صبحكم الله بالخير جميعكم

شاعرةالمليون

لا لا مايصير لازم نهتم بانفسنا شوي يفترض السير عندك مو عندهم يعدمونه خصوصا الاولاد الله يهديهم
والبراده كيف اختك صلحت الدولاب؟
.....................
هلا قمرا بالنسبه لاولادي تجاوزو ولله الحمد مرحلة التخريب
هم يمارسون الرياضه من باب الجسم السليم في العقل السليم
انا امارسها من باب وهل يصلح العطار مافسد الدهر

و الحمدلله رغم المشاغل الاانه...... ولنفسك عليك حق.
0000000000000000000000000000000000000000000
الدولاب مثل ماقالت الاخت رتووش
دولاب ملبس للبراده كلها معدا المصبات اختي عملته تفصيل
00000000000000000000000000000000000000
بالنسبه للمطبخ مهوب باين
000000000000000000000000000000000
الاخت رتوش مره ثانيه الحمد لله على سلامة زوجك
وتروحي وتجي بالسلامه
000000000000000000000000000000000

رتوووش حمد لله على سلامة زوجك وربنا يخليه لكم ويحفظه وانا زوجي برضه امس رجع
وحلوة فكرة تلبييس البراد تعرفي انا ما يعجبني شكلها كده يبغالي اروح محل البادية واشوفه

غلا الروح : بالنسبة للتجاويف انا كنت ناوية اعملها بالطوب بس لما سألت زي ما قرأت في الردود حق المهندسين قالوا الأفضل بالجبس وهذا اللي يعملونه معظم حق الديكورات حتى لو تبغي تشيليها تقدري بسهولة لهذا حعملها بالجبس في الصالة والمدخل ( بنفس فكرة الصورة حق الثلاث تجاويف الطويلة اللي حطتها لك دريمر عرفتيها وحيكون تلبيسها حجر ) وعشان الطوب برضه ياخذ مساحة لأنك حتبني جدارين والخارجي منه تعملي التجويف ام الجبس حتحكم فيه وبمساحته لأني ما حعمل التجاويف عميقة ومو كامل الجدار فهمتي ليه وأنا عاملة تجويف في حمامي وحمام الأولاد بس بطريقة تكسير جزء من الطوب وتليييسه وتلبيسه بالسيراميك طبعا بلون غامق برضه عشان المساحة ما تصغر وطلعت حلوة


الكومبيوتر : اخواتي بالنسبة للأولاد والبنات محتارة جدا ما ابغى احطه في غرف النوم عندهم طبعا لأنه واحد والأولاد يبغوه عندهم والبنات عندهم حقي عندي في الغرفة وحق زوجي في غرفة المكتب بس الأطفال احس ضروري انه ما ينفردوا به من البلاوي اللي تسمعيها وزوجي مصر نخليه في المعيشة والمعيشة بصراحة ما تستحمل ابدا المساحة كلها 7*4 وفيها بوفيه واحسها بتخرب المنظر لأني حستقبل فيها ضيوفي المقربين

يعني فين نحطه محتارة جدا جدا

بنات ادري اني مقصرة معاكم
وشاكره لكل من سأل عني<< محد جاب خبرك..:confused-
بس حبيت اقولكم تدعوا لي لأن الالتهاب اللي عندي وصل لطبلة الأذن وسبب لها تمزق وهالكلام من يوم الخميس الماضي وانا عندي افرازات خضراء تنزل من اذني جداً مزعجة غير اني فقدت السمع بالأذن الخارجية اليسرى واسمع بس بالأذن الوسطى ولما اتكلم كأني احكي جوه علبه وتعور لي القناة السمعية مع الاهتزاز او الهواء... :(
وعملو لي مسحة للأذن وغيروا لي نوع المضاد لكن والحمدلله على كل حال ما في تحسن... إذا ما تحسنت بعد هذا المضاد احتمال احتاج عملية ترقيع للطبلة ...الله يستر من عنده ويرفع عني ويشفيني ويشفي مرضى المسلمين اللهم آمين..

طبعا انا شقرت عليكم بالديوانية كثييير لكن من الصداع والألم ما في حيل اشارك..
واليوم فيه شوية نشاط <<<يارب دايم
وحبيت اشارككم بالواجب..




اللي عندها اجهزه رياضيه مثل السير الكهربائي وين تحطها ؟
في شقتي حطيتها في ركن في صالة المعيشة وقتها ما كان عندي اطفال غير واحد ولما جبت غيره نقلته لغرفة ثانية مجلس ما استعمله إلا في النادر ولما يجوني ضيوف احطه بالبلكون وبعدها صرفت الجهاز..
لكن في بيتي بالمستقبل إن شاء الله ..عندي غرفة إضافية قد تكون غرفة العاب او اي شيء احتمال احطه فيها..

***
والبراده حقت المويه بالنسبه للدور الاول هل تحطونها في المطبخ او برى وتسلكون لها ؟

أنا كنت ناوية احطها بالمطبخ لكن افكار البنات عجبتني واحتمال اسوي وحده قريبة من صالة الطعام العائلية لأنها قريبة لصالة المعيشة..
****
جهازك الكمبيوتر وين مكانه في غرفة النوم ولا مكان آخر؟
حالياً في صالة المعيشة .. واحتمال كبييير بعد البناء كمان احطه في صالة المعيشة ..بشكل جميل ومناسب الله يسعدها ملكة الحسن رسمت لي اياه وهي تسوي المخطط ...
أنا اتكلم عن الديسك توب اللي كل العائلة تستعمله ولاحظي ان الاولاد الحين يحتاجوا يعملوا بحث عن معلومات و اشياء ثانية فالأفضل يكون متوفر ومراقب في نفس الوقت.. أما اللاب توب في الجلسة الخاصة بغرفة النوم إن شاء الله..

****
ياللي عندهم سيراميك اولادهم يتقيدون بالشباشب في البيت ولا يمشون حافين؟
الحمدلله عودتهم من هم صغار على الشباشب وايام الشتاء على الشراريب مع شبشب البيت ولما تعوديهم ترتاحي بس سوي لهم حافز لما يسمعوا الكلام ويلبسوه .. ولا الله يعينك ما يجي منه غير المرض لما يقرص الرجل في ذا البرد..

****
في الصيف مويتنا تصير مغليه كيف تتروشون ؟ لا تقولون من السخانه لانها شوي وترجع حاره
اسمع ان فيه جهاز يركبونه في السطح يبرد المويه هو صدق؟
أنا ما أدري عن الجهاز بس اخو زوجي نصحه بأنه يبني للخزان سقف وهو مسوي كذا ويقول انه الموية موب حارة بزياده .. وكمان الله يوفق البنات فادوني بالأفكار الثانية..

****
ولا ننسى اهم شيء الصلااااااااااااااااااة هل خصصتي لها مكان في بيتك او غرفتك ؟
حالياً غرفتي..
وبصراحة عجبني كلام سر الألم الله يجزاها خير ..


وأخيراً أسالتك راااائعه وفتحت المجال لتبادل الخبرات والأفكار ..
الله يجزاك خير..



:smheart: :smheart:
استرخاء، شاعرة المليون، غلا الروح، رتوووشه ، ام عموري، ورود الدار، ام نوري ، ام العصافير، قموره ، طي السنين، سكر مكر، سر الألم، مبدعة الحياة(سوري اذا الاسم غلط) ، ملكة الليل، أم عزيز، وفاء الجداوية..وكل الأخوات اللي انضموا للديوانية وكمان اللي لهم فترة ما طلوا مثل شمسة ودانة و نبضة صادقة ..
:2thmup: :heart:

جـــــــــــــــ:26: ــــــزاكــــــــــــ:26: ــــــــــــم الله خـــــــــــــ:26: ـــــــيــــــــــــ:26: ـــــــر



وأخيرا بنات للإفادة لما اكتب رد طويل اسوي له نسخ وارسله ولما يطير علي ارجع الصقه ثاني وإن شاء الله يتعدل حال المنتدى ..

القموره
سلامتك ماتشوفين شر
والله يحفظ عليك سمعك ويمتعك به

الف سلامة لك قمورة وما تشوفي شر ابدا وان شاء الله ماتحتاجي ابدا لعملية وفي الأول والأخير الخيرة فيما اختاره الله

بالنسبة للكومبيوتر الديسك توب ممكن تغششينا الفكرة اللي حتعمليها :)

وفاء نسيت كأنك سألتي عن كابينة البخار انا ما اشتريتها لسه بعدين حشتريها شفتي المحل اللي قلت لك عليه اللي عند دوار الجواد الأبيض ( معرض البناء الحديث ) لقيت فيه هناك كابينة متر * متر بثلاثة الف ريال وصيني ممكن أخذ من عندهم او الأباء او اليوبي لسه ماقررت نهائي