غلاالروح :

صباح الخير .. شمسه ودانه .. اهم شئ البيت يناسب احتياجاتك ويناسب ظروفك .. وتدرين انا عندي قناعة تامة ان كل ربة بيت لابد انها تصمم بيتها بالاول مع الاستعانة بالمهندس لان المرأة هي اللي تعيش بالبيت وتعرف غرفه وصالاته واركانه وتعرف كل شئ ضروري وتحتاج له .. يعني انا لو اعرض مخططنا اكيد ما راح يناسب كل وحده فينا .. ويتعارض مع قناعاتها وميولها وحاجاتها ... الله يوفقكم ان شاء الله وبيت الهنا والسعد وربي يبارك لكم فيه .. ما لقييت اسم .. ما ادري احس غرفة طعام وحده كفاية .. واذا عندج مساحه سوي لكم غرفة طعام ثانية للعائلة مثل ركن افطار شئ جذي . وتحت لازم اتخلين لك مخزن ضروري ..وغرفة لاندري اما عن البلكونة ...فهالشئ يعتمد على حاجتك الضرورية لها ؟؟ اما اذا كانت لشئ بسيط جدا مجرد الزباله انا اشوف انك اتخلي الزبالة في المطبخ الأرضي اذا عندك او تطلعيها بره البيت عند الكراجات .. لان البلكونة بتكلفكم .. انتي حاولي اتجمعي الزبالة كلها وتنزليها تحت ما اتجمعيها فوق . واذا على المناشف ما في غير اتنشرينهم على حبال الغسيل .. غرام .. وينج افتتحي الديوانية وهجيتي حياج ويانا نفيد ونستفيد .. شوفي عمري اذا البلكونة مع الدور الارضي فما راح تبان اذا كان سور البيت الخارجي عالي بس اذا كان مو مرتفع فخليها مفتوحه على الحديقة يقعدون فيها الرجال يحللونها لان احنا الحريم مو وجه قعده في هالحر ههههههه بس اذا السور مرتفع وما تبان ليش لا حلوة القعدة فيها مع شاي الضحى والقهوة والتمر اللللللله ... اما اذا كانت في الطابق العلوي ما لك الا اتضمينها مع المجلس واتسكرينها بنوافذ زجاج احسن لك تستفيدين منها لان ناس وااايد من اهلنا سوو هالبلكونه وما استفادو منها خير شر يتجمع فيها الغبرة والوسخ ولا احد يقعد فيها لان الله يسلمج اللي بيقعد فيها الناس اللي تحت بتقعد تناظر فيه مستغربة ليش انه قاعد يتشمس .. فصدقيني ضميها مع المجلس وسكريها بتطلع لك احلى بوااااايد .. وفي ديزاينات عجيبة للبلكونات المقفلة تقدرين اتسوينها وتجمل واجهة البيت .. على نص قوس او زاوية مربعة او نص سداسي .. فكري فيها .. جرح ورا جرح .. (لين يصير له نفس يدور مخطط حلو!) اتصدقين اختي لو انا انتظرت زوجي ليما يصير عنده نفس وخلق ومزاج جان ليلحين ما بدينا بالتصميم لان الرجال يقولج ليش اتعب عمري المهندس بيعطيني اي مخطط جاهز وخلاص مو لازم اتعب وادور؟؟ عيل ليش احنا ندفع لهم ؟؟ هذا كلامهم ؟؟ فصدقيني اذا طاوعتيه مثل وحده اعرفها زوجها صديق زوجي مسكينة من اشوفها اسألها عن تصميم بيتهم تقولي مو راضي زوجها يتحرك على الموضوع وتو الناس وليلحين ما عطوهم قرض عشان البنيان ؟؟ واللحين هي حامل وما بقى شئ عن ولادتها ولازم هالشهرين يكون التصميم جاهز عند بنك اسكان عشان يعطونهم القرض ؟؟ فزوجها مستلم الامر لانها ما لها خلق حق اي شئ تبي تولد وخلاص؟ فإذا حبيتي اي مساعده بس سألينا وان شاء الله تصممين المخطط اللي يناسبك ويعجبك .. 1.. جيبي لك ورقة وكتبي اللي تبينه في بيتكم كله كم غرفة كم حمام كم صالة كم غرفة طعام كم مخزن كم مطبخ غرفة شغالة غرفة غسيل الدرج اشلون شكله الصالات اشلون ديزاينها ؟؟ بعدين فصلين منطقة الضيوف عن منطقة المعيشة عن منطقة غرف النوم .. اهم شئ اتراعين الخصوصية لكل منطقة فيهم .. منطقة الضيوف تشمل مثلا صالة مجلس غرفة حمام مغاسل غرفة طعام .. منطقة المعيشة صالة مطبخ غرفة طعام حمام مخزن منطقة غرف النوم غرفة نوم رئيسية مع حمامها مع جلستها مع غرفة ملابسها .. غرف الاولاد مع الحمام وغرفة ملابس غرف البنات مع الحمام وغرفة ملابس وغرفة مكتب .. وصالة صغيرة فيه بانتري صغير للخدمه .. (شبه مطبخ خخخخ) الملحق في غرفة للشغالة مع حمام مع غرفة غسيل مع مخزن مع مكان للقلي والشوي حتى لو مطبخك مغلق لان الريحة لازم تدخل .. وطبعا انا عطيتك الاشياء الاساسية وانتي بعدين اتشيلين اتنقصين اتزيدين غرف صالات على حسب مساحه الارض ومساحة البنيان .. واشوي اشوي بتتعلمين ترسمين خرائط واتصممين بعد .. رتوووش .. هذا اللي نبيه صراحه كلامك افادني جدا كم افاد الكثير من الاخوات هنا جزاك الله خيرا ونتمنى ان تتواصلي معنا لان احنا بحاجتكم فلا تنسينا .. مشكورة يا عمري .. ام عموري وينج اليوم افتقدك جدا وام العصافير ؟؟؟ اكيد يذاكرون حق عيالهم الله يوفقهم .. تصبحون على خير >> هذاره صح !!!!!!!!

صباح الخير .. شمسه ودانه .. اهم شئ البيت يناسب احتياجاتك ويناسب ظروفك .. وتدرين انا عندي...