لو محتاجه تعطي وسع للمكان



هذي ضحكتني قلت لازم تشوفونها




وهذي صور لستاير بس الصور اللي في الموقع حلووووه عجبني الشلالات اللي فيها مثل هذول
بليز اضغطي على الروابط


http://www.vertibelle.com/gallery/artistic_impression/eternity.html

http://www.vertibelle.com/gallery/artistic_impression/mistywaterfall.html


http://www.vertibelle.com/gallery/artistic_impression/perfectnature.html

http://www.vertibelle.com/gallery/artistic_impression/heavenlyforest.html

هذا اسم الموقع..
http://www.vertibelle.com


وهذي مواقع لصور الرسم على الجدران طبي واختاري..

http://www.amazingwalls.com/Home.html

http://www.fauxtastic.com/home.html



http://www.lindapaul.com/


وهنا رابط البحث
http://images.google.com/images?q=+walls+decoration&svnum=10&hl=en&lr=&start=18&sa=N&ndsp=18
وهذا رابط لموضوع عجبني

http://www.lakii.com/vb/showthread.php?t=30662

فاصل ونواصل ...
وراجعه للردود وحل الواجب..
:26:

والالوان نوعي اجمعي اللونين كل لون بسويش خاص حتى تقدري تتحكمين في الاضاءه وحددي من الحين وين مكان الاضاءة الجداريه وروحي وخطي عليها بالقلم يعني هنا راح احط اضاءة حولين الصوره
والكهرباء تكون 110و220 وفيش تلفون بجانب بعض في كل غرفه وممكن في الغرفه الوحده مرتين حتى ماتظطرين لتمديد اسلاك تدرين راح تحتاجين للكمبيوتر والسبوت والاضاءه المخفيه والابجورات واذا تلفزيون وفيديو اما عند الباب تحت اول كنبه(للتوضيح)او فوق المهم تكون قريبه من كل باب مدخل حتى ماتدخلين في الظلام تدورين النور
المطبخ اهم شي في كل جدار وعلى ارتفاع 100سم تقريبا
وصح للمعلومه حددي من الان وين راح تحطين التكييف المركزي لانه راح يقيدك بالديكور ومكان السرير
مدري فهمتي كلامي والانصه داخل بطني لاني اكتب بسرعه اخاف من حركات المنتدى القرعه

حلوة
الصور حلوة بس تحسينها مو حقيقيه ودي بشي حقيقي(مو انا الي طلبت شاعره اللي طلبتكم صح )سوووري هههههههههههه
سكر
نفس الكلام لكن هذي الشلالات موكنها ستاير
قمر
شفتها هههههههههههه ومو كل جمعه يجتمعون بس صادفت
البنت تهبل ماشاء الله عليها وشكلها تشبهك انتي (امسحي الصوره نصيحه )الله يحفظها مادام شفناها كلنا (في بعض البنات ماتتغير نفس شكلها بس يكبر وتحسين انك شايقتها كبيرة صح بنات
وفي بعض تحسين الطفوله فيها واذا كبرت تقلب 180)

طوووق

زين والله شكلنا بنستفيد من أرائك وذوقك الحلو بس ممكن صور ؟ ولو ما تقدرين على العام ممكن على الخاص ؟
<<< غارت من سر خخخخ

وبالنسبة للفرن السيراميك صحيح هو كذا يطفي من نفسه ؟؟ أنا كان عاجبني وكان ودي فيه طيب وش نوعه اللي عندك يعني وش ماركته ؟ وصناعة فين ؟ خلينا نجمع معلومات

سر الألم
الله يسلم لك أهلك قولي لهم يدعون لنا ترانا لحاجة دعوة ناس بالغيب يفك ربي أزماتنا ونخلص من هالعمار
وعسى مايوحشك غالي

أم عموري
لا والله مدري عن الأبواب هذي لكن كان فيه محل في المعرض أبوابه فيبر جلاس وشكلها كأنها خشبي ناسية اسمه لو تبين أدور لك عليه بين البروشورات بس أكيد أنت شفتيه لأنكم جبتوا طاريه في الردود اللي فاتت على ما أظن ولا ؟؟
وبعدين وين رقم الرسام ؟ ولا بيصير مثل رقم اليماني اللي مدري مين كانت طالبته من مدري مين ؟؟
وبالنسبة للأبواب الخارجية أنا ناوية بإذن الله على الأبواب الخشبية اللي عليها حديد مشغول يعني مثل فكرة الحديد المشغول اللي مع اللكسان لكن بدل اللكسان خشب أشوفها بالبيوت والقصور الراقية وبالمرة يعجبني
بس طبعاً مايصلح أي لون حديد ولا أي درجة لون خشب
فيه بيت بالذات ماشاء الله بالمرة عاجبني بابه صورته بس بغير فيه شوي وإذا وصلنا لمرحلته عطيته الحداد يسوي لي الرسمة اللي برسم له على نفس ألوان باب بيت الناس ههههه
طبعاً ما راح أقدر أحط صورة بيت الناس أعتقد حرام مو من حقي لكن أنت تقجرين تشوفينه لأن القصر واضح عارفة مدارس الفردوس وين ؟ آخر شارع التحلية تلفين يمين على طريق الملك فيه قصر تشوفينه وأنت طالعة من المدارس رايحة على طريق الملك يعني القصر على طريق الملك من جهة وبجانب الفردوس من جهة لو رحتي هناك ترى بتلاقين الوصف واضح .. المهم هذاك الستايل من الأبواب هو اللي يعجبني وأحسه ما ينمل

جي جي
أنا عندي حوش صغير وناوية بإذن الله إني أخلي البلاط ممرات بس عريضة بأماكن وأنحف بأماكن والباقي بيكون ثيل وزروعات بسيطة وورود وماني ناوية أحط أشجار كبيرة أحسها ماتنفع إلا للي احاوشهم كبيرة ماشاء الله
وبالنسبة للرسم أنا كمان ما أأيدك فيه وحلوة الصورة اللي حطتنا حلوة بدون مكياج

ملكة الليل

أنت قرقرت كثير ؟ ياويلي أجل أنا الحين لازم أسوي تسجيل خروج وأقفل وأغطي وجهي من الفشلة هههه
لا حبيتي حنا نمووووووووووت باللي هذرتها واجد

قمرا
بنتك قمر طالعة على أمها ما شاء الله

حلوة بدون مكياج
أنا وصفت لك بيتنا اللي جالسين نبنيه حالياً وحنا الآن في مرحلة اللياسة وصادقة من ناحية التصميم كل مين واللي يناسبه أنا مثلك كل ما أقول لأحد إني حاطة المطبخ فوق عند الشغالة وعند غرفة الغسيل والكوي يقولون شلون وكيف ومايصير ولو جتك عزيمة ولو مدري وشو ويحطون ستين مشكلة ماتعنيني لأني أنا مثلك لو جوني ضيوف جبنا من برة وبيكون نظام إما بوفيه لو الناس كثار أو مثل طريقتك إن الأكل بنحط بطاولة بالنص وأدور فيه أول مرة وبعدين كل مين يخدم نفسه
بالنسبة للأمان والخصوصية أنا مثلك أحبهم وعشان كذا صحيح إن غرفة الألعاب حاطتها بالمعيشة اللي في دورنا لكن بيتي أصلاً نظام مستويات انا مسويته يعني لمن تطلعين من الدرج تقابلك صالة المعيشة فقط ومنها بابين واحد لغرفة الألعاب وواحد لغرفة الفيديو والسوني زوجي يبي يسويها (ثييتر روم) مثل اللي عند اكسترا وبعدين من جهة تطلعين درجتين على الأوفيس الصغير وركن للإفطار يطل على المسبح
ومن جهة ثانية يجيك درج يوديك للميزانين اللي فوق غرفة الألعاب والفيديو ويطل على الصالة زي البلكونة هذا أكبر غرفة بعد الصالون بحط هنا إن شاء الله مكتبة كتب كبيرة وكمان مكاتب الأولاد وكمبيوتراتهم مع ركن للقراءة يطل على الصالة << وحدة تعشق الكتب ههههههه
وبعدين نفس الدرج اللي يودي للميزانين من نصه يودي لدور غرف نومنا يعني خليت غرفنا منعزلة تماماً عن بقية البيت
وبالنسبة للدرج أنا خليت درج في الوسط لكن برضه فيه درج جانبي عشان يقدر زوجي يطلع لو عندي ضيوف
أدري شرحي مو ذاك الشيء بس إن شاء الله تكونين فهمتي علي

وشكراً على تذكيرك لنا بالصدقة سبحان الله فعلاً كل ما الواحد ضاقت معه الدنيا واحتاج فلوس الفروض يتصدق يقوم ربي يطح البركة في فلوسه اللي معه بس الله يهدينا إذا انزنقنا نسينا

غلا
بالنسبة للسبوت لايت أنا بعد ما رسمت الجبس وأعطيته للمهندس اللي يرسم لي بشوف نفس الرسمه وأوزع عليها السبوت لايت توزيع وظيفي مع جمالي يعني فيه أماكن في الصالة فيها حركة محتاجة تسلطين عليها إضاءة عشان تبزرزين جمالها صح ؟ وزعي السبوت لايتات عندها أول وبعدين شوفي الأماكن اللي يفرضها عليك تصميم الجبس نفسه وبعد كذا لو حسيتي إن العدد مو كفاية وقتها ممكن تضيفين مصادر إضاء مختلفة مثل الأبجورات والنجف ولا تنسين طبعاً الأبليكات لأنها تعطي منظر
وبالنسبة للألون يعتمد على الجو العام اللي تبينه للبيت فيه ناس تحب النور الأبيض وناس تحب الأصفر وناس تحب تجمع بينهم أنا عموماً ما أطيق الإضاءة البيضاء نهائي أحس الصفراء تعطي رقي وشاعرية للمكان وأحس كأني في فندق أنا أول شيء سويته في شقتي يوم تزوجت إني خليت زوجي يحط لي الإضاءة كلها صفراء ونفس الشيء بسويه في بيتنا اللي نبنيه إن شاء الله وبالنسبة للفريم حسب الستايل اللي ناوية تفرشين فيه بيتك أنا عن نفسي لسه محتارة بس تونا عن هالمرحلة
وأفياش الكهرباء أنا وزعت الأثاث على الخريطة وتخيلت وقتها وين بحط أبجورة مثلاً وين بحط التليفزيون والريسيفر وين الكمبيوتر بيكون وين بتنشبك المكنسة عشان ما أضطر أفصل جهاز مهم عشانها ووزعي الأفياش حسب حاجتك لها ولا تنسين تحطين أفياش في الممرات عشان لو تبين تشغلين مكنسة مثلاً ترى عملية توزيع الأفياش بحالها يبي لها مخمخة مضبوطة وفيه مهندسين ياخذون لك على الدور 500 ريال توزيع كهرباء بس أنا قلت أنا أدري بإحتياجاتي والمهندس المشرف أعجبته رسمتي الحمدلله




رتوووش
وينك عسى ما شر؟


يلله أظن هذا الرد عن الأسابيع اللي فاتت كلها خخخخخخخخ
<< يعني هم وش ذنبهم إنك تغيبين تروحين تطفشينهم برد هالطول ؟؟؟ (وجه يسوي كأنه مستحي )

ام سعود
اللكسان وش هو بالضبط اكيد اعرفه بس من كلام كل وحده ماعرفت له خبر