غلا
كنت بردعليكي برد خاص لكن جتني ظروف وقفلت النت
اولا الغثيان اذا مافادت الحبوب فيه ابر مرةمفيده ومالها اي ضرر صديقتي تاخذ منها في كل حمل ويقولونانها تجي من مصر وبكذا هي غاليه اذاتبيناسمها اسال لك
وعموما اللي اعرفه انك تاكلين بسكويت ناشف على الريق اول ماتصحين الصبح(معلومه قديييمه من جداتنا خخخخ) بس صحيحه
اما الجدار فانا عندي نفس مشكلتك ومفكرة اني اسوي طرف الجدار شكل عمود بالجبس وله قاعدة والونه ترخيم واحط فجوات جداريه في الجدار من الداخل

الغريبه
حياكي الله بين اخواتك
والله ودي اساعدك بس انا خبرتي في الرخام لكن غرف الاطفال مولازم تتكلفين فيها لان اغلبها راح تحطين فوقها سجاد للامان صح وان شاء الله البنات يفيدونك
امووونه
الترويبه نفس لون السيراميك
والاستيل هو الافضل طبعا
رتووش
اخبارك:42:
سلامي للجميع فهدة وقهورة وقيرل عجمان ونشميه وام عموريوالباقيات
الا حالمه وحالي وام العصافير وسوسه جده وسحر ويييييييييين

سر الالم
مشكوره اختي على الرد بس سؤالي عن السع هل يعتبر غالي اوانه متوسط وكمان بالنسبه للرخام كيف اسعاره وهل استخدامه افضل من السيراميك في المجالس وماهي احسن درجات البيج او السكري معليش بأغثك بكثرة الاسئله لكني فعلا محتاره

ساره مشكورة عيوني حلو السيراميك يكون نص بس المشكلة انه في حزء بالجدار بين السيراميك والجدار بيكون بارز وبيجمع الغبار
يعني مشكلتنا من الاساس المفروض اان البلوك يكون مقاسين فإذا ركب السيراميك يضبط مع الجدار بس احنا اخذنا البيت شبه جاهز ولا وش رايكم ؟؟؟
الجبس الحمد لله ضبطوه في باقي الغرف بس انا قلت يمكن حركة الممر صعبه

نشمية الروح كيف ساده يعني ما نضع البلوك البارز فقط قوس والعمودين اللي بالجانبين
او اخليهم يحطو البلوك بدون ما احدده بالبوية ؟؟

قمرا أهلا وسهلا نورتي بيتك ومطرحك لا تقطعينا

كانت معي على كلامهم يقولو ان شاءالله مية ميه :) بس خبرك ما اقدر احكم الا لما اشوف الشغل بس وش الفايده :)

غلا الروح اهلين حلو الغياب عن الدوام يجنن :)

الغريبة اللون البيج ودرجاته احلى شيء ,والسعر على حسب الصناعه

السلام عليكم ورحمة الله وبركاته
ام عموري
الله يجزاك خير على شعورك الطيب والله يبارك فيك ولك يارب
بالنسبه للمطبخ ماتصدقين كنا دافعين عربون عند المنى بنصلح من عندهم مطبخ وبوفيه بـ36000 ريال بعد الخصم ومن بكره غيرنا راينا ورحنا لمحل مطابخ المنيوم وصلحنا من عندهم المطبخ والبوفيه بـ26000 ريال والحمدلله طلع تمام
امس اول مره اطبخ فيه ومن فتحنا الغاز الا البيت يتعبى غاز وولع زوجي الولاعه عند مصدر الريحه الا وذاك الانفجار وصوت صفارة الحريق فقعت قلب ولدي بس الحمدلله اني كنت اطبخ في المستودع مو في المطبخ ولا علوم وللاسف تكسرت قاعدة الدولاب لان الغاز كان محشور تحتها وبعدها كرهت الغاز المركزي عن جد خطر
وردة جده
الله يبارك فيك وعقبال ماتسكنون بيتكم على خير يارب
وانتبهوا من العمال اغلبهم حراميه ولا فيه احد يحفظ للمواطن حقه والله انه ينسرق وينوكل حقه وهو في ديرته ماقول الا حسبي الله ونعم الوكيل
كانت معي
الله يسلمك ماتقصرين ويارب نفرح بانتقالك للبيت الجديد ان شاء الله
انتي في اي مرحله ؟؟
سرالالم
تسلمين ياقمر وعقبالك ان شاء الله قولي لي وين وصلتوا ؟؟
والاشياء الي ندمت عليها دهان غرف الاولاد صح انها حلوه مره بس من ناحية النظافه مو عمليه وتزهق في التنظيف يعني بالنسبه للجزيره لا تصلحون من عندهم السادات جوتن افضل لكن الشانتكس والستوكو انا اؤئيده وبشده
تمنيت اني خليت المجلى ستيل لان الرخام الصناعي اثبت عدم قدرته على البقاء نظيفا امس لقيت كحتات سودا في المجلى وضاق صدري منها
تمنيت اني ماصلحت شتر لان ستارة البلاك آوت اظن اسمها كذا بصراحه تفي بالغرض وارخص من الشتر لان شباك اولادي خرب من قبل نسكن البيت الظاهر العمال خربوه حسبي الله عليهم وهو الحين خربان مايفتح والمسؤل مسافر مابعد جاء والغرفه صايره كتمه
يالله بتذكر لك وش الي ندمت عليه وبكتبه في وقت ثاني ان شاء الله
غلا الروح
ياعمري الله يبارك فيك ويارب يجي اليوم الي ابارك لك في السكن الجديد ان شاء الله
انا عموما راضيه عن بيتي بس الي مخلي نفسيتي للحين تعبانه هو ان فيه اشياء لسى ماخلصت مثل الكهرباء والمطبخ طلعت لنا مشكلة الغاز المركزي يعني فيها تكسير وحوسه
والبيت لما يكون فاضي تتعب نفسية الوحده منه خصوصا اولادي متعودين على الموكيت وماصدقوا شافوا رخام وسيراميك وجلسوا يتزحلقون طول يومهم وتعبت والله من التنظيف والمسح والصعود والنزول والله اني لما اصحى من النوم مقدر امشي على طول لان رجولي صارت تألمني من الوقفه والشغل وامس جتني حالة اكتئاب لدرجة اني كرهت بيتي لما فكرت اجيب خدامه خصوصا اني ماحسبت حسابها من اول وتناقشت مع زوجي وحملني مسؤلية استقدامها وبالاخير نقل كفالتها لان صارت لي مرتين اجيبها وبعدين ماتقعد غير شهر ثم انقل كفالتها تكفون الي عندها حل مريح تقوله تكفون خصوصا اني اكره الخدامات لانهم يشاركوني خصوصيتي في بيتي يالله حلو الواجب
الي عندهم سيراميك وش تلبسون انتم وعيالكم شباشب وايش نوعها ؟؟
ونفسي بمكنسه سحريه تكنس السجاد والسيراميك وتمسح وخفيفه ومريحه تكفون لي كم يوم على محطة الثريا اتفرج على المكانس وعجبتني المكنسه الي تتعبى مويه بس متردده
وايش رايكم بالممسحه الي معها عربه هل هي عمليه وتنظف زين؟؟
وياليت تفيدوني بادوات التنظيف المهمه والي ماتستغنون عنها
الغريبه 122
ياهلا وسهلا فيك
بالنسبه للارضيات انا اشوف الي اخترتيه مناسب والظاهر انه نفس الي حطيناه الي عندنا اسباني وايطالي ومطفي وللحين اشوفه زين ولا فيه عيب
والدور الارضي افضله رخام
والله يوفقك بالزين يارب ويعينكم على دوخة العمار وتخلصون على خير
بنت عجمان
ايش كان سؤالك الله يعطيك العافيه ؟؟
وياهلا فيك