شوفي أختي وفاء بالنسبة للنوافذ والحديد إذا كان عندكم مزانية حطي الشتر ( اللي زي الكراج ) وإذا لا حطي حديد وأختاري اشكال حلوة وفي ناس تحط الإثنين لإنه الشتر ما يعتبر أمان وممكن تعملي زي بنت عمي عملت الحديد الان وتركت مسافة للشتر عشان تعمله بعدين بس الشتر لو أخترتي الكهربائي لازم تكون عاملين حساب تسليك الكهرباء له

اتمنى أني افدتك

و الله يا بنات فكره حلوه و جات في وقتها
بالنسبه لي تونا بادين في اول يوم من محرم
الارض 500و مساحة البناء 280 تقريبا
راح يكلف العظم بس مصنعيه (يني شغل يد من غير مواد ) 95 و زوجي راح يشتري المواد يعني حسبناها تقريبا المجموع للعظم تقريبا350
المقاول وعدنا انه راح يخلص العظم في 4 شهور ان شاء الله يفي بوعده
البنات إلي خاصو العظم كم المده إلي اخذوها
لاني سمعت ان التشطيب هو إلي ياخذ الوقت

تعرفون يا بنات ان المقاول قال لنا من الحين نختار البلاط عشان هو إلي ياخر ...
الله يعين الجميع...

بنات عندي سؤال عيالكم كبار يعني اكبر واحد كم عمره

لاني بصراحه انا ماجله فكره بيت العمر شوي اقول عيالي صغار بيخرب البيت ما كبروا

وانتم وش رايكم اكبر وحده عمرها 10سنوات والب بعدها 6سنوات والي بعدهم سنه ونصف وش رايكم افكر ولا انتظر شوي

لان فكري المساحه 600 متر

الله يجزاااااااااااكم خير..:26:
أنا بحاجه لهالمعلومات أنا لسه في مرحة المخطط والتصاميم ..
غيرنا كم مهندس وما خلصنا لسه ومع مساعدة ملكة الحسن توصلت لمخطط مرة معقووول والله يسهلنا ولكم وييسر كل صعب ونبدأ ونخلص على خير ..

شكر لصاحبة الموضوع على فكرتها الرائعه وشكر خاص لـ omamoory على معلوماتها القيمة وكل ملاحظاتها مفيدة جداً ..:)

ما شاء الله شنو هالتجمع الحلو .......

والله انج خطيرة يا غرام .. كان ودي افتح موضوع مثل هذا واللحين الحمد لله الموضوع ان شاء الله يكبر ويكبر ونتواصل ونفيد ونستفيد مع بعض ..

انا اللحين في مرحلة تصميم الواجهة .... يا ربي لاعت جبدي وحام قلبي من هالمهندس اي شئ ابيه لازم انا اسويه بالاول وهو يرسم مثل ما هو .. ما يغير فيه شبر .. ولا يعدل فيه اي شئ ..؟؟

انا مثل ام العصافير بعدنا في التصميم ..

مساحه الارض 500 متر وطابق واحد سألنا مقاول عن بناء العظم فقط .. قال لنا .. 300000 ريال ..
يعني بالدينار البحريني 30000 الف دينار ..؟؟ غالي ؟؟ ولا زين سعره ؟؟ ولازم كم شهر عشان يبني لنا العظم ؟؟

انزين بنات علموني بعد ما نتفق مع المقاول .. ما هي الخطوات اللي لازم يسويها عشان يخلص العظم ..وبعد ما يمسح البيت وانخلص .. لازم شنسوي ..

الكهرباء والماي ولا النوافذ والابواب ؟؟؟ولا الارضيات ولا بلاط الحمامات ؟؟ ولا شنو ؟؟

يا ريت تكتبون لي الخطوات كاملة بالترتيب من اول ما نتفق مع المقاول على العقد وعلى المبلغ ..حتى نستلم مفتاح البيت .. طبعا التشطيبات علينا بس انا محتارة بعد المقاول شنو لازم انسوي ..

افيدوني جزاكم الله خيرا .. لان زوجي لاهي بشغله وبدراسته وبسفره ومو مهتم بالبيت ؟؟ يعني كله على رأسي ؟؟

وجعل الله بيوتنا عامرة بذكر الله وببركة الرحمن .. وأبعد الله عنا الحسد والعين ..