gaamra :

السلام عليكم ورحمة الله وبركاته استرخاااااااااء اخس يالمسترخيه ماتبين احد يرسل لك على الخاص المهم حاولت ارسل لك رقم الدهان على الخاص مع صوره مرفقه مو للدهان خخخخخخخخ لا لحاجه ثانيه المهم هذا رقمه بسرعه اكتبيه هذا رقم المهندس المسؤل عن الدهانات اسمه محمد ابراهيم مصري واطلبي الطاقم الفلبيني لانهم صلحوا لنا دهان الاقواس والسقوف قمه في الذوق 0569795916 نوضا بالنسبه لسؤالك عن الدواليب ماشاء الله البنات ماخلوا لي شيء اقوله والمغاسل احنا ساكنين من ثلاث شهور واكثر وتونا نصلحها مبنيه طبعا بس والله دوخت راس لاننا احنا الي اشرفنا عليها واخترنا سيراميكها ورخامها وحوضها وخلاطاتها بصراحه حووووووسه وباقي لنا المرايا حقتها الي في السوق غالي او شين للحين ندور على شيء حلو وسعره معقول بنات ماتعرفون محل ممكن يبروز لنا المرايا زوجي يقول معاد فيه مش ممكن ؟؟!! العسل الحلو والله مقاولنا ماعليه بس انه خرب لنا جدار حمام العيال مايل وتعبنا في اللياسه عشان نعدله وغيره ماعرف اذا تبينه قولي لي؟ عاشقة النورس الي بناها حقين الي يصلحون المشبات تعرفينهم وبعدين بنينا عليها جدار وتركنا بس فتحت المدفئه وبعدين اعطينا الجباس الصوره الي نبيها وصلحها لنا والريحه تطمني مافيه لان في آخرها مروحه تشفط الريحه والدخان ملكة الليل كان الله في عونكم الله يطوي لكم الايام وتروحون وترجعون بالسلامه وتخلصون بيتكم باقرب وقت وتسكنونه على خير يااااااارب سارا الله يعطيك العافيه والله لا يضيع لك تعبك معنا ويجعله في ميزان حسناتك فيكتوريا بالنسبه لديكور البيت انا ناويه اخلي الي تحت مثل ماقالت رتووش والي فوق مودرن والصبغ الي تحت مدخل النساء مع الصاله والمجلس والممرات لون واحد بس مجلس النساء شوي اغمق والمقلط تفاحي ومدخل الرجال نفس لون مجلس النساء درجات البيج والمجلس سكري وطبعا كلها شانتكس من الجزيره والدور العلوي غرفتنا شانتكس زهر فاتح وخلفية السرير شامواه ورد الطايف والمدخل بنفسجي غامق والصاله العلويه تفاحي نفس المقلط شانتكس وغرفة الاولاد درجتين سماوي امواج والغرفه الثانيه خربزي والملحق الي فوق اصفر والدرج ستوكو سكري تقريبا وهذا الي عندي تعبت غلا الروح مبروك مقدما الشقه الجديده والله يسهل لك النقل صلوات على محمد الله يجزاك خير على الصور وياعمري المنتدى منور بك وبكل اخواتي الغاليات وانا شبه مرابطه هنا واسألوا ورود عن السبب ومبروك على الاجازه وعقبال ما نبارك لك في النجاح وفي السكن يارب مبدعه في الحياه الاقواس مثل ماقلت لك وانا والله مدري عن الدرجه بس شوفي الخاص وانا شفت المافيا الرابط حطته لنا حلوه بدون بس ماعتقد ان جمعتهم احلى من جمعتنا ؟ رتوووش الله يبلغنا العمره يااااارب وان شاء الله نتقابل هناك باذن الله ناويه اذا الله اراد لي عمره اني اشتري لي عبايه قصيره لان المره الي طافت تشققت عباتي من رجول المعتمرين واذا شلتها شكلي غلط دلوعة من احبه هلا ياعمري كيفك ؟ بشريني ان شاء الله طلع المخطط تمام وراضيه عنه ؟ ساره ياعمري احس بشعور غريب لما اقرأ ردودي السابقه وودي انوه اني كنت ناويه اخلي المدفئه حجر بس هونت وخليتها جبس بس تبون الصدق انها تقيد في الاثاث وانا من الناس الي احب اغير مكان الكنب كل شوي والمدفئه مقيدتني وتراها تنفع ديكور اكثر من التدفئه اشوف ان المشب العادي تدفئته افضل هذا والله اعلم ام عموري اهلا بهالطله بالنسبه لارضية مطبخك يمكن بلمعه انا مطبخي شفتي صورته فاااتح بس الحمدلله ماتعذب في تنظيفه!! بشريني وش صار على المستودع ؟ وهل قررتي تفصلين مطبخ ؟ والدهانات وش صار عليها ؟ فيه بنات مختفيات امثال ان 73 وياصغر الفرح وبنات كثير ؟؟

السلام عليكم ورحمة الله وبركاته استرخاااااااااء اخس يالمسترخيه ماتبين احد يرسل لك على الخاص...

gaamra :

بنات البارح ماقدرت انام بالرغم اني تعبااااااااااانه حدي ههههههه عدوه مانمت الا مع الفجر والسبب اني تعبت من العزيمه واستغرب الي بيتها دورين ولا عندها خدامه كيف تتحمل التعب والعزايم ؟؟؟؟؟؟؟؟؟؟؟ وامس كان عندي عمال ماراحوا الا مع العشاء على جية الضيوف بس الي هون علي اني جبت شغالة اهلي وهذي اول مره اجيبها وعندي عزيمه بالعاده انا اسوي كل شيء لكن مدري وش فيني ذا المره تعبت تعبت مره وماصدقت انهم راحوا على خير بنات احس عزايمنا يالسعوديين تقصير عمر للحرمه والله والزوج وش عليه بس يستقبل الضيوف وياكل ويشرب واذا قصرتي بشيء اكلك بقشورك كنك ماسويتي شيء رايكم وش الحل؟؟ من سلبيات العزيمه ولدي سخن علي اليوم لاني اهملته امس كله في المطبخ ومشكلة ولدي ماياخذ الدواء وكذا لين يطيح مره وحده ونعطيه ابرة مضاد

بنات البارح ماقدرت انام بالرغم اني تعبااااااااااانه حدي ههههههه عدوه مانمت الا مع الفجر والسبب...

استرخاء :

[QUOTE=gaamra;17746858][SIZE="5"][COLOR="DarkRed وعليكم السلام الله يعينك والله ياعمري انتبهي لنفسك لا تكرفين بزياده ترى محد داري عنك اذا تعبتي............ وما يوجس النار الا واطيها اساليني:44: انا في الشهر عزيمتين كبار يعني 25 رجال واحيانا عوايل عاد تكمل سواء عندي شغاله ما عندي شغاله العزايم قائمه على قدم وساق واحيانا عزايم الرجال وسط الاسبوع وتدرين العيال يبون تدريس والعزيمه تبي جهد يعني باختصار العزايم ماساتي ههههههه وتحسبين ان الرجال بيشوفك قمتي بعمل بطولي ولا بيهمزك وبيقول تعبتي معنا الا بيتعود على العزايم وبتكون عنده شي عادي دام فيه من يقوم بها انا ما ودي اخربك على رجلك هههههه لكن الحياه تعاون ترى الرجل السعودي تعود انه ياخذ مايعطي اذا يبي يعزم باستمرار اما يساعدك ولا يجيب خدامه تساعدك لان يد الواحده لاتصفق يعني عزيمه وعشاء وعمال وتنظيف ليش ما طلبتي الاكل من المطعم :(رايكم وش الحل؟؟ الحل قلته لك فوق ولا تعودينه على كثر العزايم خخخخ الله يشفيه يارب وضحي هالشي لزوجك علشان يتوب من العزايم وبالذات في الشتاء هههههه

[QUOTE=gaamra;17746858][SIZE="5"][COLOR="DarkRed وعليكم السلام الله يعينك والله ياعمري ...