gaamra :

السلام عليكم ورحمة الله وبركاته غلا الروح سوي مثل جارتي الملقوفه تفاجأت برسالتها في حوش بيتي هي دزتها من تحت الباب وكتبت رقمها وكلمتها على اساس انها بتجيني وبعدها قال لي زوجي صرفيها وامس صرفتها وحسيت ضميري يأنبني وشكلي برجع في رايي ياصغر الفرح البارح كنت حاطه راسي بنام وفجئه جيتي على بالي قلت بروح ادخل الديوانيه كود القاها نفسي اعرف اخبارك وللأسف المنتدى مافتح معي وضاق صدري ورجعت انام بشري عنك ان شاء الله كله تمام ؟؟ والف سلامه لعيالك مايشوفون شر ورود الدار امس عائلتين الي جونا وشكلي خلاص بستقبل الكل لان شكلنا ماراح نفرش إلا بعد سنه وصعبه مانستقبل احد لان زوجي متعود يعزم مستحيل يصبر وبالنسبه للبيالات عندي الدروج غاااصه من البيالات وشو له اشتري امس اخته تشاورنا تبي تجيب لنا مواعين حلفنا عليها ماتجيب مطبخنا مليان مواعين طلعت عيني وانا انظف فيها كرهتها ذا المواعين ماقلتي لي وش النزايل الي جتكم ؟؟ امس نسيبه وابوه عطوه فلوس ورفض وحلف ماياخذها يقول لو فيهم خير كان مدوها يوم اني محتاج واما الحين مابيها .. وش رايك ؟؟ سرالالم الله يقطع ابليس توني انتبه رحت الحين قريت الي مكتوب عليه لقيته اسباني صح كلامك .. عاد انا سائله زوجي وقال الماني ماعليه وش اخذتي ؟؟ بالنسبه لمجلس النساء اليوم الصبح بعد ماراح زوجي وولدي جلست اصور لك البويه وماش مابانت مدري العله في جوالي ولا الشمس ؟؟ ملكة الليل لا والله مانسيناك والله اني افكر فيك والله وكنت ناويه اليوم اسأل عنك والله بس الطيب عند ذكره والحمدلله رجعتك لنا بالسلامه استرخاء ماعندك خدامه مثل حلاتي؟ بالنسبه للبويه وش اخترتوا جوتن ولا الجزيره ؟ وعن الاختيارات احنا جبناهم وصلحوا لنا عينات واحنا اخترنا ثم بدوا يدهنون الله يسهل عليكم وتخلصون على خير

السلام عليكم ورحمة الله وبركاته غلا الروح سوي مثل جارتي الملقوفه تفاجأت برسالتها في حوش بيتي هي...

غلاالروح :

صغر الفرح ؟.. تدرين انا احس نفسي اللحين ضايعة ومتشتته ومو عارفه وش اسوي بأفكار وحركات لبيتي حتى ما لي مزاج اروح له على طول ؟ يا دوب كم مرة ازوره في الاسبوع ؟ مع اني تذكرون كلامي يوم قلت اني بواظب على زيارة بيتي يوميا عند بناءه اللحين بالعكس ما لي نفس اروحه كثير وهذا غير اني مو عارفه شلون ضيعت افكاري ؟؟ احس يمكن صادني شئ خصوصا اني لما اقعد اتكلم مع اي احد عن البيت اقولهم عن افكاري وحتى مرة وحده تقولي ايه مدرسة فن ومجمعه افكار لج ما بتدوخين وقت البنيان وبيتك بيطلع عجيب من زود الافكار اذا بغيت ابني بيتي بجي اسرق منك كم فكرة ؟؟ >> هذا اللي اتذكره من كلامها ؟ والله الناس ما ترحم ؟؟ عيونها صارت حاااااااااااااااااااارة تحرق ؟؟ واللحين دوريني مو لاقية شئ اسويه وعجزانه عن التفكير ؟ الله يستر شكلي فقدت الذاكره ؟ ام شادن وشذى .. الحمد لله على كل حال مو قادره اتأقلم لحد الان وخصوصا مع التقلبات المزاجية ؟ واما البيت فالحسبة ضايعه ما لي مزاجه ؟؟ وشكله الحمل خلاني عفت البيت كل ابووووه . يعتمد عليك اذا وحامك صعب نصيحه أجلي الحمل اشويه على الاقل لما قريب تكملو اتكوني ارتحتي اشويه واخترتي اغلب الاشياء ..

صغر الفرح ؟.. تدرين انا احس نفسي اللحين ضايعة ومتشتته ومو عارفه وش اسوي بأفكار وحركات لبيتي...

احساااس مخملي :

السلام عليكم انا اول مره اشارك معاكم وابغى أرائكم ومشورتكم لاني محتاره ببعض الافكار في بيتي _انا ودي اخلي الصاله والممرات لون عودي معتق والجبس نفسي اختار اللون البني المحروق اللي كأنه خشب بس متردده اقول يمكن العودي مع البني يجي مو حلو لانها كلها غامق (لو وحده عندها صوره تجمع بين هذي اللونين لاتبخل عليا فيها) وايش البويات الجديده انا سمعت بالكرستالي والشامواه ومعتق باللمعه بس ماعندي خبره لسه مانزلت السوق اشوف البويات عاد قولولي اقتراحاتكم وافكاركم في بيوتكم لاني توي باول الطريق انتظركم:):26:

السلام عليكم انا اول مره اشارك معاكم وابغى أرائكم ومشورتكم لاني محتاره ببعض الافكار في بيتي...

غلاالروح :

صباح الخير .. استرخاء بلغي سلامي لحلوه وطمنينا عنها ليش الانقطاع ؟؟ قمرا .. انا اشوف انك تدعينهم لبيتك اول ما تخلص اعمال العمال والتشطيب النهائية على الاقل تقدري تنظفي بدون لا احد يوسخ وراك .. وما عليه لو عزمتيهم على اثاثكم القديم .. وهم عارفين توه الناس على التأثيث وقط مرو بهالتجربة فما فيها حيا تعزميهم على صبحية تتعرفي عليهم .. احنا بنات جيرانا شكلهم ما يطلعون من بيتهم ولا عمري شفت سيارة عند بيتهم ولا شئ ؟؟ وما في الا بيتنا مبني والبيت اللي قبالنا وهم بس بعيدين شويه عنا يجي 3 بيوت بينا وبينهم ؟ كيف تتعرفو على جيرانكم ؟ تروحو لهم جذي خبط لزق احنا جيرانكم لو تنتظرون الصدف؟ لان ودي اتعرف على جيراني وتكون علاقتي بهم حلوة .. >>>>>>>>لاحقة حولكم وحواليكم .. حلوووووين الصور وناعمين وبسيطين جدا .. عليكم بالعافية وشكلك صغنونة ؟؟ وبتسكنين بيت اهلك ولا انا غلطانة ؟ لاني حسبتك تعمرين بيتك ؟؟ ان شاء الله . نشمية ورتووش .. شكرا لانكم عبرتوني بالمقاس اليوم اروح واشوف عرضه لان خاطري يكون عريض اشويه مع ان قياسه زين بس زوجي يقول بيكلف اكثر ..

صباح الخير .. استرخاء بلغي سلامي لحلوه وطمنينا عنها ليش الانقطاع ؟؟ قمرا .. انا اشوف...