غلاالروح :

كيفكم يا حلوات .؟ رتووش وينك اليوم تعودت اشوف لك مشاركات يوميا لا تقطعين ؟ استرخاء عن جد بغت تفرفر الدمعه من عيني والله ان هالتعب كله يهون بس تكون النفسية مرتاحه ؟؟ ما ادري شفيني على طول متضايقة ومزاجي مقلوب وما لي نفس ؟ يمكن لما اشوف الشغل اللي علي متراكم يضيق صدري اكثر واكثر ؟؟ اهلي قريبين مني 5 دقايق واوصل لهم بس انا اذا طلعت وغيرت جو تغيرت اشويه نفسيتي واذا دخلت شقتي حسيت بضيقة في صدري وتوتر وقلق ؟؟ ما ادري ليش ؟ >>> يمكن تلقين لي صرفه ودبره ؟ والتشطيبات الجبس والبلاط وتصميمات الحمامات والفجوات الجدارية كلها لابد اسويها واختارها قبل الولادة وانا حامل وفي الشهور الاخيرة لان نستلم البيت شهر 5 عظم كامل وعلى ما اظن مع تركيب البلاط . يعني بختار البلاط وانا حامل في الشهر الاخير عشان على الاقل وانا في النفاس يتركب بإذن الله وتصميمات وعلى الاقل اكون مخططه للجبس من اللحين وش التصميم اللي بسويه لان يبغاله ذهن صافي خبرج وحده قايمة من ولاده ما عندها وقت تفكر وتنقي على راحتها تصير الدقيقة محسوبة .. بس بعدين النونو الصغنن وين اوديه ووين اخليه وانا ولدي ابو 3 سنين ما اخذه وياي مكان ؟ كلها اسئلة مخليتني محتارة والله يفرجها ويسهلها حزتها .. نشمية يا هلا ويا مسهلا فيج نورتين النت كله .. يالله جذي طلو احبابنا طلو .. الله يبارك فيك والف مبرووووووووووووووووك على المولود يتربى في عزكم ان شاء الله والحمد لله على سلامتك ؟ الا شخبار الولادة ؟ ما خف المها خخخخخ .. سرسر الاسماء حلوة وعرضتها على الكل وكل واحد قام يعلق من صوب انا عاجبني اسم مها بس قالو لي مها لو غزال خخخ ...الحوسة بتبدأ من الشهور الاخيرة والله يعين .. لكن انا ما علي الزم ما علي راحتي وصحتي اقتل نفسي يعني خخخ .. كانت معي يا هلا ويا مسهلا فيج اختي نورتينا .. طلة رتووش علينا قدمها زين جابت البعيد والقريب ..

كيفكم يا حلوات .؟ رتووش وينك اليوم تعودت اشوف لك مشاركات يوميا لا تقطعين ؟ استرخاء عن...

استرخاء :

[QUOTE]؟؟ ليش تفر الدمعه من عينك ؟ النفسيه ترجع لاضطرابات هرمونيه مالنا اي يد عليها وعاده تزيد في الطفل الثاني اكثر من الاول بشهاده كل من اعرف طيب خل نحلها شوي شوي لاني مثلك اتضايق لما احس اني مزنوقه وجدول اعمالي متلخبط تقولين تحسين الشغل متراكم طيب اي شغل بالضبط اذا شغل البيت يعني الاعمال المنزليه فما عليك الا الاستعانه بخادمة اهلك كم يوم في الاسبوع اذا وافقت نظير مبلغ مالي او انك تجيبين احد يرتب لك البيت بنظام الساعه وترا وضعك غير اول حمل ودوام وبيت وفيه طفل صغير لا تسغربين انك محتاجه احد يساعدك ترى شغل البيت لحاله يهد الحي ل فما بالك اذا اجتمع مع غيره ودام ان اهلك قريبين اغتنمي الفرصه ولا تضيعين اي فرصه للذهاب لهم تدرين انه صحي لك ولعيالك سواء الجنين او اخوه لانهم يستمدون صحتهم النفسيه والجسديه منك انتي [QUOTE] الحمد لله القرب نعمه وهذا بيساعدك كثيرباذن الله وان شاء الله بينحل الامر بشويه تنظيم ومنطقه للامور شوي شوي ياغلا شهر 5 يعني مايو ما اتوقع يمديه يخلص العظم في ذا المده القصيره لانك توك باديه على ما اذكر من شهرين او ثلاثه وتوقفوا في رمضان بعد يعني لا تحسبين مواعيد وجدول البنيان مثل جدول المدارس لا ما يمشي بهذه الدقه انا ما ودي احبطك لكن ودي تكونين في الصوره اضرب لك مثال شوفي نشميه من زمان باديه الله يذكرها بالخير وتوها تاصل لمرحله البلاط يعني ما بدت من اشهر بسيطه طيب واذا استلمتي العظم تحسبين كل شي بينكب عليك مره وحده اول شي الكهربائي بياخذ وقته في تمديد الكهرباء والتكسيرات ثم السباك في التمديدات ثم اللياسه والعزل ثم تحديد وتمديد اماكن التهويه للحمامات والمطابخ وهذي بيي لها اقل شي 3 اشهر-بعد استلام العظم- تكونين ولدتي وارتحتي بعد بعدها تطلعين تختارين البلاط والارضيات اجمالا ويبدوا لي انك محدده حاليا انك بتحطين غرف النوم باركيه وهذي ما تحتاج انك تطلعين وتختارين لانهم يبلطون الارضيه بالبلاط البلدي ويتركب الباركيه بعد ما تسكنين على النظيف تراه ما ياخذ الا ساعلت انا قد ركبته في غرفه واسياب ما استغرق الا 8 ساعلت ونظافه وهدوء والمجالس بورسلان يعني المساله ما فيها رخام ابد-ياشيخه الامر سهل- وهذا اريح شي لانه هو المتعب في السالفه لاعتبارات عده منه التجانس المتانه وما الى ذلك تدرين برسله واكمل لك الرد صرت اخاف :(

[QUOTE]؟؟ ليش تفر الدمعه من عينك ؟ النفسيه ترجع لاضطرابات هرمونيه مالنا اي يد عليها...

استرخاء :

غلا نجي للطلعات و اختيار بلاط الحمامات اذا حسيتي انك منتي قادره تطلعين مع الاطفال -لاحظي مع الاطفال لانك بتكونين ولدتي بالسلامه قبل ما يجي وقت البلاط باذن الله خليهم يبدون بجبس اسقف الغرف ويتركون جبس الحمامات الى ان تختارين بلاطها وتتبلط وبياخذون منك الجباسين وقت في اسقف الغرف تدرين احنا -طبعا محطمين الرقم القياسي في التاخير في كل شي اللهم لك الحمد- كم استغرق جبس الالاسقف مع انه شبه ساده ومودرن بسيط استغرق 3-4 اشهر لانهم مره يصبون القالب وعقب عده ايام ييركبونه وبعده يخرمون السبوت لايت كل غرفه تاخذلها اسبوع بالراحه هذا اذا التزموا بالموعد واخترتي عماله كويسه حنا غيرنا حقين الجبس مرتين ههههههه ورحمه انك تسوقين وما تحتاجين احد يوديك مري على اهلك واتركي الصغير عندهم والكبير خذيه معك والبحرين صغيره كله لفتين وانتي واصله المكان الي تبينه مهوب مشاوير مثلنا انا علشان اودي عيالي عند اهلي يبي لي وقت وعلشان اروح لمحل معين اقل سي ساعه للروحه وساعه للرجعه وترى الانسان ماله غنات عن اهله وهذا وقت الحاجه تذكرين-في بدايه الديوانيه- كنت اودي عيالي الله يهديهم عند اهلي واحيانا ننام عندهم علشان اطلع الصباح وهم نايمين وارجع وهم نايمين وما يتعبون اهلي ايييييييييييييهههه كافحنا كفاح الله ياجرنا عليه ههههههه

غلا نجي للطلعات و اختيار بلاط الحمامات اذا حسيتي انك منتي قادره تطلعين مع الاطفال -لاحظي مع...

استرخاء :

:icon28: :icon28: اهلا ومرحبا بنشميه بيننا تصدقين امس مره انبسطت لما شفت مشاركتك وكتبت لك رد وش طوله وان متشققه من الابتسام وطيره المنتدى !!!!!!!!!!!!1 عساك بخير والصغار طيبين؟ تصدقين ما للاربعاء طعم بدون حكمتك الرائعه فيه هههه بشريني عنك وتراني في الخدمه اذا تبين تسالين عن محلات معينه للبلط ول تضغطين نفسك ترى ان لنفسك عليك حق والحمد لله كله عايشين في الشقه وفي الفله ان شاء الله وش المانع انها تتاخرشوي لكل شيى ميقات معلوم يعني اذا انتي بذلتي الاسباب ضمن حدود طاقتك بدون ما ترهقين نفسك فالمكتوب ماعنه مهروب يعني اذا ربي مريد انها تتاخر بتتاخر واذا مريد لها السرعه بتخلص بسرعه

:icon28: :icon28: اهلا ومرحبا بنشميه بيننا تصدقين امس مره انبسطت لما شفت مشاركتك وكتبت...

استرخاء :

اهلين سر الام وش اخبارك عساك ماشيه مع الدهانات ودي ادلو بدلوي لكني قريته مرتين وماعرفت افهم حطي اسئله على قدنا ترى قدراتنا العقليه تشطبت مع التشطيب ههه توني اصل لمعمعه الدهانات الله يعين على اختيار الالوان والدرجات والشركه الي بتدهن جايبه لنا كتالوج الجزيره بس انا دامي بدهن سادات ابغى جوتن وتصدقين متخيله الدهنات ان موضوعه سهل اسهل من البلاط اتمنى انها كذ اههههه

اهلين سر الام وش اخبارك عساك ماشيه مع الدهانات ودي ادلو بدلوي لكني قريته مرتين وماعرفت...