omamoory :

الإضاءة المخفية عندي بيضاء بس انتي تقصدي اللي بالمتر ( ماعرفتها الا من سكر مكر الله يذكرها بالخير ) هذه بحثت عنها كثيرا لو تفتكروا اني حطيت عنها سؤال ما لقيتها في المحلات العادية شكلها موجودة عند الناصر وقالت لي ام سعود عند الترا لايت ومافي فرع عندهم في جدة يمكن في في الرياض بس الخلاصة بعد البحث سالني زوجي طيب صديقاتك ما قاللولك عن سعرها قلت الا يمكن في حدود 90 ريال المتر قال اصرفي نظر عنها مافي غير الأقلام نسقطها زي اول :( وسيبيكي من مجلات الديكور قمة التحطيم :) شفتوا برأي لو تشتريها فقط للمجالس والصوالين تحت وتكون صفراء بيكون مناسب اما فوق اعمليها بيضاء لأنه بصراحة الصفراء بالمرة ما ترتاحي معاها لو تكون طول الوقت لازم في غرف النوم وصالة المعيشة تكون في بيضاء للقراءة ومشاهدة التلفزيون على فكرة وانا اقلب كتالوج الفدا من فترة قريبة وجدت انهم يبيعون هذه الإنارة برضه بس الفدا اييش تتوقعي اسعارهم اكيد غالية ونار سرالم : مالقيتي نوع اطار سبوت فضي بأطراف ذهبية 0 دلتني عليه رتوش الله يذكرها بالخير ) انا حاطة منه في مجلس النساء وغرفة النوم بصراحة روعة مع انه عندي في غرفة النوم السقف فيه ذهبي وناوية في المجلس الون ذهبي برضه وطالع حلوبس اشوف اذا كان عندك ذهبي في الجبس تحطي اطار ذهبي افضل من الفضي السادة ورود الدار : تسلمي يالغالية وانا كمان افرح لما اشوف اسمك ام حنونة وطيبة مبروك البلاط وان شاء الله تتوفقي في جميع اختياراتك يارب وفاء الجداوية : الف مبروك طيب البوتشينومعروف انه رخام الحين نزلوا زيه بورسلان من فين اشتريتيه وبكم المتر سنوبي : عزيزتي لا قروب ولا شيء بس ما شفت سؤالك واكيد الأخوات ما نتبهوا زيي ممكن تقولي ايش كان سؤالك سارة : الف سلامة ليكي ما تشوفين شر الله يقومك بالسلامة ملكة الليل : لا تخلينهم ينزلون السقف كثير زي ما قالوا الأخوات عشرين سانتي يكفي وانا زيك في السابق لما كت اشوف تمديات السبليت اقول نازلة مرة بعدين صارت مزبوطة لا تخافي اسفة اذا كنت نسيت احد

الإضاءة المخفية عندي بيضاء بس انتي تقصدي اللي بالمتر ( ماعرفتها الا من سكر مكر الله يذكرها بالخير...