قرنفلة :

بنات سواليفكم مررة حلوة ومفيدة وحفظتها بالمفضلة عندي للمستقبل الله يهنيكم جميعا ببيوتكم بس غريبة مافي احد من جدة عندي كم سوال بعدين بسالكم العام جددت بيتي وحطيت للمطبخ سيراميك الظاهر اسباني مدري ايطالي له سنة لاحظت الارضية اذا طاح شي قوي انقشرت وطلع لون احمر ضاق صدري منه يعني لازم مررة يابنات تتبهوا للارضية وايش الحل وايش المفروض ناخذ للمطابخ هذا وانا مالي شغل على المطبخ كثير كمان للحمامات كنت حاطة بلاط معتق شوي وبعد التركيب عدموه بالجبس ومهو راضي يروح خسارة مع انه شكله حلو وجبت الشركات اللي تنظف وبرضه ايش الحل في منظفات خاصة فيه واخيرا باطفشكم شوفت فلل جاهزة بس غريبة شغلها مهو تجاري زي اللي يبيعوهم كل تشطيبهم من نجم ابي حسين وابواب سنديان خللاطات ايطالي وتكييف مركزي كارير وارضيات رخام كريما نوفا +ايمبرادور اول مرة ادخل بيت ويعجبني للشراء مدري ينفع نشتريها ولا لازم الواحد يبني ويشوف الشغل اول باول

بنات سواليفكم مررة حلوة ومفيدة وحفظتها بالمفضلة عندي للمستقبل الله يهنيكم جميعا ببيوتكم بس...

omamoory :

اهلا اختي قرنفلة : كيف مافي احد من جدة أنا وأم سعود من جدة ورتوش وفاء يعتبروا جداويات برضه لأنهم مالهم غير جدة ينبع مافيها شيء :) متعقدة منها تراني بالنسبة للسيراميك المطبخ عندك الطبقة هذه طبقة الفخار تكون تحت الطبقة العلوية من السيراميك عشان كده افضل لو تكون ارضية المطبخ بورسلان مش سيراميك بالنسبة للمنظفات والله ماعندي خبرة لسه بالنسبة للفيلا اذا اعاجبتك في تفصيلها ومناسبتكم بالمرة استخيري واشتريها اذا كنت تقدري واحسن من وجع الدماغ والبنيان واذا تبغي فيلا على مزاجك في كل شيء من التصميم للتشطيب وتكوني معاينة كل شيء وعندك وعند زوجك القدرة والصبر فابني على كيفك احسن

اهلا اختي قرنفلة : كيف مافي احد من جدة أنا وأم سعود من جدة ورتوش وفاء يعتبروا جداويات برضه لأنهم...