كوبونات الراقية تسجيل الدخول

سنوبي
سنوبي •
بنات ابغى احسن شركه تبني بالتقسيط
انتظركم
شاعرةالمليون
شاعرةالمليون •
مضاوي العسل مضاوي العسل :
ماشاء الله عليكم ياهل الرياض وجده تحتارون بالمحلات من كثرها وشنقول حنا ينعدن عد الاابسالكن مافيه عندنا من محلاتكم له فرع بحايل:44:تصدقون بنات اليوم ودي اصيح من القهر لي كم شهر اكتب واخزن اسماء السيراميك والبورسلان واليوم يتكلمون عن البرد لانه صراحه حييييييييييل برد السنه قالو ان شاء الله البيت مافيه سيراميك حتى الممرات والمجالس بالشتاء يثلج قلت نحط قطع سجاد بعدين اهم شي غرفة الجلوس وغرف النوم قالو ماينفع بعدين قرايبنا سبب لهم امراض وهم فارشينه قطع صغيره :icon33:والله من بعدها ضايق صدري عاد انا اموت في شي اسمه سيراميك احس يعطي فخامه ونظافه قولولي كيف اقنعهم تكفون طلبتكم وتصبحون على خير للجميع
ماشاء الله عليكم ياهل الرياض وجده تحتارون بالمحلات من كثرها وشنقول حنا ينعدن عد الاابسالكن مافيه...
هذا ايضا باب سحاب



ارائكم تهمنا,,,,واذواقكم مطلبنا :)

اخت مضاوي هلابك وبااهل حايل كلهم

فعلا البرد شاد حيله هالسنه عندكم الله يكتب لكم الاجر
الوالده الله يحفظها لا جات عندنا ونقوول برد تضحك علينا
والااخواني ,,,على طول المكيف
اقولهم ماشاء الله جاين من لندن هههههه
وبالنسبه للمحلات ماااادري
الوالد ,,,اخذ كل شي من الرياض يقول فيه محلات تسوي لك طلبيه
بس هو فضل انه يروح وبنفسه

اما مسالة الاقناع ,,,اعتقد انتي اعرف وحده باهلك وطبايعهم
ونقظة ضعف كل منهم
فالاقناع ,,,ليس بالسهل خاصة اذا كان مع
اناس مش مرنين ,,,لكن ممكن تبينين لهم ان الشتاء
مره وحده بالسنه ومايطول كثير وممكن تتغلبون على هالمشكله
مثل كثير من الناس بفرش السجاد بالشتاء
وحاولي من هنا مني من ناك ممكنتلاقين فايده

سنوبي هلا بك ماعندي خلفيه والله
المتكلة على الله
المتكلة على الله •
أهلين حبايبي أنا متابعة لكم بصمت من البداية بودي أن أسألكم حنا اللحين إنتهينا من العظم وراح نبدأ بالتليص بالنسبة للديكورات الجبسية أفكر أن أجله بعدين حسب الظروف فهل له علاقة بالإضاءة سبوت لايت ومتى تكون بعد التليص أو بعد لأن الكهريبائي وضع بكل غرفة ثلاث فتحات بالسقف فهل لازم نحدد مكان إضاءة سبوت لايت قبل التليص
كانت معي
كانت معي •
السلام عليكم ورحمة الله وبركاته



..... وكلما مضى بي الوقت مع أخواتي هنا في الديوانيه
يزيد اعجابي
وتزيد محبتي

فجزاكم الله جميعا خيرا
وجعلنا ممن يتعاونون على فعل الخيرات .....





شاعره
أشكرك على ردك بخصوص الطفل
وتنمية ثقته بنفسه
وتهيئته للاعتماد على النفس

وكلامك جدا رائع عن التربيه والأبنااء
وأفضل النصائح هي التي تكون نابعه عن تجربه

وحتى اجابتك لغلا عجبتني مرره وفيه أشياء كثير من اللي تحدثتي عنها
أنا مجربتها مع صغاري وآتت ثمار طيبه بحمد الله
مثل ( اسلوب القصه ) حين أريد أن أحذرهم من خلق سيء يجب البعد عنه
أوما شابه ذلك

غلا
نصيحة شاعره في الصميم
وشوفي حبيبتي
حاولي تعودين نفسك على الحلم
ترى محسوبتك ( أنا ) كنت في بداية تجربتي مع الصغار كثير أتوتر وأزيد من حجم المشكله
وهي تكون أسهل من ما كان تفكيري يصور لي
وكنت أعصب أحيانا
لكن حاولت
وترى العلم بالتعلم والحلم بالتحلم
عاد انتي الله يعينك خاصه انك حامل والفتره هذي تكون الوحده فيها
على جريف >> زي ما يقولون

وياليت فيه دور حضانه بالساعات زي ما تقول ساره
كان استفدنا منها كثير وفكتنا من مآزق يا كثرها :44:


سارا
سلامتك من الشر
لا بأس طهور ان شاء الله
حسك بالديوانيه له مكانه
ربي يحفظك ويديم عليك العافيه



ورقه ورديه
حلوه الأرضيات ما شاء الله ربي يبارك لكم


أخت مضاوي
حاولي بأهلك عساهم يوافقوك بأمر السيراميك
واذا ما جت الأمور على ماتتمنين
لا تضيقين صدرك بزياده
ترى أحيانا نكره أمر من أمور حياتنا ونكككككبر سالفته (.. يا كثر ما سويتها .. )
وبعد فتره من الوقت تطول أو تقصر
يتبين لنا أن الخير كان في الواقع اللي صار
مو في ما كنا نتمناه
سبحان الله
(( وعسى أن تكرهوا شيئا ويجعل الله فيه خيرا كثيرا ))


قمرا
صور المغاسل حلوه
خاصة الأولى >> عجبتني مره

لكن اذا أسعارها في 18 ألف وحولها :09:!!!!!!!
صراحه صعععبه


تحياتي لكل البنات

الحمدلله ... كم مره نروح بيتنا وأقعد أدور فيه وفي غرفه شوي شوي
وهات يا تخيل و تأمل
مادري أحس لما أدور فيه بأحاسيس حلوه
ويارب يتمم علينا كلنا ويوفقنا وييسر أمورنا

اموووووووونة2007
اموووووووونة2007 •
المتكلة على الله المتكلة على الله :
أهلين حبايبي أنا متابعة لكم بصمت من البداية بودي أن أسألكم حنا اللحين إنتهينا من العظم وراح نبدأ بالتليص بالنسبة للديكورات الجبسية أفكر أن أجله بعدين حسب الظروف فهل له علاقة بالإضاءة سبوت لايت ومتى تكون بعد التليص أو بعد لأن الكهريبائي وضع بكل غرفة ثلاث فتحات بالسقف فهل لازم نحدد مكان إضاءة سبوت لايت قبل التليص
أهلين حبايبي أنا متابعة لكم بصمت من البداية بودي أن أسألكم حنا اللحين إنتهينا من العظم وراح نبدأ...
السلام عليكم ورحمته وبركاته

كيف الاخبار,,,الاخت الفاضله قمرا,,اقصد بالشريحة (ادخل النت عن طريق الوصلهUSB)
شفت شلون واشوى انها سلكت معي لاني شفت عزاير بقعاء ان كان قد سمعتي بها:32:,,,
لان مايرضى يشبك بالنت الا بعد مافزعت العالم ومابه احد من موظفي موبايلي الا ماسمعته صوتي الشجي ههههه:scream:

المهم فرجها ربي,,,,,

سؤااااااااااااااااااااااال؟؟؟

وش رايكم بالسقف المستعار للمطبخ (ستيل)؟؟؟؟

ازعجت :arb:اقووول ابغى الجبس الفرنسي بس ماقتنع فيه احد شاير عليه بالستيل يقول انظف
وانا ماعرف احد مسويه:44:


انتظر:icon35: