شاعرة المليون

الله يرزق ولدك الوظيفة الزينة ويوصله اعلى المراتب يا رب

بس شوف يا ولد شاعرة المليون .. ما وصيك وانا خالتك !! اول راتب لامك , سمعت؟؟
عاد هي بكيفها تبي تجي توزعه هنا بالديوانية الامر راجع لها خخخخخخخخخ
العالم هنا طفرانة وبيرحبون بالفكرة:icon28:

اهلا ام عموووري وش اخبارك وعساه مسكن خير يارب
لا ياقلبي ماراح يوطي السقف لااني اساسا بركب هوايات الي بالسقف
فلازم سقف مستعار وبيكون نازل 80 سم على كلام زوجي ويقول فيه سخانات
طولها 60 سم يعني راح يجي تحت السقف المستعار بالراحه

العمه هيله مشكووره صور الاوفيس مرره روعه ماشاء الله

سر الالم
بالنسبه لي ان شاء الله بغير الغرفه لاني اساسا ماله منها من شفتها من زواجي
لها 5 سنين تقريبا وكارهتها ماعجبتني بس ماغيرتها ابي احط شي زين ان شالله
اهم شي اصلا حاطته فبالي هي وان شالله حاطه فبالي اللون البني المحروق احسه افخم شي واحلى شي لغرف النوم لانك دايما بتغيرين المفارش فمايتعبك مو كل شي مايناسبه
الحين غرفتي لونها بيج ومعذبتني مو اي مفرش يركب معها واذا حطيت مفرش لازم اغير السجاده لونها متعب وماله منه بس اصبر نفسي
وان شالله ناويه اشتري من العبد الواحد غرفه شفت عنددهم غررف مره اعجبتني وبعد شفت عند ستي بلازا غرف روعه بس مدري عن جودتها
طبعا اذا كانت الميزانيه تسمح وقتها واكيد الجوده اهم شي عندي ماراح احط اي كلام الغرفه مااقدر اغيرها كل مانكسر فيها شي وماراح احط ذاك المبلغ على غرفه اي كلام
ومفكره ان شالله بس باخذ شوفنيره والكوميدنه والسرير اما الدولاب يكفي الدواليب حقت غررفة الملابس وبفصل معها كومدينه ثانيه لمكياجي وعطوراتي وحوستي
حقت الغرفه بس بخليها منظر بحط عليها حاجات خفيفه

السلام عليكم ورحمة الله وبركاته
اولا ببدى بالرد على العمه هيله
ماشاء الله لا قوة إلا بالله الاوفيس عندك يهببببببببببل من جد والله كنت اشوف الي عندي قمه بس بصراحه غطيتي علي في الذوق ياام الذوق انتي ماشاء الله عليك الله يبارك لك فيه ويهنيك به يااااااااااارب
واحنا متشاركين في اللون والمسكات والزجاج وين صلحتيه ماشاء الله وكم كلف عليكم ؟؟
والطباخ سيراميك صح ؟ ياليت تعطيني نبذه عنه لاني حاطه طباخ كبير في المطبخ الرئيسي سيراميك ولا بعد شغلته لان الفيش مابعد ركبوه وخايفه منه
والكراسي انا نفسي بزيها للمطبخ الرئيسي من وين شريتيها ؟؟
وماشاء الله لا قوة الا بالله
امووونه
بالنسبه للقبه انا شفتها عند ناس بس تبين الصراحه مهيب حلوه مره وقديمه والراي الاول والاخير لك ونفسي اوريك قبتنا بس مابعد صلحت الوصله وان شاء الله قريب انزل لك صوره
ام عموري
ياحبي لك والله بالنسبه للشباشب صرت احط كريم لرجولي واللبس شراب وشبشب والله ارتحت بس يبي لي اروح للسوق واشتري شباشب ذوق عشان اشخص فيها عند بعلي
وموضوع الخدامه تاركته لحين مااحمل باذن الله تصدقين اني اشتريت المكنسه الي قلت لكم عنها وريحتني نوعا ما نظفت الشبابيك والسجاد والسيراميك وناويه اشتري الممسحه بس قالوا ماهي متوفره حاليا بيسوون طلب عليها عشان تجي مدري وش رايكم فيها هي اسمها سويب آند مب بـ184 ريال ومعها عرض ممسحه ثانيه وممسحتين صغار للمرايا والزجاج وفوطتين مسح وش رايكم ؟؟
رحت لساكو اليوم وشفت عندهم مكنسة السيراميك شيء بالبخار وشيء بدون وسعرها اقل من الي شريتها من الثريا وزعل علي زوجي وقال انتي ماتسمعين شوري لو ماخذين منهم كان ابرك .. وش رايكم بهالمكانس من جربتها ؟؟
ام عموري امس جارتنا الثانيه ارسلت لنا اكل ورساله فيها رقمها وكلمتها على طول لاني مرتاحه لها وفعلا طلعت بنت اجواد وبيننا معرفه بالصدفه صارت تعرف عائلتي وبكذا صرنا جيران ومعارف ولسى بعزمها تجيني وبعزم معها الجاره الي كلمتكم عنها
وبالنسبه لجيرانك متى مارتبتي بيتك وحسيتي انك مرتاحه نفسيا وجسديا كلميهم واعزميهم لانك ماتعرفين وش ظروفهم يوم ماجوك خلي النيه زينه
وعيالك مثل عيالي مقدر اسيطر عليهم عشان كذا اتوتر اذا بيجيني احد نفسي انهم يعطوني خبر قبلها بيوم او خمس ساعات مايصير يطبون فجئه واحيانا ارسل عيالي لاهلي عشان مايفشلوني عند الضيوف لانهم يعرفوني ماحب اصارخ عليهم قدام الضيوف فياخذون راحتهم في الحوسه
هذا غير انهم يطلعون كل الي عندهم اذا شافوا احد ويكسرون ويخربون ماكنه بيتهم
الله يعينني ويعينك ويصلح عيالنا ويهديهم وينزل عليهم السكينه يااااااااااارب
سرالالم
الدرايزين كيف طلع شكله مع اللكسان معقوله يضبط ؟؟
وشفتي الصوره الي ارسلتها لك اول وحده هي صورة غرفتنا تراها لونين بس الظاهر مو واضحه في الصوره
شفتي صورة غلا تقريبا نفس درجة اللون
وانا محتاره في غرفة النوم الجديده لاني ناويه اذا فيه فلوس في الطريق بشتري غرفة النوم ونفسي بغرفه لونها سكري على ذهبي مدري كيف اوصفها وتكون كبيره وفخمه فيه صوره مخزنتها نفسي اجيب مثلها بحطها بعد شوي وطبعا لازم يكون مع السرير كوميدينتين كبار شوي مع تسريحه وابيها مرتفعه شوي بمرايا كبيره وشوفونيره واريكه وكرسي وطاوله غير مقعد من غير ظهر تحت السرير وش رايكم ؟
والستائر بدخل اللون السكري والزهر والبيج مع الذهبي
بس زوجي يبي لون الغرفه بني محروق مدري احسه مزعج وكئيب
غلا الروح
وش تقصدين بخزانات المويه ؟؟
اذا قصدك الخزانات الي نعرفها هي مثل ماقالوا لك البنات هم اثنين ارضي وعلوي
واذا قصدك السخانات فاحنا خليناها غير مركزيه كل حمام تكرمين فيه سخانه
ام عبدالرحمن
الله يعطيك العافيه على مشاركتك الطيبه
طيب ممكن تشرحين لنا وين ينحط كل نوع من انواع ورق الجدران الي ذكرتيهم ؟؟
والله يجزاك خير
العنود
ياهلا وسهلا فيك شرفتينا
بنات الرياض مبروك عليكم الاجازه وقولوا لي وين بتروحون ؟؟؟؟؟؟؟؟؟؟؟
اليوم ضاق صدري كنت متعشمه بالسفر لان زوجي مواعدني يعوضني عن سفريته في الصيفيه وخلاني عند اهلي وللحين ماوفى بوعده لي يقول مشغول وفي اجازة الحج برضو بيجونا ضيوف من برات الرياض ولا فيه طلعات ولا شيء ماغير الا عزاااااااااااااااايم وبس
تكفون ادعوا لي من كل قلبكم اني اسافر واغير جو بعد هم العمار والنقل والعمال والتنظيف :angry:ووووووالخ:icon33: تكفون لا تنسوني من دعواتكم الطيبه الله يجزاكم خير ولكم بالمثل


ورود الدار
ماشاء الله قبتكم حلوه هي مبنيه ولا زجاج كلها ؟؟
وياليتك صورتي لنا الثرياء المتدليه من القبه عشان ناخذ افكار

شاعرة المليون
ماشاء الله عليك كلامك دائما جميل ومعبر وكله حكم الله يحفظك لعيالك ويخليهم لك يااااااااارب
فعلا هذا الي ينقصني انا لما ارتاح لاحد على طول اخش معهم وفي الاخير ماتدوم العلاقه
والحين ببدى تجربه جديده مع جاراتي والله يستر عساني اقدر اسيطر على نفسي واثقل عليهم
والله يعطيك العافيه على الصور عجبني الازرق رااااااااااائع
والله يرزق ولدك بالوظيفه الزينه الي ترضيه اللهم آآمين بس قولي له لا يتشرط يرضى بالموجود ولا يجلس لزقه فيك على النت يقرى سوالفنا عيييييييييب هههههههههههه ترى امزح لا تزعلين احيانا زوجي يقعد معي يقرى مشاركاتكم ويعلق عليها ههههههههه
طمنينا عن اختك وش صار عليها ؟
حروف قلبي
بالنسبه للجبس في دورات المياه احنا مصلحينه ومن احسن مايكون توكلوا على الله وصلحوه
الجنت ستيل
اذكر اني ارسلت لك رقمه ؟
هو بنجالي بس والله شغله مره اعجبني ولا يتأخر عن الموعد واذا تبين تشوفين عينه من شغله ارسلت لك ؟
والف سلامه لعيالك مايشوفون شر وانا سامعه عن هالفيروس من زمان بس تظنين انه مازال في الجو ؟؟
الراجيه عفوه
الله يجزاك خير على دعواتك الطيبه بصراحه انبسط لما اشوف وحده تدعي لنا على تعب بسيط وهذا الي مخلينا متعاونين ونحاول نفيد بقدر مانستطيع
الله لا يحرمنا من دعواتك الطيبه
ساااااااااااااااااااااااااااارااااااااااااااااااااااااااا
وينك يالغاليه ؟؟ مانستغنى عنك ؟؟
ياصغر الفرح وش اخبارك ؟؟
الجزيره البعيده وينك ؟؟؟؟؟؟؟؟؟؟؟؟؟
وباقي البنات وينهم ماشاء الله كثير ماينعدون ان شاء الله طيبين ؟؟
/////////////////////////////////////////////////////////////////////////////
بنات انا لي اسبوع واكثر وشعري يطيح بشكل فضيع ونفسي اقصه عشان يوقف التساقط ويقولون حرام تقصينه وش رايكم ؟؟
وهل عندكم علاج لشعري احس اني بصلع من كثر مايطيح شعري مدري وش فيه ؟؟

سرالالم
الحمدلله ان المجلس اعجبك لاني تعبت وانا اصور فيه ماتبان البويه وانا كنت زيك ابي شيء غريب بس استخرت في الاخير تخبرين الواحد لما يوصل للمراحل الاخيره من التشطيب خلاص يبي يحط اي شيء ويخلص وتذكرين يوم اقول لكم اني تعبت من الوان الدهان وهي الي اخرتنا
والنعومه انا مولوده كذا نااااااااااااااااااعمه ههههههههههههههه
ماقلتي لي متى بتسيرين علي ؟؟؟؟؟؟؟؟؟؟؟؟؟
والمسكات اكتبي عليهم من تحت ذكريات قمــــــــــــــــــرااااااااا
ايه اخاف لما تسكنين بيتكم تنسيني
شفتوا المحل الي في العليا الي مكتوب عليه قمرا بالخط الكبير تراه لي بس استحيت اقول لكم
وسالفة الاقتباسات جارنا الي ورانا بالضبط مقلدنا في اشياء كثيييييييييييره وعادي مازعلت بالعكس اقول اذا يبي زياده حلاله
تدرون وحده هنا قارئه للديوانيه جت بيتي واحنا لسى مادخلنا الكهرباء واليوم دقوا علينا يحسبونا لسى ماسكنا يبون يشوفون البيت بعد الكهرباء بس ياليتها قالت لي قبل كان والله ماقصر عليها والله لادخلها البيت تشوف براحتها وان شاء الله تشوف ردي
بس لا تنسانا بهديه عليها القيمه هههههههههههههههههههه
بنات انتبهوا بالنسبه للكرانيش انا في البدايه توهقت يوم صلحت البيت كله كرانيش اشكال واللوان قلت كيف ادهنها لاني شفت بيوت داهنينها بني محروق وطالع شكلها كئيب والله وممل
انتبهوا ترى الدهان هو الي يبرز جمالها اختاروا الوان هاديه ودخلوا لونين مع بعض بيطلع شكله جنان احسن من اللون الغامق بكثيييييييييير