استرخاء :26:
الله يجزاك خير على المؤازره ورفع المعنويات
بس والله اني صادقه لاني مالقيت شيء يسوى وماحب الشيء المكرر ابي شيء مميز
خصوصا حوشنا صغير نبي شيء يبرزه ويظهر جماله وهو واجهة البيت ولا ااا؟
omamoory
زوجي يقول بنحط الي متره 80 بيتحمل وش رايك؟
سكر مكر
الله يعطيك العافيه متأكده من المحل هو الي بجنبه محل حق درابزينات ؟
قرنفلة :26:
معليش اختي لاني امس مريت على الردود بسرعه بسرعه لان زوجي كان مستعجلني وماقدرت آخذ راحتي وياهلا وسهلا فيك في بيتك وملفاك
رتوووش
الله يعطيك العافيه ماقصرتي:26:
حالي مع الأيام
انا زيك احب التاكو وحطيته في صالة المعيشه فوق مع الاسياب واما الغرف خليتها بدون وايضا في الملحق الي فوق مع الاسياب وفي المطبخ فقط
وتفننت فيها اخذت من عند المحل بلاط عجبتني تشكيلته فقلت لهم قصصوه لي توكات ونفس الشيء البلاط يقصون لي الزوايا حقته عشان تصير التاكو في المنتصف لان الملحق الي فوق صلحوه بدون قص وصاير متعرج وما جاز لي والمطبخ بالمثل لانه ماينقص لان حجم البلاط صغير وبيصغر مع القص
بس عموما هي تعطي تميز وشكل حلوواطارات الشبابيك لسى مااخترنا وان شاء الله نستفيد منكم
رتوووش
الله يجزاك خير وماشاء الله ولا قوة إلا بالله حلو ذوقك إلا حمام الولد ماابدعتي فيه مثل الباقين بس تراه حلو مو شين وانا ترى كنت ابي ابيض لامع عشان احس بالنظافه لكن يوم رحت للانيق وشفت حماماتهم غيرت رايي واخترت الي في العرض وكلها مطفي الاحمام النساء شوي بلمعه مو قوي
والكل لامنا ليش تاخذون غالي وبصراحه الزين غالي والرخيص مخيس

صباح الخير على الحلوات والسكرات ..

ورود
الفرن انا بعد محتارة من ناحية الفرن اشوف المطابخ تصميمها لازم يجي وياه الفرن .. عشان يكون داخل المطبخ وما يبان بروحه مع ان فرني نوعيته ممتازة اسمه قليم كاز كأن الماني ؟؟ مع اني ما اطبخ عليه وااايد بس بيت اهلي صار لهم 20 سنة يستخدمونه لكن تعالي شوفيه ما شاء الله جديد .. عشان جذي خايفة ابدل الفرن مع المطبخ الجديد وما يطلع تمام ؟؟ خصوصا اللي جايه عيونهم كهربائية احس بالغاز الاكل يطلع له طعم ثاني ..

قمرا ..
الخيرة فيما اختاره الله .. واكيد بتلقين اللي احلى منه .. اما رخام في الحوش ؟؟؟؟ انا مو مأمنه احط رخام داخل البيت ؟؟ وانتي بتحطي بره ؟؟ الرخام يخوف ؟؟ واكيد مثل ما قالو الاخوات من الرطوبة والشمس بينعدم .. شوفي بورسلان مطفي احسن ..

العداوية ..
اكيد يأثر يا اختي لو حطيتي موقع المطبخ في وسط غرف النوم اشوفها مو مناسبة ..؟؟ انا برأيي احسن موقع للمطبخ يكون بجنب البيت .. وقريب منه : غرفة الطعام .. المخزن .. الديرتي كشن اللي حق القلي والروائح .. وحوض الغسيل اللي يكون نازل في الارض عشان لو في عزومة ما ينعدم المطبخ من الغسل والجلي ..

شوق شرقاوي
الله يكتب لك الخيروماافيه
وماتدرين وين الخيره فيه

قرنفلة ..
احلى ترحيب لاحلى نااااس .. ها شربتي القهوة والشاي ..
وشلون تقولي مافي احد من جده وكل الاخوات الحلوات من جده ..
عيل انا شاقول ؟؟؟
من البحرين وما عندي احد .. اهي اهي .. ؟؟
بس والله البنات تحسين معاهم كأنهم اخوات وجيرة وحده ..
حياج الله يالغلا ..

رتوووش ..
ما شاء الله تبارك الرحمن ..
وااايد ناعمين الحمامات ..
اكثر واحد عجبني ..
حمام النساء .. وحمامكم ..
مع ان عجبني اللمعه السوداء اللي فيه بس اللحين خفت ؟؟
شنو احسن برأيج ؟ اللمعه لو المطفي ؟؟
بس هذا اللي حاطته كأنه مرايه اكيد مغربلك في التنظيف لازم على طول يلمع ولا يبين املح ؟؟ صح ؟


>>> ويه يوعااااان ما فطر .. سي يو ..

سين سؤال : شنو هو التاكو ؟؟

هل تقصدون فيه الاطارات ؟؟ او الفريمات اللي تكون بلون اغمق في الارضية ..

قمرا ..
النعله تقصدين فيها اللي تكون ملصوقة في الجدار واللي تكون من نفس لون الارضيه ؟؟
اشسويتي ؟؟اخذتيها اي لون ؟؟ انا افضل اللي تكون لون واحد مثل الارضية اتوقع تطلع احلى ؟
طيب هاذي شنو فايدتها .؟؟

غلاالروح
التاكو هو البلاطات الي تكون صغيره ويوزعونا بين البلاط الكبير مثل اللي بالصوره

والنعله ان شاء الله نفس لون الرخام وفايدتها تعطي اولا شكل حلو وثانيا تحافظ على البويه من اسفل من المويه والاتساخ

بنات الرياض لا تنسون ترى بكره اخر يوم للمعرض الدولي انا بحاول اروح اليوم العصر او المساء من تخاويني

مساء الخير للجميع ونهاركم سعيد
قمرا
لا يهمك حياتي قولي اللهم اخلفني خيرا منه 3مرات وان شاء الله بتلقين احسن واجمل وتقولين الحمد لله مااخذت الاول
غلا
مثل ماقات قمرا والبنات الكل يؤيد النعله من نفس اللون وتكون عاليه احلى
اما التاكو مدري ماحبيته في الارضيات.. للحمام ممكن
رتووش
الحمامات حلوه بس ايش الحواجز حق البانيو؟
وليش اللمعه مو احسن مع اني ماحطيت لمعه بس سؤال
ام عموري
سلام وبس شخبارك حلوة بدون مكياج
ايش عندك بعد من استغلال للمساحه (تحت الدرج وش سويتي فيه)