هلا والله بام سعود...منورة ياحبيبتي

قصدي اممممممممممم كيف اشرحها ؟؟؟ لحد يضحك على شرحي
طيب شفتي في افلام الكاوبوي وحتى الكرتون الكاوبوي مو يجي في البار(( والعياذ بالله)) فردتين من الخشب مركبه في فتحة الباب ومافي باب بس هذه الفردتين وتكون مثبته في وسط الفتحة يعني من فوق فراغ ومن تحت فراغ ولو اندفت ترجع من حالها وتتحرك في كل الاتجاهين
يارب تكوني فهمتي شرحي >>> ميح بالشرح

رتوووش

إلا واااااااااااضح شرحك ومشكووووووووورة فهمت عليك الحين ومشكوووووورة عزيزتي

الله يعطيكم الف عافيه ام عموري خلاص مادام عجبكم تم ولي عوده

السلام عليكم .. مسائكم معطر بالفل والياسمين وبرحة البخور والعود الزين .. شخباركم ؟..,,,

قمرا ..
استرخاء ..
ورود الدار..
يا صغر الفرح ..
القمورة امورة ..


الله يبارك لكم في عماركم ان شاء الله .. اللحين هالفترة برييييك وتجميع افكار والف وادور على المحلات عشان لما ابي اشتري اعرف المحلات السنعه اللي عندنا .. وما اضيع وقتي في اللف والدوران ..

بالنسبة للدورة ..
شكرا لكم يا بنات والله اني مستحيه من هذرتي الزايده وخصوصا انها صارت فيروس انتشر في الديوانية .. ههههه ما لكم الا تسدو حلجكم بغرا بصمغ .. أي شئ ههههه وترى رتووش قبل لا تسافر نقلت لي الفيروس واللحين انا بلشتكم فيه .. ههههههاااي ..

انا قررت اتم مع صديقتي في المستوى الثالث .. شسوي طبعي الوفا والاخلاص وما ودي اتركها بروحها .. وغير جذي ان المجموعه الرابعة مممملة حيل وما فيني اتحملها طول هالاشهر ..خصوصا ان الدورة تصير العصر ؟؟؟ ان تميت فيها بيطق فيني عرق .. وبتجيني حررررررررة من هالمدرس ما يوقف كلااااااااااااام غير اني ابي اخذ راحتي في الاب لان مدرسة .. اتسدح واتبطح على الطاولة .. وحتى كشتي لو طلع مني شعره لو شئ عاااادي يعني الاب كله بنات فهذا الشئ اللي مريحني اكثر .. !!


استرخاء ..
من ناحية يطول يطول .. يعني حنا اللحين صار لنا مدددددددة عشان المخطط والواجهة ؟؟ اشلون لو بنينا !! بس تدرين احس الواحد كل ما استعجل كثرت الاخطاء .. وكل ما طول مصخت يعني خير الامور اوسطها انا بالكثير سنتين ان شاء الله ونسكن البيت وان شاء الله بعد اقل .. يا رب ..

رتووش ..
من ناحية التهييص والفرفشة فهذا اللي ابيه .. لان الدورة بعد الدوام يعني ما يمديني حتى احط راسي واغفو .. خلاص برجع وياهم .. احسن لي مع رفيجتي .. مهندسنا عجيييييييب بس يقهرني .. ههههااي على قولة زوجي حتى المهندس تناشبينه وحاطه دوبج دوبه .. هههههه ايه ما قلت لج المكتب الهندسي اللي نروح له مسوي مثل حركة جداركم بس على خشب .. شفتي اشلون يسرق الافكار ..
مبرووووك على الصور.. ههههاااي يالله نبيكي تهرييييييينا صور ترى ذوقك رهيب في الصور هههه >> تحمسك .. شوفي بعطيك طريقة للرد افتحي الوورد وكتبي فيه كل اللي تبينه من رد بعدها سوي له كوبي وروحي للموقع ولصقيه لو طار عندك اياه في الوورد .. مو احسن هالطريقة .. ولا فوق هذا كل ما فتحتي صفحه رديتي على كل البنات ..وانا ودي اسوي البيت كله ساااده ما ابي لا مكسيكي ولا تعتيق ولا شئ .. الساده يفتح النفس اكثر بس في بعض الحركات اللي تصير في اللون نفسه مثل قماش الكتان يجيك الصبغ مثله .. اشرايك فيه ..وشكله ابو العيال عنده كل املعومات الخطيرة خخخخ يا نسايه ..

Awrad
ما عندي خبرة كفاية بس حبيت ارد عليج .. احس الفراغات يمكن تنفع لها الجبس المعجون وتنحط بينهم .. او مثل ما قلتي ترويبة بس تكون نفس اللون عشان ما تبان ؟؟ الأبواب .. انا عندي تشوفي بين المطفي والنص لمعه .. ما احب ابو لمعة كاملة .. واشلون سويتيهم ؟؟

قمرا ..
اذا هذا البلاط حق الحوش واااايد حلو وعجيب بيطلع .. يعني لا تنصدمين ولا شئ علبالنا تبينه داخلي ..اما الجبس انا قلت لج رايي من قبل ما احب يكون لا الجبس ولا البويه طفولية يعني رسومات عليها وحركات .. لان احب اني احتفظ بهالاشياء للإكسسوريز والاثاث .. النوافذ في نوعية حاطينها بيت ابوي .. وقت الصبح اللي داخل البيت ما يبان لبرا اببببدا يعني انتي تشوفين اللي برا بس هم ما يشوفونك .. وفي الليل العكس .. وطبعا في الليل تسكري الستارة ؟... عاد هالنوافذ ما ادري شسمها .. بس لونها مو شفاف .. اخضر على ازرق شئ جذي .. واذا على الاطارات انا ناويه مثل ام نوري اخلي في الجدار حفر وسبوت لايت داخل ولوحه يطلع ارقى وحركة اجدد ..وتقريبا مثل حركة الصور اللي خلتها قمورة الامورة .. بس مو للأرضية لا الحركة تكون لنص الجدار فقط لتعليق لوحه مثلا او ديكور معين .. بس اذا خاطرك فيها سويتها وتوكلي على الله .. خصوصا الصورة اللي خلتها رتووش حلوة وااايد وناااعمه .. بس لا تكثرين منها يكفي مثلا المجلس .. عشان ما تصير لك تو مش ؟.

سرالالم
بالنسبة للأبواب .. في حديد مشغول ينعمل لونه كأنه خشب وااايد حلو .. والصورة اللي خليتيها مثل ابواب شقتي تملل تبان فيها طبعة اليد والغبرة بسرعه نصيحه لا تسوين هذا اللون .. لانه طفشني .. في لون البني المحروق الخفيف مو وااايد هذا حلو لونه .. وفكرتك للأبواب حلوة واايد بس لو تكبرين باب المدخل لان اشوف حجمه صغير اشويه ..

يا صغر الفرح ..
ها اخذتي من البلاط اللي حطيتي صورته لو لا ؟؟ الصورة اللي خليتيها انا سيفتها عندي من زماااااان لانها عجبتني موووت بس اللحين ما ابي اسويها لان الدرج عندي معزول عن البيت لأنه دور واااحد احسها حلوة الحركة .. وحطي المشغول ارقى ..

القمورة امورة ..
الله يعينكم على هالمهندس اذا ما دفعتو له المقدم تحملوه ومالكم الا طولة البال بس اذا ما دفعتو له صدقيني ترى المخطط اهم شئ في البيت اذا كانت تشطيباته حلوة وغالية واذا كان اثاثه حلو وفخم ما يفيد اذا المخطط والواجهة مو حلوة وغير متقنه .. ومن رسمه حسيت انه من نوعية المهندسين اللي كوبي ولصق ؟؟؟ بس انتو بعد عليكم بطولة البال ترانا ما خلصنا من مخططنا الا عقب سنة كاملة .. تخيلي وبعد ما لفينا على اكثر من مهندس ؟؟ وانتو لا تستعجلون بقراركم في بيع الارض ترى تندمون وخصوصا ان البيوت الجاهزة عيوبها اكثر بوااااااااايد .. يعني تبنين البيت اللي يعجبك بعيوابه وحسناته احسن لك من الجاهز .. وتصدقي لو زوجي يصارخ عليه مهندسنا جان شاته ولا افتكر فيه .. هههههه هذا دليل ان زوجك صج مو عصبي بس هالمهندس بايعها ومخلص خخخخ الله ييسر امورك ان شاء الله ..

ام العصافير ..
وينك ؟؟ وحشتينا ؟؟!!

ام عموري ..
سوي مثلي فتحي الوورد وكتبي فيه الرد كله وبعدها الصقيه في المنتدى عشان لو ضاع منك في النت انتي تكوني محتفظه فيه في الوورد وخصوصا اذا كان الرد طويل تنقهرين ؟ ..