omamoory :

السلام عليكم ورحمة الله وبركاته اهلا اخواتي قمرا الله يبارك فيك وبالنسبة للنقل انا رأي زي الأخوات خليه بعد رمضان والعيد احسن لك اولا تتفرغي لرمضان لأنه البيت الجديد اول الأيام حوسة بصراحة والعيد طبعا زيارات كثيرة يعني تبغي تأثثي بسرعة وكل يوم تحسي ناقصك شيء ضروري ورايحة وجاية للسوق فأفضل بعد رمضان وكل تأخيرة فيها خيرة والله ينزلكم بخير وصحة وعافية وتعمرونه بذكر الله رتووش : الله يبارك فيك يارب بالنسبة للشغل مقسمته بيني وبين البنات بس سبحان الله مافي وقت نلحق نظف الجدران ونمسح الأبواب والنوافذ وانا عيالي صغار دائما يوسخون واحس هذه الأشياء لما تكون وسخة يجيني اكتئاب نفسي وفاء : ذكرتني والله لما كنا نعمل زيكم ونشيل قهوتنا والشاي في السطوح الحين ونحن السطح والحوش عندنا ما نطلع له ولا نشوفه بس العيال الحمد لله تنفسوا وصاورا يلعبون فيه بالنسبة للبلاط انصحك لا تأخذين غالي ابدا لأنه عن جد مكلف وخاصة انه مساحة بيتكم ماشاء الله كبيرة انا بيتي ربع مساحة بيتكم وما تجاوزت سعر 45 ريال اغلى سعر والرخام بس للدرج والمدخل كان 85 ريال المتر وكنا عاملين ميزانية انها ما تعدي 30 الف وصلت للخمسين الف فأي تكلفة تحسبيها لازم تزيد وكلام سارة صح ترى التشطيبات التالية كثيرة فلا تتكلفوا كثير في البلاط و اشوف ترتيب البلاط هو اللي يبين جماله وردة جدة : زي ما قالت ليك وفاء بالنسبة للحلوق حق الأبواب الخشب تكون قبل التلليس ( وهذا الجواب لسحر ايضا ) شكرا سارة افدتيني بطريقة دهان الجبس ام شادن وشذى فعلا المعيشة غليت وامس رحت جيان عشان مقاضي رمضان فعلا الأسعار كلها أغلى من أول ويارب يعين على هذا الغلاء يعني الناس اللي ماعندهم تموت ولا ايش الحكاية ولا الملابس حكاية ثانية مع ها الغلاء اليجنت ستايل فعلا التلبيط دوخة ولازم تكونوا متتابعينهم بدقة وارسمي لهم الشكل بالطباشير على الجدار واكتبي لون البلاط اللي ينحط هنا وارسمي الحزام لهم على الجدار لانهم للأسف العمالة اللي عندنا اخر شيء تعرفه الدقة والجمال كل همها تخلص وتأخذ فلوسها شكرا للجميع

السلام عليكم ورحمة الله وبركاته اهلا اخواتي قمرا الله يبارك فيك وبالنسبة للنقل انا رأي زي...