اخواتي الغاليات على قلبي انا ماقصدت ازعلكم او اجيب لكم الحزن انا بغيت منكم في هاليوم الفضيل واكيد ان فيكم ناس كثير صايمين انكم تدعون بس لموتانا وتراهم دايم على بالي مو بس اليوم
والله يجزاكم خير ويخلي لكم كل غالي ويرحم امواتنا وامواتكم ويجمعنا بهم في جنات النعيم
(ام العصافير- رتوووش - نشمية الروح- سر الالم - شاعرة المليون)
الله يخليكم لي ومشكورين عالدعوات الحلوه
رتوووش
الله يرجع لك زوجك بالسلامه وتقر عينك بشوفته سالم غانم
سر الالم
لاتحسبيني بحط عين كتكوت لا بسم الله علي هذا انا صورته من فيلا للبيع
وابوابي مفاجئه
وبعدين وش تقصدين بالوجيه التعبيريه .........؟؟؟؟؟؟؟؟؟
طي السنين
بكم الالمنيوم ؟ وايش صلحتي؟ لان اكيد الخشب ماتنفع للحمامات
والمكيفات اللي اعرفه ان السبيلت اللي بنحط ممددين له عالسطح يعني نفس الفكره ولا كيف؟
والسيراميك خلاص بحاول الليله اروح للبيت واكسره


(استرخاء-وفاء- ياصغر الفرح- ام نوري ...........وبنات كثير)
وينهم ؟؟؟؟؟؟؟؟؟؟؟؟؟؟
ام عموري
البوفيه ماراح يجيه مويه وبعدين بحط عليه رخام وبنصبغه بويه
غلا الروح
بالنسبه للرابط قد قريته الله يكفينا شرهم وآذاهم ويجعل كيدهم في نحرهم
يالله الحين انا مشغوله مع السلامه

جزاك الله خير قمرا على التذكير وصدقت هذه هي البيوت التي يجب ان نفكر في اعمارها بالعمل الصالح

شاعرة المليون جزاك الله خير على التذكير

مبدعة افكار شاعرة حلوة ضروري تكون غرف النوم مفصولة عن الخدمات والضيافة عشان ترتاحوا بس هذه مشكلة لو انك تبغي تعملي شقق في الدور الأرضي والثاني خاص بيكم ايه رأيكم لو تعملي شقق في الدور الأرضي وفيلا بدورين مع الملحق وتكون بدرج داخلي خاص بكم وتستخدمي الملحق كغرف نوم خاصة بكم فقط وتحت منطقة الخدمات ( المطبخ والخادمة والصالة ومجالس الرجال والنساء )

قمرا الألمنيوم ما أدري بكم بس شفته عند محلات الي يسوون المطابخ من الألمنيوم الملون وعندهم الأبواب نفس الشي

بالنسبه للمكيف هوه سبلت يونت بس مب الي ينحط على الجدار لا النوع الي يتركب بالسقف يعني عند الجبس
يله اشتراه وأنا ما أدري زين أو لا وأحسه يخرب شكل الجبس
اذا حصلت صوره بحطها

والله يسهل على الجميع:26:

نفسي اعرف سرالم وش الوجوه هذه كلها شكلها زي ما قالت رتوش رصتنا كلنا وهي تضحك علينا

شاعرة المليون حلوة الواجهة ههههههههه سبق وشفتها في الواجهات الغريبة حلوة عشان تصليح النور يكون سهل :)

رتوش : الله يحفظ عباده والله حوادث الطيارات تخوف كثير انا احط يدي على قلبي كل ما زوجي يسافر وما انام الين ما يتصل ويقول بلغت بالسلامة واليوم سافر عشان كده لغيت نومة الظهر الين ما تصل الله الحافظ والله يرجع زوجك بالسلامة ويحفظه وجميع المسلمين من كل شر ومكره ولازم المحمر والمشمر ترى والحلى أهم شيء :)

سرالم بالنسبة للرخام فقط ليس بين الدواليب انما قصدي البوفيه يكون فقط رخام من اعلى باعمدة من تحتها بدون دواليب اسفلها او نص الجدار يعني مثل هذه اللي في الصورة الأولى بس شكلها حيكون بنفس تصميم الصورة الثانية

قمرا ..

الله يرحمهم ويغفر لهم وتكون الجنة مثواهم ..والله يلهمكم الصبر والسلوان على فقدهم ..
اللهم لا تجعل الدنيا اكبر همنا ولا مبلغ علمنا
وتغفر لامواتنا واموات المسلمين اجمعين يا رب العالمين
والله ان الانسان مو ضامن عمره في هاذي الحياة .. وخصوصا من اللي يصير في بلاد المسلمين من فسق ومن معاصي استغفر الله رب العالمين ..

بقول لكم بنات عن موقفين صارو لي ومتأثره منهم حيييييل ...... وبليييز تقولولي رأيكم ؟؟ لو مكاني شنو بتسوون بتسكتون لو بتتصرفون اشلون ... طبعا انا ما سويت شئ غير استغفرت ربي ؟؟؟ وعليه توكلت ؟؟ بس احس الانسان ما يكون سلبي في حياته ؟؟

تدون من ساعه كنا رايحين مطعم اذا في بنات راحو البحرين اذا تعرفون شارع المعارض هذا مشهووور بالفنادق وووالخ .. واحنا قاعدين ننتظر في السيارة للبارك الا السيارة اللي قبالنا طالع منها شاب ورايح يحضن وحده طالعه من المطعم ؟؟؟؟؟؟؟؟؟؟؟؟ تخيلو ؟؟؟؟ يا ربي وش هالفسق استغفر الله يحضنها وهي تلعب في شعره وهو ماسك خصرها وهي لابسه ضييييييييق وبانطلون جينس ثلاثة ارباع مو بووت وبدي حفر كاشف جسمها كله من جلد احمر والشعر لوين والميك اب لوين ؟؟؟؟؟؟؟؟؟؟؟؟ يا لهووووووووووووووووي وش هالمصايب ؟؟؟؟ استغفر الله ؟؟ والناس تطالعهم وهما مبسوووطين علاخر .. وانا اقول لزوجي لا يفوتك شوف الموقف لانه كان لاهي ويا البارك .. ههههههههه شفتو غباوتي انبه بعد عشان يطالعهم ؟؟ ههههههههههههههههه


وبعدها دخلنا المطعم وشفنا زوج مع زوجته معاهم الخدامه رمو ولدهم عليها وطلعو وعمره 3 سنوات ونص والخدامه لابسه جينس ضيييييق وبلوزة ضييييييييييقه وشعرها فالته وحاطه ميك اب والعطر يفووووح منها وهي صغيرة وماسكه البيبي وتلعب وياه بخنج ؟؟ تلفت الانتباه بس مسكين كسر خاطري احسه حزين ومتملل ووحيد ؟؟؟ يناظر ولدي ويناظرني انا ويا ابوه كأنه يسأل وين امي وين ابوي ؟؟ ليش راحو عني ؟؟ يالله عن جد تأثرت من هالبيبي وكاااسر خاطري وخايفة عليه من هالشغالة اللي قاعدة تتغامز مع العامل ؟؟؟؟؟؟؟؟ استغفر الله العظيم رب العرش العظيم ؟؟؟؟

سامحوني طلعت عن موضوع البناء بس لانكم خواتي واحب اسولف وياكم عن كل شئ وهالموقفين ليلحين فريش في مخي مو قادرة انساهم ؟؟؟؟؟؟ استغفر الله العظيم رب العرش العظيم .. لا اله الا الله وانا لله وانا اليه راجعون وحسبي الله ونعم الوكيل عليه توكلت واليه النشور ..