السلام عليكم

تسلمون عالرد ورود وقمرا وام عموري الله يوفقكم ويسعدكم دنيا واخره

قمرا ينبع تبعد عن جده ساعتين ونص واذا جيتي جده خلينا نشوفك ان شاء الله بالعيد

اكون بجده مو بالمدينه لاننا متعودين نروح المدينه بعيد الاضحى بس يمكن هالسنه مانروح

بسبب العمار

المهم كلميني وجده تنور بوجودك ياعسل

القموره الاموره شوفي بالمهندس كذا موضوع تكلموا عن العقود سوي بحث وان شاء الله

يطلع لك مواضيع تستفيدي منها

مساء الخير ..

مشكورات يا بنات يا امورات يا حلوات بصراحه شجعتوني وكل ما بحثت ولقيت شئ حلو خلاااااااص على طووووووووول بسدحه عندكم .. ودعواتكم يا ربي لكم مثلها >> اقصد لما تحملون بعد تولودون بالسلامه .. خخ .. والله كأنكم تدرون عني كل احاتي واوسوس .. خابرين الشيطان يوسوس بي .. لو يصير فيني شئ لو في البيبي ؟؟ لو اموت واروح عن ابني يا ربي خزاك الله يا ابليس .. ما يخلي احد في حاله هههههههه ..

قمرا ..
لالالالالالالالا خلاص زعلت منك يعني ذوقي عفش ودفش ؟؟؟ بالعكس اكثر الصور كانت سمبل وما فيها الا بلاط ابيض ساده وبوردر او شريط مزخرف نااااااااااااااااااااااااااعم مرررررررة على قولتكم خخخخخخخ .. تدرين يوم نلف وندور زوجي يدور الالوان وانا ادور السادات .. مع ان يعرضونها بشكل مغري وراقي يحببونك في شراءها بس انا اقول البساطة في الحمام احلى شئ لانه مكان للاسترخاء وغير هذا مساحته ما تساعد .. يالله ادري زلة لسان ما تقصدين ههههههه بس يالله صوري لنا حماماتك لاني بصور لكم الحمامات اللي بشتريها .. خخخخ ونشوفهم يتشابهون نفس الستايل لو لا ؟

رتووش ..
تسلمين يا قمر عيونك الاحلى .. ويالله مع الخيل يا شقرا طرشي لنا اللزانيا شكلها بتصير مثل الجدارهههه .. مع اني ما اطبخ زين مع هالتعب والارهاق ما لي مزاج حتى اسلق بيضة بس نخزنها لوقت العوزة ولو وياها بعد صورة وشرح يكون احسن >>>>> شكلها تبغي شوووووته بالجزمه على النفوخ .. طرار ويتشرط خخخخخ ..

الماسه ..
يعني ما ادري المساحه ما تساعد بس انتي خلي الخدمات في الطابق الثالث المخزن والشغالة غرفة الغسيل .. واستغلي المساحات قد ما تقدرين وقللي من الممرات والاماكن اللي مالهاش لزمة .. انا مساحه ارضنا 500 م وشوي ما ادري كم .. ومساحة البناء كاااامل 500 بعد .. طابقين مع الملاحق وربع الارض راح نسويها حديقة ومسبح .. ولكني بعد طمعانة في مساحه للصالات اكبر يعني مساحه معيشتنا 5 ونص * 5 ونص .. واحسها اشويه ومجلس للرجال ما سويت لي لان زوجي بيت اهله عندهم مجلس كبيييير لعزايم الرجال وما يستقبل في بيتنا الا الاقرباء والاصدقاء المقربين جدا وعددهم قليل .. يعني انتي سوي لكم صالة وحده ومجلس واحد للرجال ومجلس صغير للنساء وصالة معيشة فيها طاولة الطعام والتلفزيون .. ولو عندك عزومة نساء تقعدينهم في الصالة والمجلس تفتحينه على بعض .. يعني حاولي تكون وظائف الاماكن مزدوجه بحيث تستغليها احسن استغلال .. وغرفة نومي راضية والحمد لله عنها لاني سويت فيها جلسة ومكتب ودريسنق روووم وحمام يعني كانها جناح كامل على الاقل نتوسع فيها بدل ضيق الشقق .. وصدقيني احسن شئ القناعة يمكن يكون بيتك من اوسع واكبر البيوت لكن في نظرك ضيق وما فيه نفس .. لكن لما تقتنعي باللي موجود ومتاح لك راح تحسي بالراحه النفسية قبل كل شئ ..

بنات بسألكم ..
قط مرة سمعتو عن البلاط المصري ؟؟؟؟؟؟ سيراميك للحمامات بنقوش جميلة وزاهية تضاهي انواع السيراميك الاخرى ؟؟ بصراحه هو سعره مغري ورخيييص بالنسبة للبورسلان الايطالي بس ذاك لك والزمن وهذا خايفة منه بصراحه .. سعره 3دينار ونص الى 4 .. شفتو اللي عرضته قهورة من قبل اللي فيه وردة بنفسجيه مثله بس طريقة جديدة اللي جاي بوردرات طويلة وعريضة ..
اما البورسلان الايطالي لحقو علينا الظاهر انه انقرض من البحرين مو لاقيته ابببببببد .. مع اني لقيت المات المطفي وفي منه اشكال روووعه لكن اللماع ما حصلته ...
واما الماربل شفت اليوم العماني ؟؟ يا ربي خبصته خببببببببببصه الف عرق والف لون والف نقشة فيه ؟ معفوس فوق تحت بس سعره بعد احسه وااايد عليه ب 40 دينار ؟؟ يمكن من احسن نوعية ولا ؟

والسؤال الثاني ..
وش رايكم بالباركيه في غرف نوم الاطفال ؟؟ واي افضل هو لو السجاد ؟ لاني احس السيراميك ما يصلح ابببببببببدا لغرفهم ولا وش راي اللي سكنو وجربو .؟

قهورة ..
قبل لا انسى اليوم رحت الدرويش وشفت حمامك حلو عالطبيعة بس تدرين اذا ما دفعتي وخلصتي انتظري اشوي لاني شفت في الهشام للسيراميك اشكال حلوة وجديدة .. وحتى في نفس المحل الدرويش في اللي جايين بوردرات ضعيفة ومرة عريضة بعد حلوووين ؟ بس هشام للسيراميك حلووووين وااايد اكثر محل عجبتني حماماتهم لكن للاسف خالي مشتري من عندهم وما ابي تكون حمامات بيتي مثلهم يعني ما ابي يقولون قلدت علينا ؟ ابي شئ مميز عنهم .. لذلك روحي هشام للسيراميك جنب قصر رفيرا اللي هو قاعة افراح .. وبتشوفين جنبه الكوهجي ال جي وقولي لي رايك .. ورحت الكوهجي لارضيات الباركيه لان صاير مثل الشارع وعطوني عينات من الالواح وعجبووووووووني وااايد لكني محتارة في اللون ؟ انتي اي لون اخترتي .. صورتهم وبعرضهم لكم عطيني رايك .. اوكي ..

القمورة الامورة ..

اللي اذكره عن عقد المقاول انك لابد تحطي له كل المواصفات وكل الانواع وحتى اسماء الشركات اذا كنتي بتأخذيه مع المواد .. واهم شئ برايي انك تحطي له غرامة عن التأخير عن كل يوم .. مو كل شهر لا كل يوم .. احسن .. وحددو وياه كم شهر يخلصها لكم مو على كيفه متى ما فضى لكم جا يشتغل .. وغير هذا كتبو من ضمن الشروط ان اي خلل واي عيب يرتكبه في البناء يكون عليه تصليحه .. واي اصابة عمل للعمال تكون عليه مسؤوليتها .. والدفعات ااااااااااااااااااااااااااااااهم شئ في العقد رتبوها بطريقة معقولة ما تدفعون له مقدم كبير بحيث انه يماطل معكم من البداية .. ودائما الدفعات تدفع بعد كل مرحلة .. يعني يسوي شغله يحصل الدفعة وبكذا بيمشي وياكم مضبوط .. مع ان احنا نعطيه الدفعات قبل عشان يشتري فيها المواد بس اهم شئ ما تعطونه الدفعات الا بالتقسيط .. اممممممممم شكله تبخر العقد من مخي اذا تذكرت شئ برجع اكتبه لك .. لان ابو الشباب تكفل فيه وانا عطيته بس فكرة الغرامة اليومية خخخ داهية طلعت صح .. شسوي نأخذ خبرات من هنا وهناك بس انتي بحثي في المهندس افضل من هنا بتلقين بلاااااااااااااااااوي وخصوصا انك من السعودية سهل جدا تحصلي عقد يناسبك لاني انا من البحرين ما لقيت شئ يصلح لي لكن قعدت اقرأ فيهم اشوي اشوي وزوجي جاب من اصدقائه بعد كم عقد فادونا .. واهم شئ المقاول تسألون عنه وتتحرون عنه عدل وعن شخصيته وعن عمله وعن سمعته مع الناس والبيوت اللي سواها .. حتى لو كان غالي افضل من رخيص وما يخاف ربه ويوهقكم ..
بالتوفيق يالغالية وتحملي بروحك وبالنونو .. وبوسي لي اياه خخخخخخخ ..

السيراميك المصري ,,, معرفششششششششششش..

الباركيه مجربته لغرفة عيالي ماشاءالله رووووووووعةغرفتهم تبارك الله دافية ,,,,, وبشوف اذا اشتد البرد عشان أحكم صح ........



أعجبتني المغسلة والمراية أكثر طفوووووووووووووووولية مرررررررررررررررررة <<<<<< بس أحس حوضين تخب على المبزرة :22: