صباح الخييييييييير جميعا

ام حنونه وطيبه...... يمكن يكون معك حق في زعلك لو كان التجاهل متعمد ..
بس والله محد تجاهلك متعمد ....ومعظم الردود تطير من راسي وقت ما اكتب ردي واحاول اجمع واتذكر ولكن لابد اني انسى الكثيير ومعظمهم قريبات لقلبي...واعتقد ان الكل مو بس انا
و جميعنا يعلم القصد من كلامك عن نفسك ومدحك لذوقك ....المزاح مو اكثر و محد فهمك غلط....وكلنا نمزح

وربي اني حبيتك من يوم ما دخلتي الديوانيه لفت نظري اسلوبك وطيبتك وبساطتك ..وزعلني كلامك كثير
وردنا على اقتراحك فعلا كلامك مضبوط الديوانيه صايره ثقيله من كثرة الصفحات بس نحس انها دارنا ومرتبطين فيها كثير ..عشرة عمر



ام حنونه ..خلاص طاح الحطب:42:

ترحيب قوي :26::icon28:

للاخت ام قودي ..هلا بك ياقلبي من ممشاكي
لملفاكي...
وبالنسبه لااسيلتك؟؟انتظري اراءالبنات لاني ماراح افيدك
بشي

الاخت
( ام حنونه وطيوبه)

ليش الزعل ياقلبي..ترى الدنيا ماتسوى
وبعدين اقتراحك حلو مافيه شي,,,
بس ياليته كان موجه للاخت قمرا صاحبة
الموضوع لانها هي بالحالها..الي لهاالحق
بالقبول ..اوالرفض
عشان كذا...ماحد تعدا على خصوصياتها
وبعدين من فين جاكي احساس انا
حاسين انك ثقيلة دم ..ومتكبره؟؟
الله يهديك بس..
وياله ,,عاد ارجعي لنا وتعلمي كيف
تحطين الصور...نبي نشوف ابداعك
ودمتي لنا اخت ..عزيزه وغاليه

( الاخت الحلوه حلوه بدون مكياج)

سلامة عيالك يارب مايشوفون شر
وعذرك معك ياقلبي..
وترى في داخلي نفس الشعور
من محبه ومعزه

( الاخت استرخاء)
شكرا على اطراءك الحلو..
وجزاك الله الف خير
وان شاء الله اكون عند حسن ظن الجميع

حلوة بدون مكياج ..سلامه ولدك ربي يعافيه ويسلمه من كل شر........الفيروسات منتشرة بشكل مو طبيعي......جارتي اليوم دقت علي الفجر طلبتني ليمون عشان بنتها مريضه تطليع وسخونه وووو
مدري يمكن هذا الفيروس اللي قالت عليه ستايل اليجنت
الله يشفيهم يارب ..طمنينا عن صحته

ام قودي ياهلا فيكي اختي وبطلتك المرحه.....الله يعينك على صفحات الديوانيه لازم كلها تقرأيها
وانا متأكدة انك راح تدمنيها زي ما ادمناها.....عاد انا وقتي كله هنا ما ادخل غير الديوانيه وما اشوف غيرها ...وكل الموجودين هنا اخوات وغاليات وصاير بيننا ود وعشرة عمر وذكريات حلوة

ايش اخبار البورسلان ههههههههههههه ضحكت من قلبي والله
خليكي معانا وحتصيري موسوعه في المصطلحات المعماريه وتتخرجي بشهادة امتياز بس شدي حيلك واجتهدي
بالنسبه لسؤالك ماقلتي كم مساحة مطبخك ..سؤالك مو اضح ..ايش اللي تبغيه بالضبط مافهمت؟
ماعندك ديرتي كتشن ؟؟؟ اجل فين حتطبخي ؟؟؟؟معنى هذا ان مطبخك مفتوح على الصاله ..صح؟

استرخاء ..شاعرة ..سر الالم...حلوة بدون ...قمراا...كانت معي الهواشه:42: ...ام حنونه وطيبه الزعلانه:(....وكل من علق على لون البويه مشكووورات على ذوقكم وتعليقكم واللي عطاني الثقه اكثر

ودمتم بحب <<< حلوة الكلمه صح

الرد الجاي برساله ثانيه عشان ما تملوا من طولها <<< شكلها ناويه تقرقر كثير:42:

صباح الخير >>>>>> وحده ما راحت الدوام ... وقاعده عالنت يا زعم تعبانه ؟؟
لا والله عن جد الالام البطن ناغزتني وخايفة يكون فيني شئ بروح عقب اشويه العيادة والله يستر ان شاء الله كل شئ اوكي ..

ملكة الحسن ..
اهلا وسهلا فيكي اختي نورتي الديوانية يسعدنا وجود خبيرة مثلك معنا .. وعلى ما اذكر من مشاركاتك كنتي تخططي لبيت صح لو انا غلطانه ؟؟ فخلصتي من بنيانه ولا بعدك ؟

شاعرة ..
وااايد حلو البلاط يصلح للمغاسل اللي تجي بره الحمام توكلي على الله واختاريها .. برأيي تقسيم الحمام ما ادري بصراحه ما ركزت عدل بس يمكن اختار 1 .. ما احب التواليت يجي في الوجه اول ما تفتحين الحمام .. احسن شئ مكانه عند الباب ..

اليجنت ..
رأيي من رأي ملكة الحسن لو صبغتي الجدار نفس لون الستارة راح تضيع فيه فإختاري لون فاتح عشانها غامقة واذا حابه تصبغي الجدار المواجه لها اصبغيه بس حاسبي بعد للأثاث عشان ما يضيع مع درجة لون الجدار .. واللون هذا انا بعد خاطري اسويه اللون التركواز صارت موضته منتشرة في الاثاث ولون جديد .. خصوصا انه اكتسح عالم الازياء السنوات اللي راحت .. فأنا اشوف تختاري هاللون وتتوكلي على الله لانه عن جد رااااقي ونعووووومي ..

حلوة ..
سلامتهم العيال وام العيال الله يحفظهم وانا بعد ولدي مسخن وبلاعيمه ملتهبة وغير هذا قاص ظفر صبعه والبارحه لفوها له وكاسر خاطري بيطيح الظفر كله عن الصبع لما يطلع واحد جديد .. >>> شفتي مشاكل العيال اللي ما تخلص ..؟ الله يعينا ويهديهم ويخليهم لنا ..

قمرا ..
الله يكون في عونك ويلهمك الصبر الاهل عزوة للوحده ما تعرف قدرهم الا لما تفقدهم بس انتي لا تحطي الحزن في القلب وكل مرة تتكدرين عليهم حاولي كل ما حبيتي تذكرينهم بالخير تعملين اشياء تنفعهم في اخرتهم صدقيني راح تحسسك بالراحه والطمآنينة انك افدتيهم ولازلت بنت بارة بهم حتى في مماتهم ربي يرحمهم ويغفر لهم ويدخلهم جنات النعيم ..

ام حنونة ..
ما ردينا عليك لان هالسؤال انسأل من قبل وناقشناه وكل البنات اجمعو على انهم ما يتركو الديوانية لانها من اول جمعتنا وذكرياتنا كلها فيها .. لكن خلينا الجواب يكون من صاحبة الموضوع لان هالشئ راجع لها اذا حابه تفتح ديوانية جزء 2 انا لو وين تروحون معاكم .. ولا تزعلي منا ترانا والله كل وحده فينا معذورة بكل همومها ومشاغلها ..

يا صغر الفرح ..
ما شاء الله تبارك الرحمن واخيرا رجعت المياه لمجاريها الحمد لله انك قدرتي تقنعيه بس خبرينا شنو سويتي ؟ وحاولي تعجلي بالاختيارات اشويه ما تدققي على كل شئ

سرسر ..
اخذت لها طقم لتقديم الطعام معاهم قاعده شكله حلو وعجبني بغيت اشتري لي مثله للبيت الجديد بس ما اشتريت وراي اشياء اهم ... وصديقتي بعد ولدت اول امس ولازم اروح لها والله الهدايا مشكلة يبغا لها ميزانية بروحها ؟.. خصوصا للي يبنون احسها مشكلة ..
وسؤالك ما فهمته عدل ؟؟

الراجية عفوه ..
الفجوات قبل التلييس .. واذا كنتي تبغين فيها سبوت لايت تحددي مكانها مع العظم والبناء ..

>>>>>يمكن نسيت احد سوري بس مستعجله بروح الموعد .. يا ربي كل شئ تمام ..

السلام عليكم ورحمة الله


صباح السعاده >>>>>>>>>>>>> الله يجعلنا كلنا سعداء وأنا معكم لأن الأجواء مكهربه عندي هاليومين بس اني مطنشه عشان ما انقهر ( شكل فيوزي ضربت صرت ما أحس !!!!!!)


أم حنونه وطيبه

يااختي اذكري الله
مين أوحى لك هــالاحساس ؟؟
تراه كلها وسوسه وما لها سنع

بالعربي
كوني برضا

وترى فتح ديوانيه جديده سبق وطرحوه البعض لكن لم يلق ترحيب
لأن هالمعلومات والمجهود ........................والذكريااااااااااااااااات
سيكون مصيرها الأرشيف وماحد داري عنها !!


أم قودي
مرحبتين
والصراحه مافهمت سؤالك

ملكة الحسن
نورتينا
(والله يغفر لوالدك ويجعله بالفردوس الأعلى وجميع موتى المسلمين )


آنسه جروه
عذرا
؟؟؟؟؟؟؟؟؟؟؟؟؟؟؟؟؟؟؟؟؟



باقي البنات
شاعره \\\\\\\\\\\\ سر الألم
ان شاء الله برجع
بس الحين مضطره اضطرار
اني أطلع