ميزتي طيبتي ........لو لقيتي احد يسلف خبريني ...يسلفك للبناء والشوكولاته و يسلفني انا للتأثيث

................................................

وفاء الله يعوض عليكي وترجع فلوسك............ والله قهرررررررر
انا حطيت مبلغ في الرائد وبعد ماشفت بدايه الانهيار سحبته بس طبعا الارباح كلها راحت والحمد له بقي راس المال حمدت الله و بعدها حرمت ..

......................................................

شاعرة........ اليوم اوف ....بس بكرة دوام ..... مفهوووووووووووم؟؟

.......................

غلا مبروك مقدمااا لخطبة اختك ربنا يتمم لها ويسعدها.... وبنسويلها الحفلة هنا بالديوانيه

.........................

اهلين بنات
الحين وش الرابط اللي انا معطيتكم اياه
كلن يشكرني على الرابط
بالله وينه جيبوه ابي اشوفه
مااااااااااااذكر اني عطيتكم راااااااااااابط ابددددددددددداا


غلا الروح
الف حمدلله على سلامه اختك
ماتشوف شر والله والله يجعله طهور واجر وعافيه

استرخاء
انا كتبت عن المحل اللي فصلنا عنده ابواب بيتنا اسمه لمسات التقدم بالتخصصي اكيد بيعجبك
والدرابزين قلت برضه انه الجربوع للمشغولات الحديده في التخصصي وكلهم حول بعض
اتوقع ان هالمحلين من افضل المحلات في التخصصي
روحي وشوفي

بالنسبه للرخام احنا رخامنا روزا كارورا
وخلينا للمجالس والدرج مع ان درجنا دائري فكلفنا كثيير
الله يعين
والله مدري كيف بنسكن الادوات الصحيه للحمات لسه ماشرينها والدرابزين اللي عجبني بيكلف 20 الف
الله يفرجها من عنده

استرخاء
والله خوفتيني يعني لازم اتحايل عليه ونختار الابواب والدرابزين من هالحين طيب الدفع مقدم ولا كيف؟
سرالالم
تكفين علمينا وش صار معك بالنسبه للرخام
والابواب والدرابزين كم كلفكم ؟
غلاالروح
واخيرا طليتي وتقولين ماعندك وقت وانتي كل يوم تكتبين يومياتك مع حضانة ولدك هاااه علينا هالحركات عموما الحمدلله على سلامة اختك والله يتمم على خير وتتزوج بس نبهيها لا تحرق ولد الناس تراه متعوب عليه حرام ههههههههههه
( انا اذا احد ضرب عيالي اصرخ عليه واقول تراه متعوب عليه )
ايه وش عند ملككم جاي للسعوديه من كم يوم ؟
تصدقين اني ذكرتك يوم شفته قلت ياحليله واصل مو زي غلا هههههههههه
وماشاء الله عليك قدرتي تقنعينه يكتب البيت بالنص بينكم الله يهنيكم ويديم عليكم الحب والتفاهم يارب
وبعدين حاولي تعودين نفسك على الاقتصاد لان بتجيكم ايام تنتفين فيها شعر راسك
بالنسبه لي مااحب اصرف كثير لازم ابقي شيء في محفظتي ولا يضيق صدري
وولدك الله يعينك عليه بس حاولي تعطين اختك كورس في حضانه الاطفال يعني خليه عندها ولافيها شيء لا تسوين زحمه وتقولين قلبي مايطاوعني وصعبه انك تختارين وبعدين زوجك من بعدك يحاسب
رتوووش
انا زيك استحي ادقق في بيوت الناس وحتى في لبسهم
سعــ أم ــــود :26:
وينك ياشيخه عجزت وانا انادي عليك والحمدلله انك تذكرتينا
الله يحييك معنا سواء قارئه او مشاركه المهم لا تتركينا
وعسى فلوسك تسد لان التشطيبات من اسمها تشطب على الرصيد كله وزياده
الله يتمم لنا ولكم على خير
omamoory
الله يجزاك خير لمساعدتك زوجك والله يكتب لك الاجر ويعطيك على قد نيتك
شاعرةالمليون
مشكوره عزيزتي ويكفينا طلتك الله لا يحرمنا منك وسلميني على ضيوفك الله يحييهم
وفاء الجداويه
ذكرتيني باختي كان زوجها يرمم بيتهم وكان عندها فلوس من الورث وعيت تعطيه وحطتها في صندوق الرايد ورااااااااااااحت وبقي لها تقريبا الربع يالله لحقت عليها وحطتها في غرف نوم لها وبناتها وكنب للصاله ومكتبه شفتوا النيه لازم الواحد يخلصها
سكر مكر
شكلك خلاص تعودتي تغطين شوي وترجعين بس لازم تتحفينا بآخر المستجدات كالعاده
وسلام مربع لسكورتنا
ترى الرابط مو انتي اللي حاطته هذي اختك الصغيره مره اسمها سكوره هي اللي حاطتها ياحلوه

/////////////////////////////////////////////
وانا يوم اسألكم عن المساعدات الماليه للزوج
هذا لاني اعطيته كل الفلوس اللي عندي من ذهب وانا بعته زي وفاء وقت ارتفاع الذهب واعطيته لزوجي واعطيته الهبه من ابوي الله يغفر له ويرحمه والورث للحين مابعنا شيء نخاف نفترق الله لا يفرقنا ولمحت له انه يكتب نص البيت باسمي وكنه زعل واحيانا تجيني هواجيس اخاف انه ينكرني بالرغم اني ان شاء الله اثق فيه بس الي خلاني كذا زوج اختي الي ماتت الله يرحمها اول ماماتت تزوج عليها وسكن الجديده مكانها وفي بيتها اللي هي ساهمت في بناءه لانها كانت مدرسه الله يرحمها والاثاث ماتهنت فيه توها شاريته تصدقون ان بعض الاثاث اللي شرته من الرياض انه دخل بيتها وهي في المستشفى ولا شافته ولا تهنت فيه واللي تهنى به الجديده وكله من فلوسها اذكرها يوم كانت عندنا في الرياض كل يوم رايحه تشتري من هالاثاث والله ماراد انها تتهنى فيه الله يرحمها ويغفرلها ولابوي واخوي وجميع امواتنا واموات المسلمين
مدري هم الرجال كلهم كذا انا صرت اتشكك في زوجي وادعي ربي انه مايظلمني
والله يسخر لي زوجي ويسخر لكم ازواجكم ويصلح النيه والذريه

الحمد لله على سلامة اختك غلا الروح لا باس طهور ان شاء الله
ما تشوف شر .. اجر وعافية ان شاء الله

استرخااااء
انا سألت عن الدرابزين من قبل بس محد رد الا شاعرة المليون قالت ما وصلنا لهالمرحلة
الابواب المسوقون غالية بس ثمنها فيها
فيه ابواب الزامل برضو غالية بس ثمنها فيها
والحديد المشغول خذي الرسمة اللي تبينها وخليهم يسوون لك عينة
بأي مصنع للحديد المشغول
بالنسبة لمساعدة الزوج انا اشتغل فلازم اساعده صعبة اكتف ايديني واتركه هو بيتي بالنهاية..


سر الالم
امس وحدة تقول لي على بيتها من وصفها حلو جلست ست سنين تبنيه
الارضية كريم مارفيل والنعلة ( تعرفوها حافة الجدار) امبرادور , رخام اسباني بني مبقع باسود
هي حاطته في بيتها تقول روعة ويعطي فخامة .. ارتفاعها 12 سم كل ما رفعتي النعلة تصير افخم
تعرفين في الفنادق كم ارتفاعها ؟ يحطونها 20 سم

سكر مكر
هلابك ..
الرابط هذا هو حطته الاخت سكرة

http://www.sunpower1.com/Arabic/SUNPOWER%20website/Steel%20Furniture.htm

بصراحة روعتيني يوم قلتي الدرج الدائري كلفكم الدرابزين 20 الف ..
ما تخيلت الاسعار كذا
الله يعين