قمرأ : الله يصبر امك ويصبرك بصراحة من اصعب الأشياء لما تجي المصائب وراء بعضها انا برضه جدتي وبعدها ابوي وبعدها امي وبعدها بشهر خالي والله حسيت الدنيا كلها ضايقة واني ما حشوف ولا احس بفرح طول حياتي بس الحمدلله مانزل من بلاء ألا ونزل معه الصبر الله يرحمهم جميعا ويجمعنا بهم في جنات الفردوس

سحر : نصيحتي الغي القوس الفاصل بين الجلسة وغرفة النوم وتعاملي معاها كأنها غرفة واحدة للنوم وبها جلسة ايضا وكده حتحسي انها واسعة وحلوة كمان وهذا اللي صاير عندي احس الجلسة المفصولة حلوة لما تكون المساحات واسعة وفيه امكانية انك تعمليها

سكر مكر : بالنسبة لأرضيات الحوش ذكرتيني بنفسي لما كنت ادور عليها اللي يعجبني غالي وفي الأخير خلاص انزنقت في الوقت وزوجي قال اليوم تختاري واشتري لأنه المبلطين حيروحوا خلاص واخترت أخيرا وما كنت كثير مقتنعة بيها بس لما أتركبت اشوفها موبطالة احيانا كثرة البحث تتعب وتزغلل العين وشوفي هذه صورة ارضيه الحوش عندي



ومنطقة الكراج خليتها تراكوتا سادة بنفس اللون اللي في الحوش ومنطقة الزراعة بعدين افكر اعملها حجار طبيعية وزرع وجلسة مسقوفة يعني حتركها الحين خلينا نهتم بالداخل بعدين نشوف اللي برا

ايش رايكم بنات في الأرضية ؟ بس حتى لو ماهي حلوة مش حتتكسر خلاص :42:

صباح الخير يا صبايا..
تصدقوا يابنات هالديوانية صارت جزء مهم من حياتي ماهي مسألة استفادة من المعلومات ابداً..صرت احس انكم بمعزة جاراتي واهلي اللي احب اطمئن عليهم واتابع اخباركم ..أفرح معاكم بخبر حلو وينعشني بقية اليوم.. واتضايق كاني معاكم سبحان الله على أي مكروه الله يكفيكم الشر ياااااارب...
مثلا اليوم أفتح عيني واقول الله يصبر ام العصافير الله يعطيك العافية ياقمرا وياترى قمرا كتبت ليه ضحكت..و....وإلخ ... فهمتوا علي ..

الله يديم جمعتنا على خير ويسهل أمور الكل وتعمروا هالبيوت بإذن الله وتسكنوها بالعافية وتكون عامرة بذرياتكم وبذكر الله يالله ياكريم.. ما يضيع تعب كل وحده فيكم ويجزاكم خير..

ام عموري
عجبني بلاط حوشكم مرررررررررتب والوانه حلوه ..
الله يهنيكم بالهالبيت ويعطيكم خيره ويكفيكم شره..


سحر
طبعا رايي من راي البنات ما في غير انها تكون غرفة واحده بمساحة معقولة وممكن تفصليها عن طريق ديكور السقف او طريقة الأرضيات مختلفة بس تكون متناسقة لكن هالفكرة حتعطيكي وسع اكبر..
وبالنسبة لشباك صالة المعيشة عندي نفس المشكلة بس في الصالة العلوية على أني لسه في مرحلة المخطط ولما قال المهندس وقتها فرق السعر كان مو كبير كثيير وهو يكون في طريقة البناء نفسها لكن حسيت الأصح اني اقسمها ..
والقرار يرجع لك واللي يناسبك.. الله يسهل لك امورك ان شاء الله..


قمرا
ياحليلك :hahaha: وانا من امس اقول شسالفة!!
وعجبتني المغاسل نفس فكرتي انها تملي المكان ..واهلي مسويين نفس الفكرة لكن كل مغسلة مفصولة وطالعه كمان حلوه وفخمة ..
الله يعطيكي العافية اللي جمعتينا وافدتينا والله يعينكم ويصبركم ويأجركم والله يخلي لك الوالده ويحفظها ويعطيها العافية والصحة يااااارب..


سكووووره
مشكورة على المعلومات الله يسعدك:26:

رتوشه
انتي حلى الديوانية وملاحظاتك دائما تعجبني وتنبهينا لأشياء ممكن ما تكون في بالنا..
الله يوفقك ياااارب..:)


أم سعود
ما جاءت فرصة من اول اشكرك على معلوماتك الله يقويك ويسهل لكم اموركم ..
أنا متابعة لكل معلوماتك القيمة الله يجزاك خير..
:26:

صبحكم الله بالخير ..
انا بكره عندي عزيمة .. الله يستر .. ادعو لي .. تراني ساعات اخبصها في العزايم ..؟؟!! خخخخخ

قمرا ..
الله يرحمهم .. ويغفر لهم ويسكنهم فسيح جناته .. ويلهمكم الصبر .. وإنا لله وإن اليه راجعون ...

سحر ..
مشاحاتك تقريبا مثلي .. صالتي 6*6 ومضلعة من الامام وكلها نوافذ كبيرة وللأرض .. بس تطل على الحديقة .. انتو شوفو الزجاج كم بيكلفكم اذا كامل ..؟؟ واذا تقدرون اتسوونه احلى من الفواصل ..
والجلسة وغرفة نومكم وااااااايد صغيرة ما تصلح خلاص فتحيهم على بعض احلى وخلي عندك في جزء من الغرفة قعدتكم .. والحمام وغرفة الملابس حلوة المساحه مو ضيقة ..

ام عموري ..
ايه حلوة الارضية .. الله يهنيكم فيها .. واكيد على الطبيعة احلى ..

نسيت أقولك أم سعود مشكوووووووووووورة كثير كثير على عنواين المحلات تعرفي سمعت عن غزال قبل كده وانه شغلهم حلو قصدك اللي بجنب بن محفوظ لعلب الأفراح صح ؟
انا الحين لو ابغى اي معلومة حسألك على طول

القمورة الأمورة : فرحتيني والله برأيك بالبلاط الله يسعدك يارب

غلا الروح : مشكورة على رأيك فرحتيني الله يسعدك وعقبال ما تبدأو وتخلصوا وتتهنوا ببيتكم يارب


برأيكم اخواتي ايش احسن نوع للخلاطات ( صنابير الماء والدش ) وما يجيها صدأ ويتغير لونها وفي نفس الوقت اسعارها مناسبة

لاتقوللي كوهلر غالي مرة وأمريكي وانا مع المقاطعة وجروهي اسعاره حلوة بس بنت عمي اتقول انه اشترته وصدأ عندها في بيتها القديم وسمعت انه بيتقلد كثير وصعب تلاقي الأصلي منه
وهي تمدح في الصيني وانا خايفة منه

سكر ياقمر اخير لقيت احد جاب طاري

صراحه انا مره عاجبني وخصوصا الباركييه لقيت عنده نفس الشركات الي عند باقر واسعارها من 40 -70
وهالايام عندهم تخفيضات على الباركييه والرخام بس مارحت لان زوجي قال ان لسا باقي لنا مشوار طويل لحد مانوصل هالخطوه وقال ركزي على الجبس والكهرباء
بس انا ناويه امرهم متى ماقربت من خطوه التبليط
وياليت اي وحده جربتهم تعطينا رايها فيه