نبضه صادقه ..
احس الجبس اللي حطيتيه سهل وناعم ويقدرون يسوونه العمال .. بس اول شوفي شغلهم ..

ام العصافير ..
تدرين اشلون اتأكدت يوم قرأت وصفك عن بيتكم قريب لنا .. واااايد وخصوصا انك مسويه في الصالة كلها نوافذ غرفة الشمس .. احنا بعد صالتنا اللي تطل على الحديقة فيها نوافذ كبيرة وممتدة للأرض ..
بس تدرين ليش بعد ابي بس طابق واحد .. لانه بيطلع لنا ارخص من طابقين ونفس المساحات ؟..وانا اهم شئ عندي اني أثث البيت على الاقل السنة الاولى لان ما يحلى البيت الا بالاثاث ..؟؟ يعني نااااس كثير ادخل بيوتهم جديدة وحلوة وكل شئ مرتب لكنها خااااليه ؟؟ ما فيها قطعه سجاد ؟؟ ويصبرون سنواااات بعدها يأثثون البيت يكون عتق وراحت موضته خخخخ ...!!

ان شاء الله تطلع بيوتنا حلوة ومرتبة وذوقها يطلع نااااعم .. اهم شئ .. ما احب الشئ الدفش .. تدرون امس دخلت بيت وحده صاحبتنا مسويه بيتها دهان تعتيق من الممر للسقف للصالات حتى واجهة البيت ؟؟ بس غرف النوم مسويتها ساده بس السقف غيوووووم ؟؟؟ دفش صح ؟؟

قمرا ..
ترى تنزيل الصور سهل بس يبغيلك تعرفين الخطوات وخلي احد يساعدك مثل زوجك او محل ..
اول شئ بقولك عن تلفوني لاني ما اعرف شنو نوعية تلفونك ..
اخذت السي دي تبعه اللي يجي وياه .. وخليت اخو زوجي ينزل البرنامج على الكمبيوتر .. بعدين تجيك وصلة تتركب بالتلفون من جهة ومن جهة ثانية تتركب بالكمبيوتر من ورا .. لما تركبينها يتعرف برنامج التلفون على التلفون ويطلع لك صورة تلفون .. بعدها تفتحين البرنامج وتنزلين الصور او الفيديو او الاصوات اللي بالتلفون على الكمبيوتر وتحفظينهم في فايل عندك بالكمبيوتر وخلي منه نسخة على الديسك توب .. اسهل تلقينه .. وسوي للصورة كوبي وبعدها بيست داخل الفايل .. بعدين عندك الصورة اللي تبينها عرفي وين سيفتيها بعدها دخلي موقع تحميل الصور .. واذا ما تعرفين مواقع بس كتبي داخل قوقل او الياهو وبيطلع لك مواقع عدة ساعات بعض المواقع تحدد لك سعة معينة للتحميل بس انتي بعد جربي اكثر من موقع ..
لما تدخلين الموقع بتلقين كلمة بروس بالإنجليزي ضغطي عليها وفتحي الصورة اللي تبينها بعدها بتنزل لك اسمها كااامل على المستطيل اللي في الموقع .. ضغطي على تحميل وبتتحمل لك .. بيطلع لك رابط .. للصورة هذا عنوانها عالنت سوي له كوبي.. بعدها في الرد الوضع المتقدم عندك صورة جبل او شجرة ضغطي عليه بيطلع لك مستطيل مسحي اللي فيه وسوي بيست لعنوان الصورة .. وضغطي اوكي .. وجربي شوفي تحملت لك الصورة او لا .. وخبرينا .. ااااااه تعبت من الشرح ههههه ان شاء الله يكون مفهوم .. خخخخخخ واي سؤال حاضرين لك .. بس تراه وااايد مفيد هالتلفون اللي فيه وصلة .. كل صور ولدي وفيديوه والاصوات انزلها عالكمبيوتر .. عجيب انصحك تتعلمي لانك بتستفيدي كثيييير ..

الاخت اللي مركبه رخام الروزا ..
تقصدين اللون الخربزي مثل هذا ؟؟؟



التليسه ..

انا بعد عندي نافذة واحدة فقط عند مدخل البيت الداخلي .. فكرت اول اخليها زجاج شفاف مع حديد مشغول بتشكيلة ناعمة وحلوة .. بس بعدين فكرت في الشمس وخصوصا ان عندي نافذتين متوسطين وممتدين للأرض ونافذة كبيرة بعد ممتدة للأرض ..
عشان جذي خايفة من الحرارة ..,, وشكلي بسويها زجاج معشق .. لانها صغيرة
بس انا اشوف انها بتطلع حلوة لو كانت شفافة وتبين للي قاعد داخل البيت برا البيت وخصوصا اذا كانت الحديقة .. هل بنيتي بيتك لو بعدك ؟؟ اذا انبنى .. خليها لاخر شئ اذا ركبتي النوافذ لاحظي الحرارة والضوء .. وهل بيتأثرون لو عادي ,.,,و انا اشوف الزجاج المعشق حلو يكون شئ بسيط وما نكثر منه ..

ما ادري اشفيني >> ما أخذه منشط .. وصادني حماس خخخخ .. اخترت لكم بعض الصور اللي عجبتني وانا اتصفح النت .. ان شاء الله يعجبكم اختاراتي ..


هاذي عجبني تصميم الحمام واستغلال المساحه للحمامات الضيقة بس ما ادري اشلون تطلع على الطبيعه ؟؟


هذا عجبني الرفوف اللي في الجدار اشلون يسوونها بالجبس ؟؟


هذا الشور اللي سألت مرة عنه واقول لكم هل يجيب غنقه لو عادي لأن ودي اسويه في حمام العيال ..


محجوز لمطبخي .. خخخخ


ام عموري تقصدين السيراميك الحجر جذي صح ؟؟


شوفو طريقة الخزانة اللي بالجدار ووواااااوو عجيبة .. حلو شكلها حتى لو بتسوين المطبخ خشب .. ممكن على زاوية تعمليها وتخلي فيها كتب الطبخ والاواني الاكسسوارت .. رووووعه صراحه


هذا في وحده سألت عن الرفوف الخشبية للمطبخ هاذي الطريقة حلوة وعملية بس تقدين بعد تفصلين ابواب اذا تحبين عشان تخفين الاغراض ..

هاذي بعد فكرة حلوة للمطبخ ..



هل البروفايل اللي تقصدونه هذا المخطط الصبغ اللي بالجدار ؟؟

حلوة طريقة الفجوات الجدارية واللي فيها رفوف زجاج وخصوصا انها متلبسه بالسيراميك الحجر .. الل يتقصده ام عموري صح ..؟


قمرا جذي طريقة جبسكم في الوسط نازل ..؟

اللهم بارك لنا في جمعتنا
وأجعلنا لأحبتنا ذاكرين
وفي علم الغيب عندك داعين
وعن أخطاء الغير مسامحين
وبحسن الأعمال مخلصين
وإلى وجهك الكريم العظيم ناظرين ,,,
اللهم آميييييييييييييييييين

صور حلوة غلا ماقلتي ايه رايك في الجبس شكله ماعجبك ما علقتي عليه :)
شوفي غلا اللي اقصد شفته السيراميك اللي شكله حجروهذا اللي اشتريته بالزبط زي اللي في داخل الفجوات في الصورة الرابعة

الصور رائعة جدا وخاصة 2و3 اللي في هذه الصفحة أحب هذا الستايل والألوان ايش رايكم في الباب عجبني

صغر الفرح : انتظرك وسلامة ولدك الف سلامة يارب