بنت امها وابوها ....الله يبارك فيك حبيبتي....اخيرا تعلمت ولحد متى الواحد يقعد مو فاهم شي

بالنسبه لوينتك ام سعود شوفي ام سعود مرشده المحلات ماشاء الله عليها
اما عالم المطابخ هذا اول ماتنزلي من الكوبري المربع وكانك رايحة على الدوار الدراجة تلاقيه على يمينك بجنب محطة و بعده بشويه قصر العطاس للافراح اعتقد وصفي واضح صح؟

......................................

فيافي نجد اعتقد لو ان الواحد عنده حس وذوق مايحتاج مصممين ديكور لانهم ذباحين وزي ماقالولك الاخوات مجلات الديكور ماتقصر............ كثرة الاطلاع تفتح المدارك
.................................

ملكة الليل ياقلبي الف الف مبروووووك ربنا يتمملكم على خير

لا تزعلي حبيبتي انا عن نفسي لو شفت ردك كان رديت وباركت والموقع صاير زي الزفت بس يعلق او يطرد او يطير الردود....حتى اني والله انسي واتلخبط ارد على مين وايش رديت

صافي يا لبن ؟؟ قولي حليب يا قششششششششششطة

قمورة امورة فعلا الديوانيه صايرة من الجدول اليومي لازم اداوم فيها ولو طلعت اقعد افكر متى ارجع واشوفكم واخذ اخباركم ربي لايحرمنا من بعض
............................................


وبمناسبه الملاحظات ودي اضيف نقطة دائما انسى اني اقولها ودحين افتكرتها وهي موقع المحابس الرئيسيه البارد والحار حق الحمامات وبالذات في حمامات الضيوف
لازم ماتكون مرتفعه وقدام العين او بجنب الباب حددوا مكان مناسب لان بعض السباكين الله يهديهم ما يهمهم الشكل الجمالي
طبعا انا انتبهت للنقطه هذه بعد ما انتهوا من الشغل ومكانها كان غلط في حمام الرجال ورجعت خليتهم ينقلوها
ومع اني حريصة بس مع الدجة ما انبهت لحمام الحريم انها في مكان غلط

......................................................

غلا ايش اخبار العزومة ما جبتيلنا ولا شي معاكي نذوقه

انا احب الناس والجمعات بس اكررره المطبخ والحوسه....يوم عندي عزومة الاكل كله من المطعم
يادوب انظف البيت وارتبه
ومع اني ما اطبخ الا ان اخر الليل يجي وانا معدومة العافيه ومو قادرة اوقف
............................................................

ملكة الليل الباركيه الخشب يعجبني كثييييييير بس شفته في ارضيه محل نكست بالجمجوم يحزن والله من كثر الخدوش اللي فيه قلبي عورني عليه مع انه شكله مو رخيص ابدااا
وسلالم ايكيا برضه باركيه معدوووووومة العافيه ولونها صاير اسود
وشفته بمحل جنتلمان يهبل ونظيييييف وشكله محترم ولان المحل غااالي ومحد يدخله الا نادراا ما انعدم
.................................................
ادري بتقولي هذه محلات والدعس فيها كثير.... بس برضه لازم الواحد ينتبه لهذه النقطة

سحر رايي من راي قمرااا اعملي بلكونة مطله على الحوش>>>>> تعشق البلكونات

ملكة الليل : الف مبروك عزيزتي ولا تزعلي والله ما شفنا ردك

بصراحة لازم يشوفوا حل في المنتدى متعبنا كثير اكتشفت شيء هو انه الأجهزة اللي متركب عليها برامج حماية ضد الفيروسات بتعمل معاه حكاية الطرد هذه اما اللي مش مركب عليها يقدروا يدخلوا عادي وبسهولة

وفاء الجداوية : الحمد لله انه عجبتك السيديهات بالنسبة للأطقم الصحية ايش اسم المحل اللي قلتي عليه لايكون قصدك منطقة المستودعات اللي خلف محلات السيراميك اللي على الخط السريع زي سعود الحازمي هذول يبيعون جملة ويبعون مفرق كمان ؟ والله لو نفس اللي عند اليوبي ومفرق بسعر الجملة نروح لهم حلو كثير
بالنسبة للفيلا اللي قلتي عليها نفسي اروح اشوفها بس حسب كلامك هي مش معروضة للبيع كيف دخلتوها أحس المعروضات ما تكون فيها افكار حلوة زي اللي يبنوها اصحابها لنفسهم صح ؟

رتوش قمرا سكر مكر مشكورات عزيزاتي على ردودكم الحلوة عن البلاط والمغاسل بس ما قلتوا ايش احسن نوع في الخلاطات وايهم احسن اللي تجي بالضغط والرفع ولا اللي تكون صنابير الحارعلى اليمين والبارد على اليسار احسها هذه قديمة بس خايفة على العيال الصغار لا يفتحوا الحار وما يفهموا

فيافي نجد : انا بصراحة اشوف اذا الواحدة عندها ميزانية حلوة وتقدر تجيب مهندسة ديكور يكون احسن بس لازم تجيب واحدة تكون شايفة شغلها تمام ومناسب لذوقها واذا كان عندها هي ذوووق حلو وتقدر تقتبس افكار وتعمل يكون احسن
بنت عمي والله انها تعاني من مهندسة ديكور جايبتها بس عشان الصالة وصالون الحريم والمدخل فقط خلصت هي بذوقها كل البيت والمهندسة الى الان ما خلصت لها سنتين وما خلصوا معاها وتورطوا معاها ومافي غير هاتوا وعلى كل كحة قالت هاتوا احسهم ابتزاز قالت اتفقنا معها على 40 الف بس وشفناها رخيصة بس الحين اخذة منا يجي 100 الف ولسه ما خلصتنا وهذا من غير اثاث فقط ديكورات جدارية جبس سقف ودهان ايش رايكم في الافترا حق المهندسين

سحر
الزجاج المعشق يقولون سعره حوالي المتر بألف وميتين
وطبعاً فيه الزجاج الملون أرخص بس مو بجمال المعشق وسنتين واللون رايح ويبقى لك منظر شين ( على ذمة القايل ولا أنا ما جربته بصراحة )

وترى فعلاً سعر الألمنيوم والبي في سي هو اللي غالي وأغلى من الزجاج
وبالنسبة للمساحة عندك ماشاء الله ترى تكفي بالراحة حديقة رائعة بعد فحتى لو نويتي تسوين زجاج معشق أو ملون نصيحة لا تكثرين من الرسمة عشان لا تنحرمون من منظر الحديقة

وبالنسبة للصالة 6 × 6 حلوة المساحة وبتقدرين ترتبينها بكل أناقة بإذن الله

وبالنسبة لجناحك غرفة الملابس والحمام مساحتهم كويسة لكن أنا رأيي من رأي البنات بالنسبة لغرفة النوم الرئيسية في حالتك من الأفضل لو تفتحينها على الجلسة تبين أشرح إن شاء الله

أما المساحة اللي تطل عليها ركن الإفطار فأتخيل تخلين منها منطقة صغيرة مرتفعة 4 متر مثلاً والباقي بيصير 4 × 7 تخلينه حديقة تطلع جلسة ترد الروح إن شاء الله

قمرا

الله يصبركم على من فقدتم يارب وماشاء الله على أمك ذكرتني بالآية ( وبشر الصابرين )
وكويس أجل إنك ما تضايقتي من ردي لأني أحب إذا أحد استشارني ما أبخل عليه


أم عموري
ذكرتيني بوحدة صديقتي بنت بيتها وعلى بلاط الحوش اختاروا بلاط بسرعة ما أعجبها وكانت ناوية بس يخلصون الديون تغيره وبعد ما اكتملت الحديقة ومع الإضاءة المناسبة صار حوشها ماشاء الله ولا أروع

وغزال إيوه هو بالضبط هذا اللي بجنب بن محفوظ لعلب الأفراح وجنبه بكم محل بيجيك لمسة خشب عندهم حركتات حلوة بعد

وبالنسبة للخلاطات مدري ما بعد وصلنا لها بس إن كان ودك بغروهي وتبين تضمنين إنها أصلية بتلاقينها عند سارة اللي في بداية التحلية ( الفرع الجديد اللي بنفس صف أبا حسين مو القديم اللي بصف الفدا )

القمورة أمورة
الله يسعدك عزيزتي كلك ذوق وأنا ما سويت شيء مو الديوانية مفتوحة للإستفادة ؟؟ واللي يفيد الناس بيرسل له ربي ناس تفيده

غلا الروح
الله يسهل عليك ربي وينجح عزيمتك ياربي

فيافي نجد

مهندسين الديكور غاليين وعن تجربة ترى نااااااااادراً ما تلاقين أحد ينفذ لك اللي في بالك أغلبهم اللي عندنا خلاص عنده ستايل معين ويبي يسوي في كل البيوت
فلو كان عندك تطلعات وتوجهات خاصة ما راح يفيدونك وحرام فيهم سعرهم
أما لو كان ما يفرق معاك ومنت واثقة من ذوقك فالله يعينك على أسعارهم
وأنصحك مثل ما نصحوك بقية البنات لفلفي في النت وتصفحي مجلات يترقى ذوقك أفضل

وفاء الجداوية

حمستيني أشوف ذا البيت ممكن ترسلين لي وصفه على الخاص ؟؟
أو لو إنك مصورته تنزلين صوره ؟؟

ملكة الليل

مبروووووووووووووووووووك عزيزتي والعتب على النظر وعقبال ما تسكنون إن شاء الله

رتوش

تصدقين عاد إني مانيب أطلع إلا ويييييييين وويييييييييييين بس إني من يوم بدينا نفكر بالعمار وأنا كل مامشينا فتحت عيني على هالمحلات وحفظت عناوينها

وينتك مابعد رحنا له لكن جبت عنوانهم من موقعهم
http://www.winteksa.com/contactus.html

هو فرعه الرئيسي في جدة
في شارع الملك فهد أما سوبرماركت بن داوود
وهذا رقم تليفونهم في جدة
2240041
6730583


والله يوفق الجميع

أوه صح قبل لا أطلع محد شاف لي عنوان السدين ؟؟؟ <<< بتنضرب هههههههه