قمرااا يمكن تستغربي لو اقولك ان بيتنا كله سادة لانه في رأينا (( انا وزجي )) انه اجمل واروق من التعتيقات والمكسيكي ...

التعتيق اشوفه بالمجلات الديكور الاوروبيه غير عن هذا اللي نشوفه عندنا ..اللي عندنا اسمه تشويه

هناك عالم متخصصه وفاهمة صح ...تصدقي بعض صديقاتي اللي مسويين تعتيقات لما يجوني تعجبهم بويتي السادة وودهم لو يغيروا تعتيقاتهم بالسادة.....

يمكن لو طلع شكل جديد للدهان واقنعني حسويه .. حاليا مؤجلين فكرة الديكورات لحد ما ننفرش البيت
عشان يكون كل شي متناسق

قمرااا نسيت اقولك عن جهاز الانذار ...قرأت الموضوع اللي بالرابط

الشركة اللي فيها زوجي وزعت على كل الموظفين جهاز انذار مجانا

وهذا ينشبك بالتلفون وفي حال دخول اي شخص والبيت فاضي يدق على ارقام مخزنه فيه اذا مارد رقم يدق على الثاني

والجهاز يقول ((يوجد لص في بيت فلان )) بس كيف طريقته.. ما اعرف لان لسه ماركبناه

قبل سنه في اجازة الحج معظم البيوت اللي باللوب عندنا انسرقت.... البيت اللي عن يمينينا والبيت اللي عن يسارينا ولو كنا مسافرين كان ماقصروا...عندنا السرقات شغااااله لانها مدينه صناعيه وفي الاجازات الكل يسافر

بس عجبني هذا اللي بالرابط حسيت فيه مميزات اكثر

............................................................................

صغر الفرح يسعدني ان ذوقي يعجبك ومقارب لذوقك

البويه بالدور الارضي اوف وايت زي لون القشدة... لون يعجبني كثييييييييير ويريحني نفسيا

ونوعها بلاستيكيه نص لمعه بس ما تبين اللمعه ابدااا ...ومن شركة جوتن

بالبداية سامحوني على تقصيري معاكم ..
والله اني مكسوفة منكم كثييير..على قلة ردودي :42:
والمشكلة الأكبر اني رديت امس وكمان قبل امس على كم سؤال وارسلت المشاركة وما كان حجمها كبييير واليوم ما لقيتها!!!!:09:
لكن الله العالم بحالي وحأشرح لكم الظروف بعد شوية..
المهم اني حابه اشكركم من قلبي على ردودكم ونصائحكم واكثرها كانت مثل ملاحظاتي والأهم اني معطياه خلفية عن اشياء ما ودي فيها وهو مسويها مثل الشباك المربعات الصغيرة والمدخل جدا بسيط والفتحات المستطيلة اللي ما كان لها داعي..وفيه فتحة حمام بالجنب مرررره مكانها غلط بالواجهة..

وما تتخيلوا لما زوجي قرأ ردودكم كيف انبسط ان فيه ناس تنصح من قلبها وبوعي مو أي كلام...حتى الصورة اللي حطتها ام عموري مرررره عجبته ودعى للكل وبلغني اشكركم جزاكم الله خير والله يجعلها في ميزان حسناتكم..


قمرا
ياعمري صدقيني كتبت لك رد من اول يوم سألتي فيه عن بلاط ا لحوش و الشبابيك وثاني يوم كمان عدت الرد والحين ما لقيت في الموضوع اي شيء.. وكان ردي الأول على البلاط شكله حلو .. وذكرت ان أهلي مسويين فكرة الزجاج العاكس مثل السيارات بس اللون خفيف وما يكشف الغرفة إلا وقت الإضاءة القوية وقت المغرب.. وأكيد فكرة الشتر حتنفعكي بالمستقبل..


غلا الروح
مبروووووووووووووك والله فرحت لك وعقبالنا يااااااااااارب..
:26: :26:
انتم السابقون ونحن اللاحقون..هههههههه
بالنسبة للتدريب من رأيي تتحملي شهر ويعدي ولا الإعادة وشوفي اللي انسب لك..


رتوش
مبرووووك تنزيل الصور ..:26:
يالله الحين ننتظر ابداعاتك :22:
والله يجزاك خير على معلوماتك القيمة..


سر الألم
اللون كثيير غامق بالصوره وما ادري ايش لون ارضيتكم والبوية ..لأن ضروري يتناسب معاه ولا لاء..
وعجبني رأي اظن قمرا بخصوص الأبواب..


أنا مفتقدة ام العصافير عسى المانع خييير..


الحين ا قولكم الظروف القاهرة واللي صارت لي بعد ما نزلت صورة الواجهة سافرنا فجأة ولما رجعت زوجي شد في الكلام مع المهندس وأخذ قرار مفاجيء إما يبطل يبني ويبيع الأرض ويشتري جاهز... أو أني أكون الوحيدة المسؤولة عن قراري انا لوحدي في موضوع البناء من البداية للنهاية لأنه مو فاضي وماله خلق وكمان اكتشفت زي ما هو اكتشف ان ماله اي أفكار او توجهات وأكثر شيء طفش منه.... انه يقتنع بكلام المهندس على الرغم من ان كلامه ما يناسب ظروفنا ولا طلباتنا وبعدها يندم لما يراجع افكاره ويلاحظ التناقض ...
القرار مرررررررره صعب .. :( .. وأنا في حيرة الله عالم بحالي.. ومو قادرة اوقف تفكير ان هذا البيت نقدر احنا نفصلة بالطريقة المناسبة لنا ونكون عارفين كل عود انحط فيه..وأكيد حأرتاح لو لقيت جاهز مناسب بس ويييييييين؟؟؟

وطبعا يبغاني انا اختار المهندس والمكتب اللي نتعامل معاه بمعرفتي..
فياليت اللي تعاملت مع مهندس كويس وفاهم بالرياض تدلني عليه الله يجزاكم خير ويرزقكم كل ما تتمنون ..



الله يستر لي ساعة اكتب وما يطير الرد:eek:

يا صغر الفرح.. "الله يكبر الفرح إن شاء الله"
بصراحة الديزاين مررررررررره ناعم اللي عند الدرجة واحسه راقي بنفس اللون
اما الدرابزينات الزجاج شفتها في البيوت الجديدة من فترة وتختلف اشكالها ... هي بصراحة حلوه بس ما تعطي فخامة ..

النجمة الماسية ..
إذا تصميم مبدئي انصحك بملكة الحسن وهذا رابط موضوعها..
http://forum.hawaaworld.com/showthread.php?t=746448

والله يوفقك..