بنات ابي اصبغ مطبخي بس مادري وين؟؟ ياليت تفيدوني؟؟؟؟؟؟؟؟؟؟؟؟؟؟؟؟؟

مساكم الله بالخير ..

كنت بروح ارقد هلكااانه من الشغل والترتيب والتعزيل .. بس قلت لابد اني ادخل واسولف وياكم اشويه .. لان اليوم بدأت اجازة منتصف العام الدراسي واخيرااااااا بنرتاح اشويه من قومة الفجر ..

رتووش ...
سلامته المحرووس .. ما يشوف شر .. ان شاء الله في عدوينه .. بس لحفيه عدل يمكن من البرد ضرب له فيوز .. ككككككك .. واما هاذي مدرسة بنتك يبغا لها شناااااق ؟ يعني استخااارة على كل سؤال نكتة جديدة .. الله يعين طلابها ليش ما غيرتي صفها ولا هي تدرس كل الصفوف ؟ الرياضيات من اصعب المواد .. الله يوفقها ان شاء الله .. دعواتك لها ترى دعاء الام مستجاااب .. >> ما يحتاج اصلا نوصيك .. واما العزيمة انا عنيدة ورأسي يابس اليوم هاوشني زوجي لانه شايفني قاعده احضر المنيو واتصل للمطاعم .. بس والله مو تعب وانما جذي جذاك الشقة اصلا بتفضى وبتتنظف خلني اعزمهم مرة وحده قبل لا يتزوجون وقبل لا اولد .. لان لو تزوجو هم اللي راح يعزمونا .. ولابد الاهل اعزمهم فشيلة بس اهما .. وكل الاكل من المطعم حتى الحلى >>>>>رأسها يااااااااااابس !! وهو يبغانا نطلع قبل لا يبدأ الشهر الجديد .. لكن احنا ما علينا منه انا قايلة حق زوجي ما اطلع قبل ال20 اليوم .. ما له حق اصلا جان خبرنا قبل ..بس حجته ان الشقة الثانية جاهزة والنقل علباله هين .. كفاية الاثاث يخترب ..

نبراس البيت ..
يا هلا ويا مرحبا فيج يا بنت ديرتي والله اني فرحانه فيج وحاسه انك خبيرة في البنيان وما ابغي اسألك اسئلة وااايد اخاف تطفشين .. وتقولين ابتلشنا فيها ... خخخخ .. بس انتي اللي قلتي تحبي تخدميني .. >>>يودتها عليج ؟ ههههه.. واذا تقدرين تذكرين لي احسن المحلات اللي تعاملتي معهم من بناء البيت لحد الان .. يعني كل المراحل واهم شئ الصبغ والجبس لان اسعار محلات الديكور احسها غالية اشويه وانا ابغي شئ بسيط ؟ في وين سويتيه ؟ والمنيوم النوافذ ان شاء الله اروح اشوفه بس كيف اسعارهم .؟ وهل يسوي ابواب بعد ؟ ووين موقعه بالضبظ ؟ والابواب الخشب وين سويتيها ؟ اللي هي ابواب الغرف .. في اي نجار ؟ اممممممم بعد ابواب الكراجات والشارع ومدخل البيت وحديد السلم وين سويتيها ؟ وما انسى الحمامات والارضيات والاطقم الصحيه ....ولو عندك اي محل ارتحتي في تعاملك معهم انصحيني فيه فالدين نصيحه ولك عليها ثواب كبير ..
طبعا الاسئلة كثيرة واذا عندك امكانية تردي علي جزاك الله خيرا تكوني سويتي فيني معروف .. واذا ما تقدرين بعد مشكورة ما راح ازعل ابدا .. اهم شئ تطلي وتشاركي ويانا على طول ..


لاني بصراحه افتقدت خواتي البحرينيات مع ان خواتي السعوديات ما يقصرون اببببدا وفيهم الخير والبركة بس محلاتهم ما اعرفها وما استفيد لو عرفتها .. واعتبرها هاذي فرصة اذكرهم اللحين واسلم عليهم يمكن يتابعونا من بعيد وعالصامت ( قهورة ..ان شاء الله خلصت غرفتها وسكنتها بالعافية عليها ويمكن مشغولة بالدراسة وبالعمل الله يوفقها . ورقة وردية .. ما قصرت على طول تجاوبني وتنصحني بالخاص او بالعام وياربي تكون سكنت بيتها واستقرت فيه .. الاجنحه المتكسرة .. اتوقعها ما عندها انترنت لانها كانت تتابعنا من الشغل وطرشت لها رساله وما ردت فإن شاء الله تكون بخير وبصحه وعافية .. )

نشمشم نشمو......... ياحبي لك :heart:

ترى مازلت على نفس المنوال:3_13_12: ههههههههههههههههه حتى بعد الـــــ ..........:22:


واكييييد إني معك على الخط... يابلادي واصلي واحنا وراكي
’’’’’’’’’’’’’’’’’’’’’’

شرينا بيت .....ايش اللي مو فاهماه ؟؟؟

احس اني ماني فاهم شي

فاهم والا فاهمة؟؟؟ هل التاء المربوطه سقطت سهوا ؟؟؟؟؟؟
سين سؤال : انت ذكر ام انثى؟؟؟ ست والا راجل؟؟ عشان نعرف نصيغ الكلام الموجه لك

بس انا حاسة انها سقطت سهوا..صح؟:42:

’’’’’’’’’’’’’
شاعرة غايبه الظاهر عشان الاختبارات ...صح شويعرة ؟

رحبوووووبه... هلا اختي
بالنسبه اي افضل صراحه ما ادري عن ربع لمعه بس اشوف نص لمعه ممتااااااااز في التنظيف ولاتشيلي هم اللمعه لان شكله مطفي وتقدري تشتري عينه من اي لون نص لمعه وتجربيها عشان تحكمي بنفسك

التجربه خير برهاااااااااااان

’’’’’’’’’’’’’’’’’’’’’’’’’’’’’’’’’’’’

ماشاء الله غلا ..لقيتي لك اخت من البحرين.... وشكلها ماشاء الله خدووومة وحبوبه

نبراس البيت لا اوصيك على غلوووو ..همتك معاها

’’’’’’’’’’’’’’’’’’’’’’’’’’’’’’’’’’’’’’’’’’

شرينا بيت....مطبخك ايش نوعه ..خشب صلب والا خشب ام دي اف

لو خشب عادي اتفقي مع محل نجارة لان عندهم اكيد عامل دهان

ولو ام دي اف.. اتوقع دهان السيارات واسمه ديكو هو انسب شي .. وهذا الدهان بعضهم يستعملوه في دهان الابواب الخشبيه

رتوش.............. صح سقطت سهوا ..........