ياعمري يارتوش وام عموري الله يوفقكم ويسعدكم دنيا واخره

ايش تسووا اختكم تدلع عليكم هههههههههههه ياأعز من الاخوات ولايهنون الباقين

والله مو حكاية زعل انتو مريتوا بهذي المرحله وانا على اعصابي كل يوم الا كل ساعه

زوجي يقولي ها اخترتي شي وانا خايفه احط شي اندم عليه وانتو عارفين لما نحط

شي بالبيت مو مقتنعين فيه وانا لما زوجي يكون معصب ماعرف اختار احس اختياري

مو اللي مقتنعه فيه وانا كل يوم اقوله خلاص اليوم اختار واقولك

ام عموري حبيبتي وريني صورة الاطارات الساده اللي عند غرف اولادك الله يحفظهم

لو عالخاص اذا فيها احراج

سرسر وينك شوقتيني اشوف اللي قولتي عليه

سؤال ياام عموري والباقين كيف عملتوا الاضاءه نجف والا سبوت لايت

لاني ماقدر اسوي سبوت لايت الا بالمجالس والمدخل وصاله عندي بعد المدخل

اما الباقي ماقدر لانه موسقف نازل ايش عملتوا؟

ان شاء الله وردة ارسل احاول اصور الأطار السادة وارسلها

بالنسبة للأضاءة رسلت ليكي بالتفصيل وعجزانة اكتب مرة ثانية بس عموما الأماكن اللي ما فيها سبوتات عملت نجف فيها بس طبعا نجفات مش ابو كريستالات

تسلمين ياقلبي والله ماتقصري الله لايحرمنا منك

وفعلا ابو كريستالات مااحبها اولا لانها كانت ببيتي القديم قبل هذا اللي ساكنه فيه الان

وثانيا متعبه بالتنظيف

انتي من فين اشتريتي النجف ؟ ورتوش شاركينا بالاجابه واي وحده من جده

السلالالالام عليكم ورحمة الله وبركاته

امس شريت ورق جدران "وول بيبر" واخترت نوعين .. نوع مخطط وراح اخليه ورا السرير لأن السرير بيكون شوي مودرن .. وبعد باحط وول بيبر على الجهتين >> صوب الدريشه والجهه المجابله لها .. اخترت وول بيبر شوي كلاسيكي او الي يسمونه الملكي اللي فيه نقشات ..اللون الي اخذته وردي فاااتح بيبي بينك .. عندي طوفه وحده الي باحط فيها التلفزيون باخليها صبغ عادي وللحين افكر باللون لأن وايد الوان تناسب اللون الي اخترته

صورت الوول البيبر الي اخترته وبانزل لكم الصور ان شاء الله لما يعتدل اللابتوب ..

ورودالدار مشكوره حبيبتي على الصور واغلب الظن راح اخذ برايكم واعمل شباك سحاب عادي ... عجبتني الصوره الي حطيتيها للغرفه باللون الخزبري مادري شتسمونه خخخخ

احنا نسميه بطيخي .. احس انه حلو ودافي خاصه مع الاضاءه السبوت لايت الاصفر ومع الارضيه الخشب

شاعره وساره مشكورين حبيباتي :)

غلوووي الله يذكرج بالشهاده .. ذكريتيني بالفجوات الداخليه في الحمام افكر اسوي فوق البانيو بس مادري اذا بيصير حلو او لا ؟؟؟ باصور الحمام من الداخل وباحدد الاماكن الي افكر احط فيها الفجوات عشان اخذ رايكم فيها ..

عجبتني الصوره الي حطتها اعتقد ورودالدار عن الفجوات وفيها 3 فجوات بالطول يم المغسله احس حلوه الحركه حق الاكسسوارات شموع وغيرها

حلوه شقة العروس من وصفج لها حسيتها ناعمه ورومانسيه ... الا شنو تقصدين بالسبوت لايت الي فوقه زجاج .. تقصدين الي فيه كرستال يتعلق ؟؟؟

انزين ما سألتيهم من وين شروه ؟؟

اي وعن الدريشه انا سويتها بهالطريقه على اساس ان اخليها مثل الجلسه وكنت باخليهم يسوونها لي مثل الكرسي بالطابوق واحط عليه كفر وكوشن .. بس امي نصحتني اخليه بهالطريقه واحط الكرسي الكلاسيكي الي بدون ظهر عشان اقدر في المستقبل اغير الديكور براحتي .. ومع الوول بيبر الكلاسيكي في هالمنطقه احس بتطلع حلوه :)