بعد لكن خليتها مو مفتوووح كااامل على الصالة لا شقولج خليته نص معزووول وتحت الدرج سويت غرفة الغسيل .. وناس وااايد من اللي سوو الدرج ملفوف او دائري تعبو جداااا منه لان حطي في بالك كم مرة بتركبين وبتنزلين ؟؟ وعن جد انا جربته حتى النفس ينقطع منه خخخ لذلك انا يمكن اسوي فيه التفافة صغيرة من البداية فقط والباقي مستقيم .. ويكون على الجنبين في درابزين بس جهة الجدار صغير الدرابزين مو للأخر بس من البداية >>> ان شاء الله فهمتي علي ..احس شرحي مو واااضح .. الف على المحلات روحي بروحك طالعي ودققي وابحثي وبعدين خل ابو الشباب يروح وياج اتراوينه بس الاشياء اللي عجبتك ... لان احسهم الرجال ما يصبرون وااايد مثلنا احنا لو يخلونا نبيت في المحل ما عندنا مانع ههههههه لكن هم من السيارة لا تمهلين ولا تطولين وبسرعه طالعي وبسرعه اختاري >> الاسطوانة المعهودة .. لذلك صرت اروح المحلات القريبة منا بروحي عشان بس اطالع واذا رحنا مع ابو الشباب قلت له اشرايك في هذا وهذا .. بالنسبة للقرض . والله انك صادقه الله يأخذهم ان شاء الله من بنوك الحراميه >> شايفة الويل منهم .. وخصوصا تسهيلات البحرين . حرامية درجه اولى .. بس شنسوي مجبورين والله .. صندوق التقاعد شنو شروطهم ؟؟ ووين موقعهم او تلفوهم اذا عندك ؟ وهل اي وااحد يعطونه قرض ؟؟ احنا اثنينا نشتغل في وزارة حكومية بس انا توني متوظفة من سنتين .. لان سمعت اذا متوظفة جديدة اقل من 5 سننوات ما يعطون صح لو لا ؟؟ انتي في وين تشتغلين ( مو لازم اسم المكان ) وشنو تخصصك ..؟ ياااه هذرت وااايد خخخخخ الله يعينك على الاجوبة والاسئلة هههههه بس على فكرة يوم تكتبي الاسئلة لا كنت انظف ولا كنت نااايمة خساارة لو ادري انك قاعده كنت قعدت اسولف ويااك جان خلصنا حبر وورق الديوانية هههههه كنت رايحة المستشفى للفحص الدوري لولدي .. بوسي لي البنوتات القمرات..

قهورة .. يالله كنت انتظر رأيك واشوه عجبوك الصور وترى من كل صورة تقدرين تأخذين فكرة ويالله جاية...