سارونه
يعطيك العافية على الصور وماله يا اختي انقلي على راحتك اهم شيء نستفيد
نقل الموضوع في حد ذاته يبي له مجهود بعد
ربي يعطيك العافية

حمطانه :) اضحك الله سنك ابتسم اذا قريت اسمك :)
يا بنت الحلال خلي كل شيء بوقته حلو اهم شيء يخلصل البيت والتكييف لاحقين عليه
يعني جت على التكييف بس اللي حيرتفع سعره كل شيء بيرتفع اللهم ابعد عنا الغلا
الزامل مدري ما اثق فيه اما الاخر فلا اعلم ..
شاعره جزاك الله خير (( صدق انتي تقولين شعر ؟؟؟ ))
بالنسبة للدرج رغم ان الصورة الاولى ما طلعت كلها بس احسها الاجمل لانها تبرز العتبات بشكل احلى (( فما يطيح الواحد :) )) الصراحة كلهم حلوين بس اميل للاولى ..

قمرا الله يبارك لك ويبارك لجميع البنات (( أعيذكن بكلمات الله التامة من كل شيطان وهامة ومن كل عين لامة ))
بالنسبة للباركيه حسافة توك ساكنة وتركبين باركيه وبعدين بيئتنا عادي صيفها اطول من شتاءها
والباركية ما يتحمل الرطوبة والصغار لو تركبين الفينيل يمكن افضل اشوف اخوي ما ندم لحظة انه ركبه بالعكس مركبه لكل بيته حتى مجلس الرجال ومبسوط مرة فيه

باستشيركم في بلاط الحوش
زوجي اختار بلاط لونين يعني حبه هيك وحبه هيك ايش رايكم ؟؟ ولا حركة قديمة
الالوان ترابي غامق والثاني على احمر شوي .. احس ما اقتنعت فيه ....
حاولت احط الصور بس مدري ليه ذاكرة الجوال دخلتها الجهاز بس رافض يقرأ الصور ؟؟
بجرب بالوصلة ...

السلام عليكم

قمرا جربي اشتري السجاد الخاص بالسيراميك وان شاء الله ماراح ينشال من مكانه

انا مجربته روعه بس حاولي تحطي واحد من اطرافه تحت شي كرسي كنبه اي شي

شاعره انا اشوف الاولى احلى من ناحية الدرابزين والثانيه تعجبني حركة العتبات

من الجوانب بس مدري يعرفوا يعملوها والا لا

سرالالم
بالنسبه للقزاز الشفاف الافضل تخلينه لكسان يدخل اضاءه ولايكشف الي جوى انا سويت كذا
واللون الموف الفاتح غرفتي الاوله كانت كذا وتهبل اذا عاجيك اللون صلحيه
ام احلى بدر
وين هالمحل؟
ساره
مو معقول ان هالبيت في الخليج اول ماشفته احسب انه في الهند ويوم ادقق الا شكله في دول الخليج وش عجبهم بذا الالوان بصراحه خرب شكل الشارع الي هو فيه الله يعين الجيران
ومشكوره للمره المليون الله يعطيك العافيه
شاعره المليون
اووووووه انتي من حايل يابعد حيي
والله افتكرت من الحجاز طيب ليه ماعمرتوا بيتكم في حايل مو احسن ؟
صفاء القلب
انصحك بالبروفايل مقاوم للعوامل الجويه بس تنقوا اللون الزين والله يوفقكم ويسهل لنا ولكم
حمطانه
مثل ماقالت لك استرخاء اكتفوا بمكيفين او ثلاثه والباقي لاحقين عليه
احنا سوينا كذا شرينا ثلاثه لغرفة النوم والعيال وصالة المعيشه والحين برد مانحتاجها اذا جاء الصيف على خير ذيك الساعه ربي ان شاء الله فرجها ونشتري الباقي
شاعره المليون
الله يجزاك خير على التذكير

السلام عليكم ..

بس برد عليكم بسرعه قبل لا اقوم لاني تعباااااانه وااايد ومرضانه وباجر ان شاء الله اذا الله كاتب بنروح السعودية للتسوق .. بس خايفة اتعب اكثر ويزيد علي بلاعيمي .؟ الا الجو كيفه عندكم برد ولا عادي ؟ عشان اخذ احتياطي ....اقصد الخبر والدمام والظهران ..

بالنسبة للسيراميك المصري خلاص هووووونت عنه تمااااااااااااما وما عندي ثقة فيه بصراحه خخخ بعدين لقيت احلى منه صح اغلى بس ما عليه نشتري الغالي ويدوم ولا نبتلش بالرخيص ..
المهم بغيت اسألكم عن البورسلان اللمعة الصيني اكبر مقاس للصالات درجة اولى وفل بدي وقص ليزر ... وش رأيكم فيه ؟؟
وكيف اتأكد من المواصفات هاذي انها مضبوظة يعني مو اي كلام يقوله البائع اشلون اعرف انها فل بدي او درجة اولى ...؟ ولو عندكم اسماء لشركات بورسلان صيني زينة عطوني اسمائها .. ادور عليها .. لان سعره وااااايد زين ورخيص ب 6 دينار ونص وب 5 دينار ونص .. يعني زيدو عليها صفر وتصير بالريال .. اوكي سعرها .؟

ورقة وردية ..
جزاك الله خيرا والله افدتيني بأسماء المحلات .. واتصدقين على ايام ما كنتي انتي تشترين البلاط كنت انا الف على كم محل واسألهم عن البورسلان الايطالي وعادي موجود عندهم بس اللحين ما ادري ليش وين ما اروح يقولون ما في .. حاجي علي حاجي اي فرع ؟ سانوراما سمعت عنه من زميلتي بس الشرق ما ادله لو توصفينه لي بكون شاكرة لك .. ووالدولي هو اللي اخذتي منه ارضيات صالتكم .؟ لان مرة قلتي انه في شارع المعارض ومرة قلتي انه على شارع البديع في وين موقعه ؟

الجزيرة ..
انا اكثر شئ عجبني الكريم مارفيل .. البوتشينو .. وفي نوع تركي بيج فيه عروق مارونية نسيت اسمه كانه الروزاليتا ما اذكر عدل بس حلو بعد التركيب خصوصا اذا صافية عروقه .. اما باقي الانواع ما خشو راسي >>> اش عندي كأني بركب رخام .. خخخخ

قمرا ..
افا عليج والله امزح معاج ... ترانا خوات وكلنا يبدي رأيه .. ورأيك يهمني جدااااااااااااا ..

شويكار ..
لالالالالالالالالالالا نصيحه لا تجربي غير الاسباني والايطالي .. احسن شئ والله راح تلقين انواع واشكال بس انتي تعبي روحك اشويه .. بالنسبة لبلاط الحوش انا من ادخل محل اول شئ تطيح عليه عيوني الحمامات بعدين ارضيات الحوش .. ما ادري ليش احبها واحب الوانها لكني افضل اللي تكون الوانه فاتحه اشويه عشان يعطيك انشراح .. وما يصير الحوش كتمه .. وغير هذا الغامق تبين فيه الغبرة بسرعه .. والترابي والطوبي حلو بس يعتمد على لون صبغكم الخارجي هل يتناسب معه لو لا ؟ الافضل يكون في تناسب بين لون ارضية الحوش والصبغ الخارجي ..يالله انا قلت اهذر معك اشويه عن الكاشي لان شكلنا بس انا وانتي ندور في البلاط ؟ الا بيتكم لوين وصل ؟ خلصتوه عظم ولا بعد ..

يالله بنات استودعكم الله الذي لا يضيع ودائعه .. اشوف وشكم على خير >> يقال لها مسافرة هههههه ..