من طيب اصلكم يالغالين ..

يا عمري يا ام العصافير والله انج اصيلة وحبوبة وتنحطين على الجرح يطيب من كلامك الحلو واخلاق السنعة .. ومواضيعك الاحلى ..

ما ادري ليش احس ان عندي طاااااااااااااقة كبيرة اذا جا طاري البنيان والبيوت والاثاث ولوازم البيت يمكن لاني من يوم كنت صغيرة وانا احلم يكون عندي بيت واتخيل اثاثه واتخيل نور الشمس وهو داخل البيت ؟... احلاااااااااااام ..
ويمكن مو بس انا البنت الوحيدة اللي جذي بل كل بنت تحلم انها تملك بيت لحالها ملك لها ولاسرتها ..

الله يوفقنا جميع ان شاء الله ويحقق لنا مرادنا .. وبشرينا كملتي مراجعة ومذاكرة للعيال .. الله يخليهم ويوفقهم في اختباراتهم على فكرة احنا اللحين عندنا اجازة المدارس (الاخت مدرسة خخخخ يعني هالايام فاااضية هههه) انتو متى اجازاتكم ..؟؟

الاخت سحر ما شفنا سؤالك ليش مسحتيه ؟؟؟ وصدقيني البنات اهني كللللللللللهم حلويييين من راعية الديوانية لكل البنات لا تزعلين اختي حطي سؤالك وان شاء الله تلقين الاجابة ..

حيا الله سحر بين الجميع
لا ديوانيه مختصرة ولا اشي بس يمكن محد لنتبه لسؤال لان الصفحات كثيرة ما شاء الله

ورينا مخططك سحورة ولا تزعلي اكيد محد راح يقصر معك يا قمر :)

بنات وين احسن الدرج اللي في النص في الصاله والااللي على جنب

ارفقت صورتين ما طلعو من ساعه ان شاء الله يطلعون .. لعيون قمرة عشان تحفظهم :)

قمرة سوري عمري لفظت اسمك غلط ما ادري ليش يمكن فيروس >>>اشدخل هههه :09: :hahaha:
انا رديت على سؤالك بخصوص البلكونة شفتيه ؟؟
طيب ما عليش استحملوني اشويه تراني غشيمة شنو معنى ( الترويبه ) ..:42: عشان اعرف شنو تقصدين ؟

رتووش .. كلامك جميييييييل جدا واستفدت منه بارك الله فيك ..

غـ؛؛؛؛ـريـ؛؛؛؛ـبة ما عليش على اللقافة بس ليش وقفتو ؟؟ قصدي اذا كان السبب تقني وظيفي عملي مو خاص ممكن تذكرينه لنا نستفيد اما اذا خاص .. فسوري على اللقافة ههههه :hahaha:

دانه الشرقيه ما شاء الله هذا بيتكم ؟

^سحر^ نزلي المخطط .. لاني ما شفته بتاتا ؟


بنات عندي شئ مهم خلونا نتناقش فيه ...

كيف نحط نضع نخلي ( :hahaha: ) ميزانية او بجت للبناء .؟؟؟؟

لان مرات نمر على بيوت بالاشهر مهجورة ومتوقف البناء فيها ؟؟؟ والسبب ؟

الفلوس البيزات القروش الموني خلصت وراعين البيت صرفوها على اشياء فوق استطاعتهم وقعدو على الحديدة .. ؟؟

والله اني خايفة يصير لنا جذي تخلص فلوسنا على البنيان وما نقدر حتى نأثث البيت ؟؟ ونجلس مو على الحديدة على البلاط ههههه

يالله همتكم يا خبيرات علمونا ..

اقول تراني سويت لكم لون الخط بالاحمر عشان تشوفون السؤال عدل مدل ؟ واللي ما مداها تشوفه ترفع الماوس فوق اشويه وتقرأه ؟:30: بلا عيارة .. :22:

بنات عندنا احنا شركات تعمل بيوت جاهزه للبيع بأسعار تبدا من 162 الف دينار

انا شفت بيت تقريبا مساحته 500 متر

بالحوش يوجد ديوانيه رجال خارجيه عالجنب وفيها باب داخلي
الدور الأرضي يتكون من
صالتين كبار مفتوحه على بعض + حمام ضيوف
وغرفتين نوم بينهم حمام

ومطبخ فيه باب خارجي منقسم قسمين قسم للثلاجات والفريز وقسم الأخر المطبخ

وفيه غرفة سايق + حمام باب خارجي الى المخرج

طبعا الدرج يكون على الجنب من الصاله


الدور الأول

4 غرف نوم + حماماتهم

وصاله كبيره بعدين غرفة الماستر + حمام

طبعا كل غرفه فيها مكان مخصص منعزل لخزانات الملابس

وفوق الدور الثاني

غرفة خادمه + حمام

+ غرفة غسيل وملابس وكوي

وسطح كبير لعمل مخزن او اي شي احتاجه


اشرايكم فيه ؟؟؟؟؟

صراحه الصالات كبيره وتشرح القلب وغرف النوم كبيره

والأرضيات خالصه السراميك

والحمامات بعد السراميك راقيه والوانها حلوه

بس حمام الضيوف مخلينها لصاحب المنزل اهوووو يسوييي

وقال لنا المندوب اي تغيرر وتكسير بالبيت وتعديل نسويييه قبل استلامك للمنزل

واي ملاحضات راح نعدلها لك من غير زياده بالمبلغ


بس طبعا هذا يطلب منا اخذ قرض اسكاني

شو رايكم

حاليا انا في بيت اهل زوجي شقه كامله ومرتاحه ومن غير دفع ايجار

بس نفكر بالمستقبل