استرخاء :

السلام عليكم كيف حالكم اتمنى انكم جميعا بخير ما ادري احس من كم يوم اني ماخذه نزلت برد كل جسمي منهد:( وبالليل عندنا عزيمه:( والله ما احب العزايم لكن غصب وبالذات في البرد ويوم دوام لو خميس اشوى يعني مدارس والاطفال ينامون بدري لكن وش نسوي ان طاعك الزمان ولا طعه غلا الباركيه انا قد تكلمت عنه سابقا بيتي الحالي غرفتين فيه باركيه من باقر الماني 8 ملام يعني مواصفات عاليه له عندي 6 سنوات النتيجه هو ادفى من السيراميك مافيه مقارنه لكنه يحتاج عنايه اكثر يعني ما يتحمل مويه تنكب عليه وتتركينها او ما تدرين عنها الامتاخر او تمسحينه بفوط رطبه مره يعني اكبر اعدائه الرطوبه وانا ولدي الله يحفظه يحب اللعب بالماء لذلك احسه انتفخ في المكان الي يتبلل واجد يعني يعبي العابه ويكبب وكذا ولكن في موجه الشتاء القارص زي الي جاء الرياض العام يعني 9 تحت الصفر لا باركيه ولا غيره تدرين اني افرش بيتي كله في الشتاء بسجاد صوف من ساسه لراسه حتى الممرات علشان يدفى مع انه صغير واذا بنظف اطويهن وامسح واهوي الارضيه بالشبابيك وبعدين ارجع افرش ثانيه واختار يوم دافي مشمش لهذه العمليه تدرين الناس درجه تحملها للبرد تختلف حنا الربيع عندنا برد وما ترجع الارضيه باركيه الا بعد فبراير يكون الجو اتعدل شوي بس تراه مكلف يعني لاتحسبينه بالمتر تراها مهيب منطقيه ابد لانهم يحسبون لك اللوح حتى لو ما كمل متر يعني عطيهم المقاس وهو يعطيك تكلفه احسن والغلا في النعله حقته المتر منه الطولي يمكن ب30 ريال واحسبي كم متر طولي بتحتاجين الجزيره البعيده كلنا في الهوا سواء والله الحال واحد لكن هونيها وتهون ومهوب لازم رخام اذا الميزانيه منهده اجليه لوقت ميسره كثير اشياء اجلناها علشان الحياه تمشي بل تنازلنا عنها ايضا

السلام عليكم كيف حالكم اتمنى انكم جميعا بخير ما ادري احس من كم يوم اني ماخذه نزلت برد كل جسمي...

غلاالروح :

بنات بسألكم .. قط مرة سمعتو عن البلاط المصري ؟؟؟؟؟؟ سيراميك للحمامات بنقوش جميلة وزاهية تضاهي انواع السيراميك الاخرى ؟؟ بصراحه هو سعره مغري ورخيييص بالنسبة للبورسلان الايطالي بس ذاك لك والزمن وهذا خايفة منه بصراحه .. سعره 3دينار ونص الى 4 .. شفتو اللي عرضته قهورة من قبل اللي فيه وردة بنفسجيه مثله بس طريقة جديدة اللي جاي بوردرات طويلة وعريضة .. اما البورسلان الايطالي لحقو علينا الظاهر انه انقرض من البحرين مو لاقيته ابببببببد .. مع اني لقيت المات المطفي وفي منه اشكال روووعه لكن اللماع ما حصلته ... واما الماربل شفت اليوم العماني ؟؟ يا ربي خبصته خببببببببببصه الف عرق والف لون والف نقشة فيه ؟ معفوس فوق تحت بس سعره بعد احسه وااايد عليه ب 40 دينار ؟؟ يمكن من احسن نوعية ولا ؟ والسؤال الثاني .. وش رايكم بالباركيه في غرف نوم الاطفال ؟؟ واي افضل هو لو السجاد ؟ لاني احس السيراميك ما يصلح ابببببببببدا لغرفهم ولا وش راي اللي سكنو وجربو .؟ قهورة .. قبل لا انسى اليوم رحت الدرويش وشفت حمامك حلو عالطبيعة بس تدرين اذا ما دفعتي وخلصتي انتظري اشوي لاني شفت في الهشام للسيراميك اشكال حلوة وجديدة .. وحتى في نفس المحل الدرويش في اللي جايين بوردرات ضعيفة ومرة عريضة بعد حلوووين ؟ بس هشام للسيراميك حلووووين وااايد اكثر محل عجبتني حماماتهم لكن للاسف خالي مشتري من عندهم وما ابي تكون حمامات بيتي مثلهم يعني ما ابي يقولون قلدت علينا ؟ ابي شئ مميز عنهم .. لذلك روحي هشام للسيراميك جنب قصر رفيرا اللي هو قاعة افراح .. وبتشوفين جنبه الكوهجي ال جي وقولي لي رايك .. ورحت الكوهجي لارضيات الباركيه لان صاير مثل الشارع وعطوني عينات من الالواح وعجبووووووووني وااايد لكني محتارة في اللون ؟ انتي اي لون اخترتي .. صورتهم وبعرضهم لكم عطيني رايك .. اوكي ..

بنات بسألكم .. قط مرة سمعتو عن البلاط المصري ؟؟؟؟؟؟ سيراميك للحمامات بنقوش جميلة وزاهية تضاهي...

+2

gaamra :

السلام عليكم ورحمة الله وبركاته بنت قزاز بالنسبه للدهانات الحمدلله تمام بس تمنيت ان الالوان الساده مثل غرف نوم الاولاد والملحق الي فوق تمنيتها مو من الجزيره لانها تتوسخ بسرعه واذا مسحتها يطلع اللون برى ويبهت وكل الوان بيتي فواتح الا مدخل غرفتنا بنفسجي غامق وطالع مميز والشيء الي انا مبسوطه منه مره هو جدران الدرج الي انا كنت شايله همها تذكرون حتى فردت لها موضوع لحالها وكنت خايفه انها تتوسخ من ايدين الاطفال وكل شوي نظافه بس الحمدلله الستوكو حل المشكله سهل المسح مثل المرايا يزلق وحطيت لون سكري فاتح من كتالوج جوتن ام حنونه وطيبه مبروك عليك تنزيل الصور وماشاء الله ذوقك حلو وحركة البلاط الي يشبه ورق الحائط بالمره حلوه واما السيراميك الي خلفيه للمغاسل بصراحه هو حلووووو واعتقد لو تحطينه لاحد جدران الصالون او المدخل لانه حلو وحرام يندفن ورى المغسله والمرايا والمطبخ الوانك حلوه والدواليب مثل ماقالوا الاخوات الغامق يصلح للاوفيس والرئيسي يبي له الوان افتح شوي والله يوفقك بالزين غلا الروح بالنسبه للالوان مدري وش بتدهنين الجدران باي لون من هالالوان بس عموما انتي حددي الالوان الي تبينها كدهان ثم حددي لون الاثاث بعدين ام عزيز ياهلا وسهلا ومرحبتين والله يسهل علينا وعليكم ويتمم لنا امورنا على خير وبالنسبه لطلبك انا فاهمه عليك بس للاسف ماعندي صور ان شاء الله البنات مايقصرون الجنت الجدار الي عرضتيه بصراحه فخم ويبي له مكان واسع عشان ينشاف اموووونه خلي الاثاث لبعدين لين خلصتوا الدهانات بتلقين الي يناسب وبعدين الاثاث هالايام كل الالوان مجتمعه فيه يعني لاتخافين من هالناحيه رفيعة الشان والله اشوفها كثيره مره احنا المطبخ عند المنى كلفنا اربعين وقعدنا نكاسرهم لين وصلونا للثلاثين الف وفي الاخير عورتنا قلوبنا وسحبنا العربون منهم وفصلنا المنيوم ارخص بكثييير شويكار انا صلحت للمطبخ لون بني متوسط والاوفيس نفس لون الاوفيس للعمه هيله غلا الروح تذكرين يوم اقول لكم عن الرخام اول ماشترينها كنت طايره من الفرحه ويوم بلطوه اكتشفنا ان الالواح الاماميه للكرتون كانت صافيه والي بالنص فيها عروق كثيره بس قلنا للمبلطين يحطون الي شكله مو حلو في زوايا المجلس عشان بينحط فوقه الكنب ويختفي شكله والزين يكون بالوجه بس عموما هو عالطبيعه حلو وفخم ويواجه ام حنونه وطيبه شفتي الحزام حق المغسله انطمس عشان كذا لازم الوحده تنتبه اذا بتحط حزام تحسب حساب الرخام لون الدهان للبنات رايق بس يصلح جدار واحد عشان ماتظلم الغرفه وتصغر وسقف النساء صدقت ام عموري مو مره ياليت تعيدين النظر فيه والجبس حق المغاسل اظن ماله داعي اصلا ذيك المنطقه المفروض تكون بسيطه لان محد يركز عليها وبعدين لا تستهينون بالجبس تراه اكلنا اكل هذا غير دهنه دوخنا والدرابزين تمنيت اني صلحت كذا من تحت غطيت العتب من الجنب انظف واحلى وارتب يالله تفادوا اغلاطي بنات تدرون وش تمنيت ؟؟ تمنيت اني فرشت الدور العلوي كللللللللللللللللللللله لاني تعبت من التنظيف لازم اكنس ثم امسح وعيالي ماشاء الله عليهم في لحظه يوسخون وغرف النوم في الشتاء بارده وذا الايام محد سلم من المرض هذا وانا حاطه قطع سجاد صغير وموزعته في ارجاء الغرف بس مافي فايده الغرف بارده والي تقدر تحط باركيه احسن من السيراميك الظاهر اني بعد كم سنه بفرش الغرف بسبب البرد بس خلنا نحلل قيمته غالي حمطانه المكيفات صديق زوجي مركب فوجي ويمدحها بس تراه ماله الاكم شهر ساكن يعني لسى مابانت عيوبها واحنا ماركبنا الا ثلاثه بس والباقي بعدين لين ربي يفرجها وكنا نبي دايكن من كثر مامدحوه البنات هنا بس للاسف صار فوق الميزانيه وشرينا نوع اسمه ماندو رخيص شوي قلنا نتعبر فيه اذا صلح لنا كان بها واذا لا جبنا غيره والحمدلله للحين ماشي حاله والله يستر الودود الولود حياك الله ويارب تنفرج عليكم وتخلصون بيتكم على خير ام منذر ومحمد كثير خمسة شهور احنا يوم كملنا الشهر الثالث ودخلنا الرابع راح زوجي لهم وقعدوا يماطلون ودخل على المدير وقال له انكم مواعديني من اسبوع ولا جانا شيء تدرون صارت الدعوه فيها رشاوي وواسطات والمدير مايدري الا بعد مااستدعى موظفينه وخرشهم ومن بكره والكهرباء داخله استرخاء ماشاء الله عليك حكيمه فعلا انا بصراحه ندمت اني صلحت بوفيه فوق لانه صغير ولا كفى للثلاجه ولا بعض الدواليب وماراح تكتمل حلاوته الا بالكراسي ولا قدرت اصلحها عشان عيالي بينطون من فوقها وبيخلونها ملاهي واحتريهم يكبرون الله يصلحهم ويهديهم ويحفظهم لنا ياارب تصدقون حاطه الثلاجه في غرفة النوم واغلب المونه فيها ومشوره من الغرفه للبوفيه غير كذا تمنيت اني حطيت لي غرفة معيشه تحت قريبه من المطبخ لكن المساحه لاتكفي وتعبت من الطلعه والنزله يمكن مستقبلا انقل المطبخ فوق والله يجزاك خير على كل حال ام سارونه الاموره الله يجزاك خير صادقه والله الله يكفينا شر الشيطان الرجيم واعوانه من انس وجن اللهم نعوذ بكلماتك التامه من كل شيطان وهامه ومن كل عين لامه

السلام عليكم ورحمة الله وبركاته بنت قزاز بالنسبه للدهانات الحمدلله تمام بس تمنيت ان الالوان...

Elegant style :

أم عزيز هذا اللي تقصدينه؟؟؟

أم عزيز هذا اللي تقصدينه؟؟؟

شاعرةالمليون :

باقي البنات:27: لكم مني احلى سلام رتوووش ,نشميه ,سارا, حلوه,القموره ,,ورودElegant style,صغرالفرح,غلاالروح,وردة جده ام عزيز, بنت قزاز,:icon35:

باقي البنات:27: لكم مني احلى سلام رتوووش ,نشميه ,سارا, حلوه,القموره ,,ورودElegant...