ورود الدار ........


بنت قزاز وش ريجيمه الله يصلحكم ؟؟؟ اعقلوا بس ؟؟؟ ريجيم وبرد مايجتمعون


وش نسوي بدينا نأكل مع البرد بشراهه ومن هم العمار حطيت حرتي

بالاكل لين ضاقت ملابسي

الفجر 20....

جوتن افضل شركة بويه

اما الجزيره روحي خوذي افكار من عنده

غلا الروح .....

العروس مالقت غير شقتك تاخذها

الشكوى لله مرة ولد راعي الحلال

يقول المثل (اذا كان مقاضيك القاضي من تقاضي )

السلام عليكم ورحمة الله وبركاته
بااسان
ياهلا وسهلا ومرحبا فيك ويسعدني ان يكون سبب تسجيلك هو ديوانيتنا المتواضعه واتمنى نتعرف عليك لا تبخلين علينا بهالشيء وحياك الله
سرالالم
الهوايه بالنسبه لي ضروريه لاني اقلي بيض وناويه اكبس كبسه في البوفيه عشان كذا حطيت هوايه واذا انك بتخلينه للشاهي والذي منه فما اظن لها داعي
وشغالتك وش جنسيتها ؟؟
الي عند اهلي سيرلنكيه ومشتغله في الاردن عند ناس هاي هاي ومتسنعه ونظيييييييفه مره ونفسي بوحده مثل شغلها
الغريبه
شبابيكنا مركبينها من الداخل انظف من تجمع الغبار جوى
رتوووش
ياعمري الله يحفظ لك زوجك ويرده لكم بالسلامه
والله يجزاك خير على الشرح الوافي اكيد تعبتي وانتي تشرحين الله يعطيك العافيه وينولك مرادك اللهم آمين
شقراوييه
تخبرين تونا ساكنين بيتنا لنا ثلاثة شهور والحمدلله للحين ماشفنا شيء
نشمية الروح
الله يجزاك خير
مدري عندك خدامه وايش جنسيتها؟
مس بوزي
احنا اول مافكرنا في البناء فتحت كم موقع ولا استفدت شيء مامثل انك انتي الي تحددين وش تبين وترسمين مخطط مبدئي وتعدلين فيه لين تقتنعين والمهندس بيعطيكم رسم مبدئي برضو وانتم تعدلون عليه ونصيحه ادخلي الفلل المعروضه للبيع واستفيدي من شغلهم لانك بكذا بتستزيدين معرفه وبينمو ذوقك لاني اذكر فيه فيلا قبل نعمر كانت عاجبتني وميته عليها وبعد ماطلعت ورحت وجيت رجعنا لها وانصدمت من ذوقي كانت بالمره تفشل ولا ارضى اسكنها
والواجهات تدرين ان واجهت فلتنا اقتبسناها من كثر مانلف على هالاحياء الجديده يعني الله يعين زوجك لازم يوميا تلفون تدورون واجهات ثم حجر ثم شبابيك ثم ابواب ثم ثم ثم الخ
وبالنسبه لملفك ياليت تنزلينه اكيد محتاجين نأثث وياليت تحطينه في الديوانيه الثانيه حقت الاخوات الي خصلوا عمار ويأثثون
والله يعطيك العافيه على كل حال
التقى
بالنسبه للقبه احنا حطينا وحده فوق الدرج والثانيه في الصاله الي فوق صالة المعيشه وبحاول انزل صور لهم والمشب انا حاطته في صالة المعيشه فوق وماشي حاله ولا يطلع ريحة دخان ولا شيء لاننا مسلكين له مروحة شفط فوق تسحب الدخان
وعن مساوىء القبه الزجاج للحين ماشفت لها مساوىء بالعكس تعطي شكل جمالي وفخامه للبيت
وردة جده
تسلمين ياعسل
بالنسبه للابواب كلها عندي حديد مشغول مع لكسان لاني اموت على الاضاءه الطبيعيه وخلي الجوال معك
شاعره
ليه ياعمري وش في خاطرك ؟
ومانصحك بالانعزال عشان الشيطان مايتمكن منك حاولي تدخلين النت شوي وتجلسين مع العيال شوي وتروحين لجاراتك او معارف لكم بس لا تنعزلين
والله يفرج همك ويفرح قلبك آمين
استرخاء
صح لسانك قلتي الي في خاطري
اجل انتي حساسه مثلي والله اني متعقده من هالشيء نفسي اكون قالب ثلج ولاني بقادره
حلوه بدون
يارب تزين امورك وترجعين تنورين الديوانيه كعادتك
ام احلى بدر
وش بقى عليكم ؟؟
اذكر الي كان معطلنا النجار حق الدواليب الجداريه والسباك هم الي طفشوني وكرهوني بيتي حتى والله قتلوا فرحتي فيه حسبي الله ونعم الوكيل فيهم

شاعره المليون
ياعمري معذوره تكتئبين بصراحه انا ماحب هالمشاهد لاني بجلس فتره وهي في مخيلتي اذكر مره شفت مقطع بلوتوث لرجال صار له حادث ومقطوع نصه ومصرانه ظاهره بغيت انجن كل يوم احلم فيه وتعبت مره وغيرها مواقف صارت لي مع اعز واغلى الناس لما شفتهم في المغسله لا لما شفت ابوي الله يغفر له ينازع الروح الله يغفرله ويبيحه ويحلله واختي واخوي وجميع امواتنا واموات المسلمين
والله يربط على قلب كل ام تفقد بنتها او ولدها ويجعلها من الصابرين المحتسبين
اللهم اجعلنا من الصابرين المحتسبين
سرالالم
ياحبي لك والله ودي اعلق هنا بس انتي تقولين لا تعليق
بس المفروض انك ماتخلينه يقرى رسايلك لان ممكن تجيك صوره لوحده من هنا بالغلط مثل ماصار معك هههههههههههههه
رتوووش
تصدقين كلامك يدور في بالي وبطبقه ان شاء الله لاني من جد اهملت نفسي عشان نعمر هالبيت والحين عشان نفرشه
نشميه الروح
بحكم انك مدرسه هل تأيديني اتوظف ؟؟
واذا توظفت هل اساهم معه في المصروف ؟ وهل تأيدين الي تعطي زوجها بطاقة الصراف؟
احس انك ماشاء الله عليك كلك حكمه
ام عموري
هلا بالطش والرش والبيض المفقش
وينك معاد طليتي علينا اكيد الاتصال السبب؟
وسؤالك عن الرفلا .. هي المره الي ماتجيد اعمال المنزل وتلقينها دايم مبهذله ويقول المثل : طبخن طبختيه يالرفلا كوليه
رحوووبه
مبروك المنزل والله يجعله مبارك ان شاء الله
بالنسبه للدهان لو انك متابعتنا كان ماسألتي لاني تكلمت عن الدهانات كثير وقلت انسب شيء لمنطقة الدرج هو الستوكو لانه يتنظف بسهوله وشكله حلو واما بيت الدرج لا تغلطين غلطتي وتحطين خشب لا ااااااا ابنيه وخليه بس مكان الباب وحطي باب وعليه مرايا او زجاج ملون المهم انك تتفننينين في ديكور الباب لان الخشب مع الجلي جاه مويه وطلعت ريحته شينه وشكله مبقع
من امس وانا ابي انزل الرد والمنتدى عيى مدري ليه ؟
فحفظت الرد في الوورد ورحت اكمل شغلي
تصدقون رجعت لمعمعة السيراميك الله يكون في العون:icon33:

رتوووش ماشـــــــــــــــــــــآآآآء الله لاقوة الاباالله بصراحة المفروض تفتحين ديوانية خاصة للتصاميم الديكورية وتكوني المستشارة فيها الا صدق ليش ماتشتغلين مصممة ديكور لديك قدرة ابداعية وموهبة ربانية فاستغليها الله يحفظك من كل عين حاسد وكيد كائد ودمتي بحفظ الله ورعايته.
غلا الروح ياحبي لك ولمشاركاتك ولايضيق صدرك حبيبتي والخيرة فيما اختارالله ولاتنسي دعاء اللهم اجرني في مصيبتي واخلف لي خيرا منها عسى الله يبدلكم شقة خير واحسن من شقتكم كما ابدل ام سلمة خير من ابي سلمة وهو الرسول صلى الله عليه وسلم عندما مات ابو سلمة وقالت هذا الدعاء العجيب والحمد لله مااقول هذا الدعاء الااجد نفعه باذن الله.
شرينا بيت حياك الله وبياك البيت بيتك وتفضلي قولي ماهي مشكلتك وان شاء تجدين لها حل والبنات هناكريمات مايقصرون بشي انا مثلك عضوة جديدة والحمد لله ماقصرو معي بشي.

شرينا بيت
هلا عزيزتي نحن هنا
غلا الروح
كان الله في عونكم وماعليه اختي اذا كانت هذي رغبة صاحب البيت فما لكم الا تطلعون من البيت بس حاولوا معه يأخر طلوعكم لين تخلصون بيتكم وفي هالفتره ولده يسكن في شقه مفروشه لين تطلعون من البيت مو احسن ؟
والخيره فيما اختارها الله سبحانه وتعالى
الفجر
ادري انك في حيره بس تبين شوري اذا البيت ملك وتبينه يطلع من احسن مايكون صلحي من عند الجزيره المجالس والصالات واما غرف النوم من جوتن وساده
لان فيه ناس سكنوا بيتهم قبلنا ويوم شافوا بيتنا ندموا على دهانهم وقالوا بعد سنتين بندهن مثلكم من الجزيره واحرصي ان الاسقف مايصلحها الا فلبينيين لانهم والله قمه في هالشيء يعرفون يدمجون الالوان وكيف يوظفونها