مسااااااااااااء الخير ..

رتوووش ..
ياريت والله انج قريبة مني جان كل يوم والثاني ناطه لعندك وطلعات وتمشيات وروحات وجيات ؟.. واااو ونااااسه ...
انا توني راده من المطعم مع ربعي احس الطلعه من غير يهال نعيييييم ووراحه بال .. واحس نفسي طاااايرة وخفيفة .. لا شايلة حلاوى ولا شايلة الوان ولا شايلة العاب خخخخ >>> اسلحه تستخدمها عشان تلهي ولدها عن مغامراته ..
بس تدرين اقول حق رفيجاتي : اعرف بنية في الانترنت سعوديه حبااااااابه كان ودها تجي ويانا .. اول سؤال قالوه عندها عيال هههههه لان نصهم عزوبيات ونصهم مخطوبات بس انا ووحده متزوجات في القفص الذهبي ( القفص المصدي هههه)

اقول اللحين بدت الاجازة تحملو هذرتي سمعتو تراني اطلع الطاقة المكبوته اللي عندي طول الاسبوع وافرغها في هاليومين ..>> يا تعبانه يانا..!!

سرالالم ..
بعد جبدي انتي .. اذا تبين ارسمه لج ارسل لج صورته ما عندي مانع خخخ ..

مدخل بيتي العتبات او الدرجات مثل الاضلع نص شكل سداسي .. بعدها المدخل مربع .. على يدك اليمين في خزانة للأحذية في الجدار صممتها ( طريقتها مثل خزانة العبايات ) بس من فوق بعد فيها خزاين عشان اغراض الحديقة .. وفي عندج على يدك اليسار نافذة من الزجاج الملون المعشق بس ما تنفتح ..
طريقة المدخل ما فيه اعمده ما احبها ولان مساحته عندي اشويه صغيرة ما حبيت اخليها عشان لا تصغر المدخل اكثر .. قياسه 3.5*2.5 .. شكله في الواجهة شفتي بيت ام السعف والليف اقتبست الفكرة مضلة قاعدة اسمنتية طبعا طالعه منها اعمده مربعية وفوقها قبة بس اسمنتية لكن بخلي فيها قطع من الزجاج الملون ..

المدخل من الخارج بيكون لونه وشكله مثل بقية البيت والباب الخارجي افكر اسويه حديد مطاوع مع زجاج على طول الباب .. اما الارضية فتكون مثل ارضية الممرات والحوش .. ما ادري عاد بس انا يعجبني الفري كت .. يعني اللي تقطيعهم يكون مكسر وحر مو مصفوف عدل .. السقف بيكون على شكل قبه مثل ما قلت مع زجاج ملون ونازلة منها ثريا كبيرة اشويه ستايل مغربي على تراثي لان الواجهة تراثية ..

اما المدخل من الداخل بيكون ارضيته مثل ارضية الصالات بس ما بخلي فيه هالرسومات اللي في الوسط يحطوها لاني اخاف اني اتملله منها او تروح موضتها او اني ابي اخلي سجادة واتقيد فيها .. واما الجبس بسويه اشويه نازل وداخل على جوا عند الباب الداخلي وثريا صغيرة ..

اتمنى اعطيتك الاجابة مضبوطه عدل .. واي سؤال انا حااااااااضرة تراني مفهية لا تشرهين علي ..

واختي خلاص رفضت الصبي ادعو لها الله يوفقها مع واحد اجودي ولد اصول يكون بيته لصق مع بيت ابوي عشان ما تبتعد عن اهلي ..

ام نوري صحيح غاااايبة لها فترة الله يذكرها بالخير عساها سالمه وان شاء الله ما فيها الا العافية ..
وشاعرة .. لا تطولين علينا .. ترانا ما نستحمل غيابكم ..
ام عزيز وام سعود ام العصافير.. عاذرينك لكثرة مشاغلكم بس طمنونا شصار على بيوتكم الله يتمم لكم على خير ..
قمورة الامورة .. طمنينا عليج تراني من تعورني اذوني اتذكرج لاني خايفة تلتهب زيادة ؟؟ الله يعطيك الصحه والعافية وما تشوفين شر ..

بقية البنات الجدد والقدامى .. ملحاها قعدتنا ما تنمل بس حلو تواصلكم .. >> سوت دعااايه خخخ

قمرا ..
محسود الفقير على موتت الجمعه هههههههههههههه .. اقساط 20 سنه مو لعبه .. ب سالملك الله يحفظه سوا لنا تخفيض رسوم اسكان 50 % .. يعني تخيلي بدل لا تدفعين 100 دينار شهريا تدفعين 50 تفوق صح ؟ بس المشكلة المبلغ جدا قليل ما يكفي ابببببببدا ؟؟ لازم تأخذين وياه نفس المبلغ عشان تكملة البنيان هذا غير اقساط الارض ؟؟ والاجار ووووو الخ .. الله كريم .. ويعين الجميع ..

انتو شلون نظامكم في السعودية يعني الحكومة اشلون تساعد الشعب على السكن ؟؟ وكيف طريقتكم في الدفع ؟؟
وانا اشوف ان انتو عندكم الشركات اللي يشتغلون فيها ازواجكم كأن يعطونهم قروض ؟؟ انا صديقتي زوجها يشتغل في بابكو .( شركة نفظ ).. بس اخذو قرض من شركتهم وااايد اريح لهم من الحكومة ؟ لان المبلغ اكثر والمده اقل بس الاقساط اكثر ..

هههه غلووووووو حبيبتي وش بابكو ذي والله العمار والبنيان مأثر عليكي كثير وانتي لسه ما دخلت في العميق تعرفي ضحكت من قلبي اسمها ارامكو

صح في شركات كبيرة زي ارامكو الهاتف الحين يعطوا قروض حسب الراتب يعني 70 راتب ثمانين حسب نظام كل شركة بالدور والترتيب اعتقد

بس المشكلة لو احد ما يشتغل في هذه الشركات من فين يأخذ ؟ البنوك تعطي بس ترجع الدبل لهم هذا تحسينها ربا مش سلفة

رتوش : انتظرتك اليوم فين ما رسلتي شيئ

استرخاء : بالنسبة لسؤال عن مقاولة اعمال الحديد نحن بصراحة ما اعطيناه مقاولة والحمد لله ولا كان تورطنا مع الحداد لأنه يومه بسنة تصدقون عمل الحديد حق النوافذ وركبها بعد 4 شهور من الأتفاق مع انه شغله مزبوط والحين تذكرون لما حطيت صورة الدرابزين واخذت رايكم فيه من ذاك الوقت الين الحين ما خلص تعرفين هذول بس يتأكدو أنهم ضمنوكم ويعملو العينات والنماذج بسرعة ويأخذوا العربون وخلاص يقعدوا شهور وشهور وقبل كم يوم حلمت اننا تخصمنا مع الحداد قلت لزوجي لى الغدا ما دري ليه حلمت بالحداد واننا تخاصمنا معاه قام يضحك ويقول لأني اتصلت عليه اليوم وقال انه مش قادر يروح للمحل عشان خايف من الجوازات وكفيله اخذ اقامته وما جدده وحابس حاله في البيت وحلمك يعني أنه اخرته يترحل ومعاه فلوسنا ونحن نلطم :( الحمد لله انها عربون درابزين بس تخيلي لو كنا اعطيناه عربون الأبواب كمان كان بكينا مش نلطم بس الحمد لله على كل حال

مسالخييييييييييير ......
غلا راده من المطعم ومصهلله بس تعالي هنا قوليلي ايش تعشيتوا؟؟؟
وبعدين بسالك الدينار البحريني بكم سعودي؟؟
بالنسبه للسداد زوجي برضه في شركه تابعه لارامكو اسمها سامرف ربحها في اليوم ملايين يهب عليهم
بس مده السداد مو قليلة ابدااااا
احنا نسد شهرياا للشركه 3500 ريال مده 20 سنه بس يقولوا لو مرت سنين من السداد ما اذكر عددها يعفونا من تسديد كم سنه (( قلتلكم ما احفظ ارقام )) هذا غير تسديد البنك 4000 ريال
القرض كان حوالي 800 الف ريال وزدنا عليه... بعنا ارض... و نطلع 5000 شهريا من الراتب وقت البناء طول مدة السنتين وبرضه تسلفنا من البنك مبلغ نسده على 4 سنوات يعني بعد 4 سنوات بنشم نفسنا شوي بس صراحة المبلغ اللي تخصمة الشركه شهريا من راتبنا مو هين وتخيلوا مده 20 سنه لااااا والادهى انه كل مازاد الراتب الزياده السنويه زادت نسبه الخصم معاه كانهم مستكثرين علينا النعمة والا بيذلونا والا ايه ...مني عارفه !!

..... اتمنى لكم التوفيق :)