السلام عليكم ورحمة الله وبركاته

كتبت رد يامطوله وبعدها طار فاعذروني اذا ضيعت ونسيت احد في الرد

رتوووش : اللون الكموني في السقف طالع روعة ما شاء الله هذا اللون اللي اسمه نيفادا ؟ تعرفي تمنيت استشيرك في ارقام البويات قبل ما اصبغ متعبني حاسة اللون الفاتح البيج يتوسخ بسرعة وعيالي ما يقصروا فما رأيك بالكموني على جدران الصالة والدرج ينفع ؟

ام احلى بدر : اللون جميل ما شاء الله وذوق بس ليه ما تحطيه في كل الغرفة لأنه فاتح مش غامق لأنه برأي الألوان القوية والداكنة تكون حركة جدار لون قوي والباقي فاتح انسب فيها ويظل رأي اقتراح

قهورة : روعة اختيارك لورق الجدران وبالتوفيق وفكرتك بصبغ جدار ايضا روعة


ملكة الحسن : مرحبا وسهلا بيننا نورتي واكيد حتفيدنا كثير بخبرتك ومعلوماتك

اليراع : البلك العازل استخدمنا الأحمراظن من الميمني او الخياط ماني فاكرة اللي داخله فلين وزوجي عشان يوفر اشترى البلك والفلين لوحده وجاب عامل وخلاه يحط في وسطها الفلين طلعت اوفرهههههههه البناء يعلم الواحد يوفر بالغصب هههه

شاعرة المليون : روعة صورة السيراميك الزجاجيوخاصة الأولى وبالطول برأي احلى لو لقيتي السيراميك دليني على مكانه لأنه افكر اعمله برضه زيك عند مغاسل الرجال

ارسل قبل ما يطير الرد

السلام عليكم ورحمة الله وبركاته

صباح الورد

ياصغر الفرح انتي شوفي البنات ايش كانوا كاتبين عن الادوات الصحيه والله يوفقك بالاختيار

الصح لاني انا للان ماوصلت للمرحله هذي

هلا قمرا منوره

شاعرة المليون بالنسبة لأفضل توزيع يمكن رقم واحد اشوفه انسب بس لو تتخلى الأخت عن فكرة المغسلة بزاوية لأنه صعبة في المرايا زي ما قالت رتوش وتخليه مستقيم على الجدار

كوكونت : مرحبا بعودتك وصورتك تدل على ذوقك ما شاء الله وفعلا استفدنا كثيرسابقا من تجربتك في الدهان لا تقطعينا

سرالم : اسفة حبيبتي نسيت سابقا سؤالك عن اطارات السبوت انا اشوف الفضي احلى من الذهبي وخاصة الفضي ويكون اطرافه من الداخل والخارج ذهبي خفيف وجدته بعد بحث واكيد بتلاقيه يطلع روعة وفيه الصالة اخذت اطار فضي مطفي لأنه ابغى اعمل الصالة مودرن فانت حسب نوعية الستايل اختاري الأطارات يعني غرف الأطفال تناسبه برأي الأطارات البيضاء ونصيحة ابتعدي عن الذهبي وحش بالمرة شفته في كذا فيلا ما عجبني ابدا
وبالنسبة لفولفيت في السقف ما اظن بيطلع حلو السقف سادة احلى لا تتسرعي وحلاة الفولفيت لو كان نص جدار شوفي عرضهم واللي عاجبك حاولي تقلديه لأنهم يستعينوا بمهندسين ذوي خبرة على فكرة كثير يشتكوا من الجزيرة انهم يعرضوا النموذج بشكل رائع في المعرض يعني تطبيق روعة بس عندهم بس في الواقع يجي مختلف كثير عن اللي عندهم فانتبهي انتي وخليهم يعملون ليك عينة

ام قودي : رأي مثل البنات لا تقسمي المطبخ بس عندي ليكي فكرة وتمنيت لو سويتها ايش رأيك لو مطبخك في خلف الفيلا انك تعملي في الأرتداد الخلفي الديرتي كتشن وتخلي كمان بالمرة باب يودي للحوش هذه الفكرة في بالي الحين وافكر اسويها لأنه مطبخي اصغر من مطبخك وكمان مشكلته قريب من مجلس النساء

هلا ام عموري شوفي انتي وشاعره انا كأني شفت السيراميك هذا عند الفواز

اذا ماني غلطانه انتو روحوا وشوفوا ان شاء الله يطلع هو

السلام عليكم ورحمة الله وبركاته


وصبحكم الله بالنور والسرور




حلوة بدون مكياج... كيف صحة ولدك اليوم....يارب يكون احسن:26:


غلااا سلاماااات عليكي وعلى ولدك ......كيف حالك اليوم ...وكيف اصبعه المسكين....الحمد لله على كل حال ما يرعبني في الاطفال غير حكايه خلع الاظفار اوسكه الباب على اياديهم الصغيره ... اترعب موووت من مجرد التفكير فيها ..بنتي وهي سنه رابع ابتدائي قفلت باب السيارة على اظفار ابهامها يوم كانت رايحه تتكرم في المدرسه على تفوقها وعلى ابداعها في الرسم تخيلي الفجيعه من صبح الله ..وجري على المستشفى وتكرمت واصبعها ملفوف بالشاش ...والله احسها عين لاني نسيت احصنها:(

الله يحفظه ويسلمه ..حاولي يوميا تحصنيه وتحصني نفسك بالمعوذات ولا تنسيها ابدا
حتى لو نسيتيها ممكن تستودعي الله فيه وانتي بعيده عنه وان شاء الله ربي يحرسه ويحميه من ادنى شر
...................................

قهورة ما شاء الله احب هذا الاستايل ونفسه اللي كان في بيتنا امي تحبه وتمووت عليه ..بس انا رأي من رأي ام حنونه وطيبه ........ احس انه ممكن يصير في شي غلط .... بس لو في خلفيه السرير او نص مشجر ونص سادة وبينهم جبس لان هذا ستايله..اشوفه دائما في البيوت الامريكيه نص الجدار مشجر ومن اسفل ملبسين الجدار بالخشب او الجبس كانه خشبه يطلع روعه
طبعا هذا مجرد رأي والاختيار يرجع لذوقك:)

....................

ام حنونه .... سالتي عن البلاط <<< مخها قفل وكله تبخر
لي اكثر من سنتين عن هذه المحلات بس في رأيي ابحثي عن الجودة لان البلاط من الاشياء الاساسيه في البناءاللي صعب تغييرها ولكن مو مستحيل طبعا.... يعني ممكن اغير حنفيه , مقبض باب ,كرسي حمام او مغسله بس بلاط او شبابيك اشوفه مره صعب فالافضل انك تشتريه على اساس الجودة والشكل
مري على الميرو ...بيت الاباء عندك البورسلان المطفي الايطالي والاسباني وراس الخيمه
البورسلان الصيني ما انصح به لان لو راحت لمعته مافي شي يرجعها
بورسلان الميرو(راس الخيمه) اللامع ممتااااااز من ناحيه الجودة وهم مسوينه على مدخل المحل من بره معرض للشمس والغبار والمشي الا انه محتفظ بلمعته بس بقولك شي اي شي لامع متعب جدااا لو نقطه مويه او شويه غبار يبان عليه
انا عندي الرخام مبهدلني بس بركه انه في قسم الضيوف
اخذت بلاط الهول والمعيشه بالدور العلوي من تراكو ونوعه تركي ....الى الان اشوفه زي ما هو.... وزاد منه قمت بلطت جلسه الحوش كمان ما تأثر بأي شي وسعره رخيص اعتقد 22 ريال المتر

....................................

قمراااا ....ههههههه وانا اقول مين هذه اللي قاعدة تنظف بس عسى شي عجبك بعد ما حوستي الدنيا هناك
المكنسه اللي عندي اعبيها مويه مره وحده وبعد ما انتهي كنس اغسلها ..بس لو المويه تعبت اوساخ كثييييييرة لازم تغيريها

صحيح كلامك انها شويه ممله بس مو مشكله بكرة تتعودي لانها صحيه اكثر ..بس كيف اداءها هل صحيح زي الاعلان.....والا غشاشين
انا وشاعرة حنلتقي الاسبوع الجاي في الركن البعيد الهادئ:42: ولازم تجيب معاها طقم ذهب وياريت يكون ابيض حق الشوفه هههههههههه
اما عن قفل الديوانيه وفتح جزء ثاني ..ترى والله انا من اكثر الناس المتضررين من هذه الديوانيه لان لسه ماركبنا الدي اس ال وعشان تنفتح تاخذلها 10 دقائق تخيلي ....بس ما اييد قفلها حرام تعبنا يتأرشف
وبعد 3 اشهر بيمددوا لنا تسليك الدي اس ال من الهيئه وان شا الله كل شي يتسهل

...............................

ام الشباب حياك الله وياهلا ومسهلا بمحبين البساطه
و يسعدني تواجدك معنا لنرفع معا راية لاااا للمخدرات<< ايش قاعدة تقول هذه!!

وماشاء الله عليك كويس انك مريتي على كل الصفحات في 3 اسابيع ... شكلك خسيتي من وزنك النص من كثر الهروله

.............................
ملكة الحسن ....كيف ملحقين على بعض؟؟؟ والله اني تعبت وخسيت من الركض وظهري يعورني وعيوني طلعت واصابيعي تعروجت بس ايش نسوي :icon33:؟؟؟؟ الحب بلاء والديوانيه عشق قاتل ...

.........................

صغر الفرح ...... ماشفتي الكراسي عند الميرو.....برضها اسعارها حلوة وعمليه.....عندي كرسي حمام الصاله سعره 800 ريال و جوده

اما اللازانيا ابشري من عيوني ان شاء الله اكتبها برد ثاني.
وننتظر الصور ياحلوة


سااارة فييينك .... لك فقده سارونه
اتوقع راحت تحج مع فارق التوقيت على قول استرخاء

ام قودي......بالنسبه للمطبخ زي ماقالوا البنات :)

اممممم ....ناسيه احد؟؟؟؟؟؟؟


بنات ما فكرتوا تعملوا في حوض المطبخ طحانه لطحن بقايا الطعام ؟؟ صراحة عمليه ولا استغنى عنها واقلها ما احس بالذنب لو زاد الاكل لانه ما يترمي بالقمامه
الطحانه تطحن بقايا الاكل وحتى عظام الدجاج وتروح للبحر تاكلها الاسماك
بس مدري في حال مدنكم هل البلديه مسلكين تصريف لمثل هذه الحاله ؟