gaamra :

غلا الروح وعليكم السلام ورحمة الله وبركاته ماشاء الله الصور كلها مودرن وهذا الي تبينه بس بسألك كيف تنزلين الصور من الكتالوج ؟ انا اتبهذل اذا جيت اصورها من الكتالوج ماتصير واضحه؟؟؟؟؟ الراجية عفوه انا من الرياض ومصلحين قبتين زجاج عندنا وانا جربت القبه المبنيه وفيها طيق في بيت الاول وعاجبتني مررررررره لاني احب السفر والنور والحمدلله كنا حاطين مكيف صحراوي وبارد المكان مافي مشكله ^سحر^ هلا سحر وينك ؟ اذكرك من اول مافتحنا الديوانيه بس ترى سجلنا عليك غيااااااااااااااب كثير الله يستر لا يوصل للفصل ههههههههههههه ايه طلي ولا تغيبين وانا مالي شكر مثل غلا ورتوووش :angry2: سرالالم الحمدلله عالسلامه ونورتي الديوانيه والله :26: :26: واخباري انا عندي صور ودي انزلها للاب توب ومو قادره لاني غيرت جوالي وانحست من جديد الحين احنا لازم يوم السبت نختار باب الشارع والداخلي لاني اخترت داخلي وشافه العامل وقال ماقدر اصلحه لان يبي له شغل كثير وماعرف له لازم مصنع والمصنع ياخذ كثير واضطريت اغير تدرون وقع الاختيار على باب سكر مكر اظن هي الي اختارته اذا ماني واهمه واذا مالقيت غيره بصلحه والدرابزين لازم من الحين نختاره لانه ياخذ وقت وعندي كذا واحد مختارتهم بس الجهاز مارضى ينزل الصور عشان تشوفونها وتعطوني رايكم لانها موديل 2007 ** بنات بسألكم عن النعله حقت الدرج احنا نبي نصلحها مستقيمه ويقول العامل انها غاليه لان مايصلحها الا للقصور والفلل الصغيره كلهم يحطون الي تكون متدرجه وانا ابي المستقيمه عشان النظافه وشكلها احلى المهم وش رايكم النعله تكون نفس الرخام حق الدرج ولا كرستال ؟؟؟؟ ولا جاوبتوني على مكان اللي حق المويه ؟؟:angry2: سكر مكر:26: الله يعطيك العافيه ويخليك لنا شمعه او كبس يكششع مثل الي تحت اسمك ماشاء الله شوفي انا باخذ اربع الوان من عندك واغير في ترتيبهم وش رايك ؟ والباب مدري هو لك او استرخاء والله اني ناسيه بس شكلي بسويه اذا انتي الي مصلحته كيف طلع شكله النهائي عساه ضبط؟ ورود الديوانيه ايه ياعمري لا تتأخرين علينا بالصور الله يجزاك خير ومشكوره مقدما:26: والصور ماطلع منها الا الكنبه والكتالوج الي على جلستكم السكري :09: ومشكوره الله يعطيك العافيه شجرة الدرر وعليكم السلام ورحمة الله وبركاته الله يجزاك خير عالنصيحه الحلوه واكيد التوسط حلو وبعدين بيت العمر لازم الواحد يحط فيه الشيء الي يعمر مو يخرب بسرعه والشيء الي يعمر معنا لازم يكون غالي واما الاشياء الثانيه مثلا ابواب الشارع انا مايهمني الغالي الي يهمني الشيء الحلو بس واغلب الغالي متكلف فيه وشكله زحمه مو حلو بالنسبه لي والحمدلله احنا نيتنا الشيء الي يدوم ويتحمل مو الغالي الجديد والله يبارك لنا ولكم وللجميع يارب وبعدين شكلك ماعندك وقت مره حتى احنا عندنا مسؤليات كثيره ووقتنا مزحوم واذا فضينا دخلنا لاننا نحب بعض ومانقدر نستغنى الله يديم المحبه يارب وان شاء الله تكونين ضمن عضوات الديوانيه وتشاركينا هالمحبه الي اتمنى انها تستمر وماتكون مقصوره على الديوانيه وانتي ابدي من الاول وكل مافضيتي اقري الي تقدرين عليه وان شاء الله تلحقين على آخر صفحه لان صعب علينا نبدى من اول ونطلع لك بالزبده الله يحييك اختي وياهلا وسهلا فيك:26:

غلا الروح وعليكم السلام ورحمة الله وبركاته ماشاء الله الصور كلها مودرن وهذا الي تبينه بس...

gaamra :

السلام عليكم ورحمة الله وبركاته بنت السناعيس ياهلا فيك اختي .. بالنسبه لعدد الغرف مثل ماقالوا الاخوات على حسب عدد افراد العائله وانا بصراحه ماحب كثرة الغرف وانا بيتي حاطه ثلاث غرف نوم فقط ومجلس النساء انا ارى انه ضروري لاننا كنا بنصلح مثلكم بنكتفي بالصاله فقط لكن بعدين ربي الهمنا وصلحنا مجلس نساء والحمدلله طلع شكل البيت حلو وبعدين فكري لو جوك ناس كثير وش بتسوين ؟ وانا مخططه تكون مجلس النساء للناس الخاصين الي مامعهم بزوره لاني راح اتكلف في فرشها واما الصاله بتكون للناس العاديين والله يسهل لنا ولكم على امر عسير ورود الدار الله يقطع ابليسك ضحكتيني على ستارة الاشباح والله انك صادقه شكلها يخوف ههههه ساره الله يعطيك العافيه دايم ماتقصرين بالي تقدرين عليه الله ييسر لك جميع امورك ويعطيك على قد نيتك الزين غالي ياسبحان الله توني امس ماسحه رقمك من جوالي وينك ووين اراضيك ؟ وبشرينا عن بيتكم وش آخر التطورات ؟ غريبه يازمن انا من رايي انك تبنينها اريح لقلبك

السلام عليكم ورحمة الله وبركاته بنت السناعيس ياهلا فيك اختي .. بالنسبه لعدد الغرف مثل ماقالوا...

استرخاء :

السلام عليكم ماشاء الله البنات نشيطين هاليومين ورود الدار.................. الله يحفظ لك اخوك وعياله ويجمعكم بهم قريبا باذن الله غريبه يازمن......................... والله الهاجس الي عندك نفس الهاجس الي عندي ولما قلت لمحل تفصيل الحديد -الدربزين- قال نرفع لك المطل حق الدربزين -يطلق على هذه المساحه المطل لانها تسمح بالاطلاله من الصاله العلويه للسفليه بحيث يصير ارتفاعه 120 سم لكن طالما الحديد مشغول ما يسوي شي لان امكانيه تسلقه وارده لا سمح الله واقترحت ان التصميم يكون مثل ما ذكرت لك الغاليه سر الالم انه يكون اعمده علشان ما يكون فيه مجال للتسلق وما لقي قبول هالتصميم فقمت بنيت مسافه بلكتين يعني ارتفاع 50 سم عن الارض ولبستها من نفس ارضيه الصاله سيرتميك وبعدها ركبت الدربزين بنفس طول العادي يعني ستاندرد 90 سم وبكذا خفضت تكلفه الدربزين لان كلما زاد الارتفاع اختلفت التكلفه والبلوك اامن من الحديد المشغول ولك ان تتخيلي من الذي بيرفع رجله ارتفاع 50 سم الا شخص كبير وفاهم باذن الله الله الله يحفظنا واياكم من كل سوء وعلشان اجمل المنظر من تحت سويت شغل جبس زي الاطار الي تشوفونه في صور الدرج الي عرضتيها ولكن انا عرضت مقال للاخت عين الماء مسويه دربزينها بالاسمنت والله انه امن وارخص خصوصا في المطل اذا ما احد بيشوفه - او دربزين الخدمه لكن ما استفدت منه لانه راحت على بس ما شفته الا من كم يوم لكن ان شاء الله بنزل صور موضوعها لان بعض البنات ما تقدر تدخل منتدى المهندس

السلام عليكم ماشاء الله البنات نشيطين هاليومين ورود الدار.................. الله يحفظ لك اخوك...