سلامت ظهرك ريحي شوي كم يوم واذا استرديتي عافيتك باذن الله
استانفي المشوار مره اخرى ترى العمر يخلص والشغل ما يخلص

الله يجزاك خير والله انك راعيه فزعه وين المحل الي لقيتي عنده الحجري لاني مريت كل محلات الحجر وقالو باغلى من الي ذكرتيه الله يعافيك اسم ورقم المحل

لا يكون( الحجر الراقي) خخخخخخخخخ
لاني كنت عنده مره يقول متره ب70 ويوم رجعت قال ب120 ريال قلت شب فيه وتدفى به في ذا الشتى احسن لك ما بقى الا ذا الاسعار :angry2:

والله اني متلخبطه مره بخصوص حمامي
اولا الكهربائي مهيتنا له 4 شهور ما يرد وما يجي
وكنا متازمين هذا كهرب ما يصلح يكمله الا الي بداه
يعني محد يعرف الخرايط الداخليه ومن قبل رمضان ما شفناه متهاوش مع عماله ويقول خلو احد يكمل لكم فعلا لا مبالاه وعدم احستس بالمسؤليه الله يسهل امرنا وبكذا كل شي متعلق بالكهرباء متوقف

يعني من متى مخلصين الاشقف الجبس ما جاء ولا سحب اسلاك السبوت لايت ولا علمنا كم يحتاج ومقاسات السبوت لايت وكم الافياش يحس الواحد انه ضايع الله يعين
ويسهل امرنا وامركم

والادهى والامر ان المبلط بلط ارضيه الحمام الرئيسي
حق غرفه النوم
وكان فيه سلك طويل طالع من الجدار والمفروض ان الكهربائي يمده لين ياصل عند كبينه البخار لانه 220 وقام المبلط بلط والسلك في الارض جنب باب الحمام يعني ما عاد فيه كبينه بخار لان الكهربتائ ما وصلت عند الشور وما فيه حل الا اننا نكسر ونبلط من جديد وهذا الحل رافضه تماما يقول مو لازم اصلا شور :arb:

الله يعين و دخلات الجبس الي في جهه الشور لما ركبهن الجباس حطهن في الجهه الي بيطلع منها خلاط المويه وسكر عليها لذلك حسبت علينا وتكسرت اه بس والله شي يفقع المراره وش اقول وش اخلي


الا وش بتاخذين ماركه سبوت لايت و لمبات وافياش وش رسيتي عليه؟

السلام عليكم ..
مساكم الله بالخير ..

بحثت لكم عن صور الشور اللي متحيرة فيه . وعطوني رأيكم فيه ..

1.هذا مفكره اخليه للحمام الرئيسي .. بس ما ادري هل فكرته حلوة لو اغيره


2. وهذا اللي يجي مبني بس جدار واحد افكر اسويه لغرف اليهال بس اضيف له الجلاس بلوك ..عشان يصير شفاف اشويه بدل كله طوووب



3. وهذا اللي يجي جاهز مثل غرفة زجاجية .. بعد لغرف اليهال ..


اختارو وياي واذا خياراتي مو حلوة عطوني خيارات ثانية ..

السلام عليكم ورحمة الله وبركاته

كل مره اقول تشافيت الاارجع مره ثانيه,,,وحاليا مافيه صوت ابد
حلقي مقفل خلاااااص كلامي بالاشارات ,,,والحمد لله اني اكتب لكم بدون صوت
<<<< والحمدلله على كل حاااال

امراءة جميله ,,,نفس معاناتي بالنسبه للجبس اذا لقيتي شي
دليني عليه

ام عموري ,,,مشكوره والله انك راعيت فزعه

شويكااار عجبك الوصف <<<<اكمل يعني:)

واذا على الطفش عندنا وعندك خير:(وانا لسى وراي مشووووارطويل

صراحه,,احس ماعاد فيه سعة خلق,,,من الجميع الواحد منا نفسه
في خشمه ههههه ’’’’
ودوم معصب ودوم متوتربسبب وبدون سبب


اما مع البناء حدثي ولاحرج وزوجي دووووم معصب وانا اسايسه

لانه مريض سكروكافي ,,,عليه لايجيه ظغط بعد

وبالنسبه لحمام النساء انتي فهمي:arb: ان الفرنجي احسن وانظف
ومناسب لكبارالسن,,,,,
اما بالنسبه لوسوسة الناس حدثي ولاحرج
بس من المفروووض اني احترم البيت الي انا حدخله,,,
ولااتشرط على الناس
وبصراحه صار موقف لااختي قبل كذا ذكرته
ومن بعدها ملت حمام النساء مناديل ديتول المطهره ومناديل جونسون
ومناديل كلينكس خخخخخخ
على وعسى<<<<

صلوات على محمد وعليكم السلام ورحمة الله وبركاته
هلا وغلا بك معنا:26::26:
وبالنسبه لطلبك انا مش من الشرقيه بس كافكو كثير يمدحونه
وله فرع عندنا ,,,بس جربته لا
اما مرميكس يتهيالي اني قرات عنه في المهندس يمدحونه
وانتظري باقي البنات
وياهلا بك مره ثانيه

استرخاء الله يسهل امرك,,,ياقلبي ودي والله تخلصين على خير
احسك عانيتي كثيرمن هالعمااال
الله يكون في عونك,,,ياارب
حلووووه بدون
خلصتي اللون العسلي ياليت اشووووفه
وبصراحه ,,,,متردده اطلب منك صوووور
لاني ماعطيتك شي بس والله ماعندي شي
مازلنا في العظم ,,,,حاسه انه صار عظم وعصب ولحم وشحم
بس المقااااول قال لنا من البدايه انا راح اشتغل على اقل من مهلي
لانه بالقوه رضي ياخذ بيتنا
والله يتمم للجميع على خير

هلا غلا<<<<

كنت خارجه بس ماحبيت اطلع مارد عليكي,,,,,
بصراحه الصور طالعه مره كبيره
وبالنسبه للشورالي مختاراه لك احسه مافيه نعومه

الصور الي عرضتها استرخاااء رفم 8 مره حلوووو
اما اولادك خذي لهم الجاهز احسن
اما اذا حبيتي تبني ابني القاعده السفليه فقط
واختاري الباب من الزجاج اما كله بني احسه مش حلووو
وانتظري البقيه
وفالك طيب

الصورة طلعت كبيرة واااايد ياريت لو احد يعرف يصغرها >>> وجه كسول ولا يبغى يتعلم ..

ملكة الليل
مشكورة نزلته بس ما فتح اي برنامج يفتحه ؟؟
متشوقه اشوفه ..........
وكل ما فتحته يغلق نوافذ الانترنت المفتوحه خفت منه بصراحه خخخ ..

استرخاء ..
الله ييسر لك ويسهل لك امرك .. ويسخر لك عباده .. وشكرا على الصور احلى شئ رقم 8 وكنننننننننننننت مخزنته عندي بس الزجاج اللي فوق اخاف ينكسر ولا ؟ وهاذي الارضيات اشوف البلديات مبلطين فيها الفريج والارصفة والشوارع .. والطريقة يصفون الطابوق القرميد الاحمر وبعدها يكبو عليه الرمل الناعم ويرصونهه مضبوظ وفي شاحنة مخصوص على ما اعتقد تمشي عليه عشان تفرد الرمل بين الطابوق .. شكله حلو ومرتب والاحلى لما يكون بتشكيلة لولبية او حلزونية وفي منتديات المهندس عضو اسمه المشكاة مسوي حديقة لفيلا ارضيتها جذي .. وااايد عجبتني طريقتها زوري قسم الديكور ولا العمارة بتلقينه مثبت او روحي لملف هذا العضو وابحثي عن هالموضوع جدا جميلة الحديقة عجبتني وااايد ناااعمه ومتناسقة ..
بس اشرايك بالخرسانات المختومه ؟انا لقيت لهم دعايه وحلوة اشكالهم ولهم فرع عندنا بالبحرين وفي بالسعودية بعد .. ؟

شاعرة ..
ما شاء الله تبارك الرحمن شوقتينا زياااااااااااااده وحسرتينا اكثر .. الله يهنيكم بهالجمعه ..ورتوووش ذوقها ما شاء الله في كل شئ في تعاملها في اسلوبها في مشاعرها في كلامها في بيتها الله يحميها من عين الحساد ويخليها لمحبينها ويحفظها من كل شر .. عن جد احيانا انسان ما تشوفينه ولا تسمعين صوته لكن تحسينه قرييييييييب منك جدا وتفهمينه ويفهم عليك ورتووش من هذا النوع القريب للقلب ..

رتووش ..
بعد الحش اللي فوق عنك لا تقرأينه بليييز خخخ
خلاص بطاوعك وبتريث وما استعجل بس والله مليت مو عاجبني شئ واللي يعجبني غالي محتارة مرة >>>عجبتني مرة ..؟ لكن اللي مخليني استعجل لاني اللحين خف الوحام ماشاء الله عني واحس بنشاط اشويه .. بس اخاف يجيني الثقل بعدين ولا اقدر اروح واجي بعدها الولادة والبيبي بيلهيني اكثر واكثر وانا ما ابغي تمر هالسنة الا وانا في البيت الجديد .. ان شاء الله بقدرته الواحد الاحد .. قادر على كل شئ .. واخاف بعد نمهل في شراء البلاط والمقاول يروح عنا لان احنا مأخذينه مع تركيب البلاط يعني هو مسؤول عنهم في التركيب واذا صار منا التأخير احنا الخسرانين لان ما تنحسب عليه الغرامة ولا بيهتم و هو يبني عمارة يبي يأجرها ومستعجل عليها يبي يخلصها اخاف يخلينا ويجابلها ..

شويكار ..
انا سويت في حمام الضيوف عربي وافرنجي لان لابد اراعي اطباع ضيوفي المختلفة فمنهم كبار السن اللي ما يحبون الا العربي فخليت الاثنين .. بس باقي الحمامات افرنجي .. وانا امي بعد موصيتني على هالشئ فوافقي على كلام ام زوجك ومنها تراوي زوجك انك تسمعي لاراء امه وتحترميها .. >>> عصفورين بحجر واحد خخخ ..

امراءة جميلة ..
اخ على الصور لا عاد احد يطلب صور يذكرني باللذي مضى اهي اهي .. بس نصيحه خليه سمبل احلى .. واشيك ..

سرسر عن جد لك وحشة ومشتاقين لك كثييييييير وسارة معقولة ما وحشناك طمنينا عنك ؟ ويا صغر الفرح ننتظر اخر تطوراتك .. ان شاء الله خير .. وقمرا وام عموري صح تبينون لكن صرنا نشتاق كثييير لرؤية مشاركاتكم .. وهاذي ورررررررررردة حمرااااء لكل عضوة غايبة عنا .. >>> تخيلوها عاد من وين اجيبها اللحين