استرخاء : بالنسبة للحجر من الأسمنت على النوافذ ما عندي فكرة بس انا عاملة شكل زي الحجر بسيط مربعات حول النوافذ بالجبس المخلوط بالأكسادورا وكان نفسي اعمله بالجي ار سي بس عشان التكلفة اضطرينا اشياء كثيرة نستغني عنها
شوفي الشكل عندي يشبه هذا بس المربعات متساوية مش طالع ونازل
بالنسبة للألوان والله تعب لأنه ما تطلع ابدا زي الكتالوج بوية الأولاد عندي ازرق فاتح هذه صورتها
لو تعرفي كيف حصلت عليها رحت لفرع جوتن وكنت مختارة اللون من الكتالوج وحضره لي وخلطه وطلبت منه يفتح العلبة ويشيل شوي منها ويمسحها على ورقة شفتها غامقة قلت خفف شوي راح زادها شوي ابيض ورجعت شفت مرة ثانية ما عجبني قلت كمان خفف رجع زادها حبتين واظن كررت معاها الحكاية مرة ثالثة الين ماخلاص زوجي فرقز عيونه في قلت خلاص اوكيه وطلع تقريبا مثل ما ابغى وهذا طبعا بعد ما خسرنا قبلها علبتين بويه زرقاء صغيرة وطلعت مش نفس اللي ابغاها
استرخاء : بالنسبة للحجر من الأسمنت على النوافذ ما عندي فكرة بس انا عاملة شكل زي الحجر بسيط مربعات...
