سعــ أم ــــود :

غلا الروح يحليل أبوك الله يطول لكم بعمره .. أجل بالبحرين ومن ديرة بعيدة ؟؟ أحس البحرين كلها الواحد ياخذها بالطول وبالعرض بتمشية عصرية ؟؟ تصدقين أنا متعقدة من المشاوير فكم مرة أقترح على زوجي ننقل الشرقية أو البحرين عشان المشاوير القريبة ؟؟ هههههه عموماً الله يكتب لأختك الرجل الصالح اللي يقدرها ويخاف الله فيها ويغنيها دنيا وآخرة قمرا أنا الأيام اللي فاتت كنت متابعتكم بس عبال ما أقرأ الردود ماشاء الله تكون جتني شغلة أضطر أترك النت عشانها على فكرة بنات ترا الامبرادور يجي أنواع وألوان هو صحيح كله بني بس نوعين واحد فاتح وواحد غامق وكل واحد منه درجات حسب البلد المنشأ وبعضه يجي قمة في الروعة والفخامة وبعضه يجي بالمرة تعيس فانتبهوا إذا جيتوا تختارونه ولو إني أفضل إن النعله تكون من نفس لون الأرضية رتوش على فكرة ممكن صورة السجادة اللي في المدخل عندك ؟؟ يلله تصبحون على خير

غلا الروح يحليل أبوك الله يطول لكم بعمره .. أجل بالبحرين ومن ديرة بعيدة ؟؟ أحس البحرين كلها...

غلاالروح :

السلام عليكم .. انا توني راده من الدوام قلت اسلم عليكم وان شاء الله تكون اجازتكم سعيدة .. احنا توها اليوم باديه عندنا .. وهبي ويك اند للكل .. قمرا .. اخ منك تدخلي الموضوع ولا حتى تسوي له رفع .. ؟؟ اسكتي احسن لك لا وشاره علي بعد ؟؟؟؟؟؟؟ انا اذا ابي اشارك بالديوانية يبي لي قعده وقهوة عربي ونسكافيه عشان اركزززززز ههههههه لان ما شاء الله الكل يسأل والكل يسولف وما ودي افوت على نفسي شئ هههههه لكن الموضوع سؤال وجواب ورد غطاه .. لكن ليلحين منقهرة عليج تتفرجي بس ها ؟؟ خخخخ بقولكم على نظامنا بالبحرين .. عندنا بنك حكومي تابع لوزارة الاسكان اسمه بنك اسكان يعطي قروض بناء وقروض شراء الخ .. اذا كان قرض البناء مشترك بين الزوجه والزوج يعطون الزوج 20الف والزوجه 20 الف يعني كامل بس 40 الف والقرض يمتد على 20 سنة .. بس شرطهم الاساسي البنك اذا القرض مشترك يكتب البيت بإسم الزوجين .. حتى لو كانت الارض بإسم الزوج .. لازم يسوي لك هبه لنص الارض .. طبعا بما ان زوجي اشترى الارض فأنا راح اطلع قرض بناء ثاني من بنك غير لانه ما يقدر مثل ما قلت .. وعشان المبلغ اللي يعطونا اياه 40 الف دينار ما تكفي الا العظم .. يعني التشطيبات كللللللللها علي .. وبكذا اكون صرت وياه تعادل .. بس انا لو ما كتب البيت نصه لي اصلا ما بوافق مو لان ما عندي ثقة بزوجي بس لان ما عندي ثقة بالايام والسنين والزمن وش بيصير فيني وفي عيالي .. سبحان الله الانسان مو ضامن حاله .. سالفة اختك ذكرتني بسالفة اخت صديقتي .. اختها شرت الارض كلها بفلوسها وطلعت وياه قرض من بنك اسكان وقرض من البنك لان زوجها كان ضعيف حاله وهيا فيها القلب وسكلر ويوم خطوبة اخوها وهيا مشترية لها فستان الحفلة توفت .. وعندها بنت .. اهلها ما يبون الارض والقرض تضيع عليهم زوجو زوجها لاختها الصغيرة اللي هيا صديقتي .. وصار زوجها تخيلو ان بنت اختها عطتها عمتها ولا افتكرت فيها ومسوية لها غرفة في البيت بس ديكور واللحين يوم جابت الولد له تبي تغير الغرفة لولدها وما تعترف فيها ولا تطلع وياهم ولا تقعد وياهم في البيت وزوجها تحسنت حالته بعد ما درس بره وشرا لها سيارة وجاب لها خدامه وبيتها ما شاء الله كبير وااايد وحلو رحت لها زيارة وشفته ... بس اببببببببدا ما تذكر بنت اختها تكسر الخاطر .. وهاذي البنت كانت متعلقة بعمتها وبعد توفت واللحين مع عمتها الثانية .. الله يعينها ويساعدها .. يعني صج الريايل ما لهم اماااااااااااااان ابدا وانا لو بموووت بوصي في وصيتي ان نص بيتي يكون لعيالي وامي وابوي فقط خخخخخخخخ لان الريال ما يصبر مثل المرأة ويتحمل اكيد بيعرس ولا بيقعد يبجي علي وينطرني اطلع من القبر بسم الله علي هههه .. اوراد .. حيا الله من جانا يا مرحبا فيج ويانا الديوانية ان شاء الله تكون عامرة بحسكم وطلتكم البهية .. طالبة المعالي .. اعتقد الترويبة بيج تناسب لكل شئ او تكون ابيض .. استرخاء .. والله ان كلامك له معنى وله صدى في نفسي وجيتي على الجرح .. بس ان شاء الله يكون ولدي بار لي لما يكبر والله خايفه منه الله يهديه خخخخخخ فصعون ؟ كم عمر ولدك ؟؟ يالله بإنتظار فلسفتك للتغيير عشان نطبقها من اللحين ؟؟ لأننا ليلحين ما دفعنا للمهندس فلوسه مع ان خلصنا وياه كل الاوراق .. بس باقي المعاملات الرسمية وتخطيط الخريطة بالملي .. ومع ذلك ما جهزنا المبلغ ؟؟ خخخخ قرضنا مثل ما شرحت لقمرا قرض حكومي وقرض خاص .. 2 في 1 خخ ولك انواع القروض والجمعيات عندنا خخخ .. يالله بإنتظار فلسفاتك .. التغيرية والمعمارية .. >> وحده متحمسه ..

السلام عليكم .. انا توني راده من الدوام قلت اسلم عليكم وان شاء الله تكون اجازتكم سعيدة .....

شاعرةالمليون :

قمرا حبيبتي ماتموت نفس الامستوفيه رزقها,,,والله يرحم اختك واموات المسلمين والموت والحيا ة بعلم الغيب,,,,,, بس الله يحسن خاتمتنا وبالنسبه للزواج كثير من يتزوج على زوجته وهي عايشه معه ومش ناقص عليه شي مش لما تموت وذكرتيني في سالفه ,,,, زوج قال لزوجته والله ماتزوج عليك لين ينشف قبرك ههه وبعد ماماتت قعد يهف على قبرها بمروحه سعف عشااااااااااااااااان ينشف بسرعه ويمديه يتزوج هههههههههه 000000000000000000 عساااااااااااااااااااااااااااااااااااهم مايعرسون علينا ونحن معهم اما اذامتنا الله يرحمنا ماحنا بحالهم 000000000000000000000

قمرا حبيبتي ماتموت نفس الامستوفيه رزقها,,,والله يرحم اختك واموات المسلمين ...