السلام عليكم ورحمة الله وبركاته

اهلا اخواتي

فرحت مرة برجعت قمرا اسفة ردودي كانت بعدك بس ما شفت ردك لأننا شكلنا ردينا في نفس الوقت منورة يالغالية

ماشاء الله رتوش وشاعرة اخيرا تم اللقاء الله يديم المحبة والصداقة ونفسي زيكم التقي بيكم كلكم بصراحة احس الديوانية جمعتنا كأخوات وصرنا نحب ندخل مش بس عشان نشارك بشيء بس عشان نطمن على بعض ونسولف الله لا يحرمنا من الأخوة والمحبة

سرالم وينك ليه قطعتينا قلبي حاس انك نقلتي وحتكوني انت الخريجة التالية بعد قمرا صح ؟

ام سعود : اهلا برجعتك ومبروك الوظيفة الجديدة و بداية التشطيب وربنا يتمم لكم على خير

ملكة الليل : مرحبا بطلتك بالنسبة لمكان الغسالة سلكوا لها زي ما قالوا الأخوات وبعدين شوفي المناسب بعدين بالنسبة لأسقف الشرائح المعدنية سألت عنها سابقا واهل زوجة اخوي عاملينها في فيلتهم في المطبخ والحمامات ويشتكون انهم لما نظفوا السقف لأنه تتجمع االدهون والأوساخ بدأت تصدي وتخرب وصارت مشوهة السقف

غلا الروح : فينك يالغالية وحشتينا

استرخاء : الف سلامة ليكي طهور ان شاء الله وانا كمان الكحة متعبتني والحين حاستها عاملة حساسية في الصدر للأسف مع النقل رميت البخاخات اللي استعملتها السنة اللي فاتت ولا اعرف اسمها

قهورة : الصور روعة تم تخزينها ممكن الموقع

نشمية وورود الدار وشويكار وكانت معي والجميع الف سلام

السلام عليكم ورحمة الله وبركاته

كيفكم جميعا ان شاء الله باحسن حال ياااارب

هلا قمرا برجعتك منوره ياقلبي

رتوش وشاعره ماشاء الله تجمعتوا الله يديم المحبه والصداقه بينكم ونتمنى احنا نكون زيكم

ونتقابل تصدقوا اتخيلت اللقاء بينكم عشره من ورا الشاشه وبعدها شفتوا بعض ماشاء الله

ام عموري واسترخاء واولادها سلامات عليكم اجر وعافيه واستعملوا العسل للكحه احسن

من البخاخات ياام عموري ولما تنظفوا في البيت انتبهوا من الغبار والله يشفيكم

سر الالم وينك ان شاء الله سكنتي وطمنينا عليك

غلا الروح وساره وينكم طمنونا عليكم

قهوره تسلمين عالصور روعه ماشاء الله

وسلامي للجميع

صباااااح الخيرات ..
شخباركم بنااات .. يا احلى بنااات ..

غبت كم يوم عنكم بسبب ظروووووف قااااااااهرة .. فيشة الكهرباء اللي موصولة بالكمبيوتر احترقت وبغا يحترق معها الكمبيوتر الله ستر تفحمت تفحم وكل هذا من الدفاية لانها تستهلك طاقة كهربائية كبيرة واحنا موصلينها بمحول مشترك مع الكمبيوتر .. لذلك نصيحه خلو لها فيشة بروحها فيها بدون اجهزة اخرى .. ويوم بغينا نشغل الكمبيوتر ما يشتغل سوو له فورمت ومسحو كل اللي في السي مثل ملفات عمل زوجي وملفات عملي وصور ومقاطع فيديو لابني من يوم كان صغير لما كبر وصور سفراتنا ومن بينها صور الديكور وصور افكار للبيت .. وقبلها بعد بكم يوم كنت مرتبتها ومفهرستنها في ملف واحد وللاسف ما سويت نسخه له >>> سويت مثل ام عموري :22:..لكل شئ سويت له فايل للحمامات للغرف لكل شئ في البيت ... واللحين كل شئ طااااااااااااااااااااااااااااااار واختفى .. :angry2:

ما عليش قلت قصة حياتي بس والله من الحرة اللي فيني شسوي بعمري بدون هالصور اللي اجمع فيها سنييييييييييييييييييييييييييين ؟؟؟؟ كانت مثل الهواية عندي واللحين مجهودي كله اختفى عشان جذي صار مالي نفس ولا مزاج اسيف اي صورة او اقعد عالنت جتني عقده اهي اهي .. :(

يالله الحمد لله على كل حال .. بلاء اخف من بلاء .. لان الكهربائي يقول لنا الله ستر عليكم ما احترقت عليكم الشقة ولا الكمبيوتر:09: .. اهي اهي اهي ..

ورود الدار وشاعرة وام عموري ووردة جدة :kiss::icon35:......................شكرا جزيلا على سؤالكم عني ..بس خبركم رجعو حجاجنا وانشغلنا معاهم عقبالنا السنة الجاية :icon28:

قهورة ..
الصور روووعه ياريت تعطينا الموقع واذا عندك زيادة فإنتي كريمة واحنا نستاهل :22:

قمرا ..
يا هلا ويا مرحبا .. اشتقنا لك .. وياريت لو عندك صورة للممسحه اللي تكلمتي عنها تفرجينا عليها عشان نعرفها ونشتري مثلها ..

رتووش وشاعرة ..
ما شاء الله .. الله يهنيكم بهذا اللقاء حسرتونا..صار خاطري اكون معاكم .. :(

استرخاء ..
سلامااااااااااااااااات ما تشوفين شر يالغالية .. والله السنة هاذي صاير البرد قااااااااارس احنا بدأ معنا برد الاسكيمو من العيد وبدأت معه الامراااااااااااض خصوصا الاطفال كله مرضانين .. الله يعطيك الصحة والعافية تدفي زين ولا تطلعين من البيت .. سوي بيات شتووووي :42:

ام سعود : اهلا برجعتك ومبروك الوظيفة الجديدة وعادي خذي راحتك بالحضور والغياب .. عندك عذرك :26:

بنات ابي اسألكم ..
سلكتو للانتر كول ؟؟ بين الطابق الاول والطابق الثاني ؟؟؟ اللي هو مثل التلفون اللي في غرفة الشغالة .. بس الفرق ان التلفون هذا ينحط في الصالة العلوية والصالة السفلية عشان اذا بغيتي احد من الطابق العلوي او العكس ما تظري تركبي او تنزلي :7_5_131: بس تدقي هالتلفون وهم يجاوبونك ؟؟ولا تبحي صوتك وانتي تصارخي . ..:eek:

وش رأيكم بهاذي الفكرة تصلح لو لا ..؟ :S_45:

قهوره

ألف ألف ألف شكر
بس شلون طلعتيها ؟؟؟؟>>>> وحده ما عندها سالفه ؟؟؟



ولكل البنات
سلامي

(( منشغله ودها تتعلم للصور >>> تبغى تمحو أميتها بالصور ))

وألف سلامه لك غلا
أهم شي أنتم
والباقي لاحقه عليه
الاسبوع اللي فات وحده من قرايبنا صار لها شبه ما صار لكم
وسترالله عليهم الحمدلله
ترى يا بنات الدفايه والمكوى ما يصير تكون بتوصيله لازم عــ القابس مباشره
لأنها تسحب طاقه كهربائيه هائله

ربي يحفظنا جميعا